Imilimo 10
10
E Peter nu Komelio
1Mwe Kesariya mwalinji umuntu wino witwanga ilyakwe Komelio, walinji wemusika mukulu wavita vya wa Roma vino watanji ivita vya wa Taliani. 2Walinji wekalumbula wachindikanga Leza; nichiwanza chakwe chonsi chapepanga Leza. Wavwanga awa Yuda wane walinji awalanda, wapepanga kwe Leza penye. 3Pano ilanzi lyasenuka akamanguzi alota ichilota, muno walolechesizye alola umungeli wakwe Leza akuya afika amunena ati, Komelio!
4Ngapano amupanga naminso mbali nintete ati, Achani tatakulu?
Nga umungeli amutolelela ati, Leza wapochelela amapepo yako nimilimo yankumbu, wakwizuka. 5Ale konanzi tuma awantu kwe Yopa wakasende umuntu wumwi e Simoni Peter. 6Amweni wakwe e Simoni ekanyuka wamikwela, wino ing'anda yakwe ili mumbali yakwe sumbi. 7Ala umungeli wino wavwanganga nawe wapita, Komelio ayita awawomvi wakwe wawili nuwavita wenga, wino wamanyile ivya wu-Leza weyonye awino wamupyunjilanga penye. 8Awenena vyonsi vino vyaponile nga awatuma kwe Yopa.
9Uwacha, pano wali pamusinzo wawo ye wapalamila ukufika kwe Yopa, Peter akwela kung'anda yapapela awapepa pane ilanzi lyatezile lyafika pamutwe papela. 10Inzala imuluma, awalonda ukulya; ukuwa awala pano wachili wakupyunga alota ichilota. 11Alola iyulu Iyiyuka nichiya chimwi chino chalinji ngati achilundo chikulu chikwika pansi chilemilwe muvikonchi vini. 12Mwecholicho mwalinji ivinyamana vyamisango-misango, nivikulisi, ninyunyi zyalonde. 13Izwi alinena Peter aliti, Katuka, we Peter; koma ulye!
14Ukuwa Peter atolelela ati, Musi molimo, Mfumu! Amuno nsitela indye ichintu chimwi ichiwipe nanti achintu chaka,
15Izwi alimuvwanzya impindi yachitiwili aliti, Chino Leza waswefya utize uwati achintu chaka. 16Chonye-choo chachisilwe impindi zitatu; ngapano ichiyanye chocho achisendwa mwiyulu.
17Peter awazunguka chino ichilotanye chocho chasulanga. Nga pampindinye yoyo awantu wane watumilwe nu Komelio awivwa kuno ing'anda yakwe Simoni yalinji, awaya awimilila pamulyango. 18Awapunda awawuzya nukuwuzya awati, Wuzye moo muli umweni wumwi e Simoni Peter?
19Peter watundamizizye walondanga ukumanya chino ichilota chasulanga, pano Umuzimu wamunenile awuti, Lola! Awantu watatu wakukuvwamba. 20Katuka yanga kweneko, utize uwakwelezya nanti kuzinguluka uk up ita nawo, amuno anene mbatumile. 21Achaleka Peter ayika kung'anda aya kuwantu afika ati, Anemuntu mukuvwamba. Nga mwizila chani?
22Awamutolelela awati, We Komelio e musika awino atutumile. Amuntu muzimanye wino akapepa Leza swinya walumbililwa nkaninye na wa Yuda wonsi. Umungeli wakwe Leza wumwi wamupile ilango wati akwite wewe kung'anda yakwe, alyakuti akivwe amazwi yako. 23Peter anena awantu awinjila mung'anda awasezya uwusiku wowonye mung'anda awasezya uwusiku wowonye.
Uwacha akatuka apita nawo; nga nawawuye wamwi awamwe Y opa awapita nawe. 24Uwacha afika mwe Kesariya, azana Komelio akumulindilila, apaliponga nichiwanza chakwe niviwuza vyakwe wane wawisile. 25Ala vino Peter akasi awakwinjila, Komelio amusunkania, apona pamanama yakwe, afukama pakwe weliwe. 26Ukuwa Peter amukatusya. Amunena ati, Katuka, amuno naninye nemuntu awowo. 27Peter alanga akuvwanga nu Komelio pano akwinjila mung'anda, muno mwawungine awantu wavule. 28Awanena ati, Mwemwenye nalwinu mwamanya kuno lisi alisundo lyachipepelwe cha chiYuda ukusyungula nanti akuyisanzya kwikandi. Ukuwa nenji Leza wandanjizya ukuti ntize ndakwelengania ukusolowola umuntu wumwi ndati atayana pamwi amuwipe. 29Achaleka pane watumile kwenene njizile nani ntazi zimwi. Ale, ngafwandi ukunjitila chani?
30Komelio ati, Kwapita amanda yatatu pano napepanga mung'anda yane, kwela impindi yatezile yawa ndivino yonye yoo nilanzi lyatezile lyasenuka. Niwuchizile umuntu wumwi wino wazwite ivizwalo vizikimile wiza wimilila pankolelo pakwe nene, 31wati, Komelio! Leza wivwa ipepo lako, wizuka nimilimo yako iyankumbu. 32Tuma umuntu wumwi kwe Yopa akite umuntu wumwi wino akwitwanga izina lyakwe Simoni Peter. Ali mung'anda yakwe Simoni ekanyuka wamikwela, wino ing'anda yakwe ili mupipi nusumbi. 33Achaleka natumile kwewewe nanti kuzimba, nawe wachita ichete wiza. Kanonzi swe waa pankolelo pakwe Leza, tukulindilila chonsinye chino Imfumu ikutumile ukuti uvwange.
Ukuvwanga kwakwe Peter
34Peter atalika ukuvwanga: ati, Kanonzi napanichisya kuno Leza akalingania awantu wonsi apaliponga. 35Umuntu wensi wino akamutina nukuchita ivizima vino wakunda, asipechela ukulola pamwiko wamuntu. 36Mwamanya amazwi yano watumile ku wa Israeli, ayakuwizya Ilandwe Zima ilyamutende mwakwe Yesu Klistu, Imfumu yawantu wonsi. 37Mwamanya chino chaponile mwakwe Yudeya monsi, ukutalichila mwe Galileya, pane Yohani watezile wamala ukuwizya ivyibatizo. 38Mwamanya ivyakwe Yesu wa mwe Nazareti, vino Leza wamupungulizile Umuzimu Mwimichile mbali namaka. Wayile konsi-konsi, ukuchita ivizima nukupozya wonsi wane wavinzilwe nu Muwipe, muno Leza walinji nawe. 39Swewakalola wakwe vyonsi vino wachisile munsi ya wa Yuda na mwe Yerusalemu. Wamukomile awamupamantila pawuchingane. 40Ukuwa pawanda wachititatu Leza amuzyulupula kumfwa, aleka aloleka. 41Atalolesile kuwantu wonsi, ukuwa kwakwe sweswe watupu, wakalola wane Leza wasozile kali. Walile pano Leza wamuzyulupula kumfwa, atulya atung'wa nukung'wa nawe. 42Atukomelezya ukuwizya Ilandwe Zima kuwantu, mbali nukupanichisya kuno weliwenye wamwimisile ukuwa wekapanzya wawapuma nawafwe. 43Awatumwa wonsi wavwanzile ivyakwe, awati, Wensi wino akusuwila mwakwe weliwe alitetelwa uluwembu lwakwe mumaka yazina lyakwe,
Amakandi Ayapochelela Muzimu Mwimichile
44Ala pane Peter achili akuvwanga, Muzimu Mwimichile ayika pakwe wonsi wane wateyelezyanga amazwi. 45Awa Yuda wano wasuwizile, wane Peter wafumile nawo kwe Yopa, wazungusile kuno Leza wapungulizile ichawila chakwe Umuzimu Mwimichile na kumakandinye. 46Amuno wawivwile kuno wakuvwanga imivwango mipya mbali nukutumvya uwukankala wakwe Leza. Ngapano Peter asimpuka ati, 47Awantunye waa wapochelela Muzimu Mwimichile, ndivino naswe twapochelezile. Wuzye kanonzi, pali wumwi wino angawalesya ukuti watize wabatizwe naminzi? 48Achaleka akomelezya ukuti wabatizizwe mwizina lyakwe Yesu Klistu. Ngapano awalambilizya ukuti ayikale nawo amanda matichi.
Zvasarudzwa nguva ino
Imilimo 10: WWN82
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Chinamwanga Bible © United Bible Societies, 1981.
Imilimo 10
10
E Peter nu Komelio
1Mwe Kesariya mwalinji umuntu wino witwanga ilyakwe Komelio, walinji wemusika mukulu wavita vya wa Roma vino watanji ivita vya wa Taliani. 2Walinji wekalumbula wachindikanga Leza; nichiwanza chakwe chonsi chapepanga Leza. Wavwanga awa Yuda wane walinji awalanda, wapepanga kwe Leza penye. 3Pano ilanzi lyasenuka akamanguzi alota ichilota, muno walolechesizye alola umungeli wakwe Leza akuya afika amunena ati, Komelio!
4Ngapano amupanga naminso mbali nintete ati, Achani tatakulu?
Nga umungeli amutolelela ati, Leza wapochelela amapepo yako nimilimo yankumbu, wakwizuka. 5Ale konanzi tuma awantu kwe Yopa wakasende umuntu wumwi e Simoni Peter. 6Amweni wakwe e Simoni ekanyuka wamikwela, wino ing'anda yakwe ili mumbali yakwe sumbi. 7Ala umungeli wino wavwanganga nawe wapita, Komelio ayita awawomvi wakwe wawili nuwavita wenga, wino wamanyile ivya wu-Leza weyonye awino wamupyunjilanga penye. 8Awenena vyonsi vino vyaponile nga awatuma kwe Yopa.
9Uwacha, pano wali pamusinzo wawo ye wapalamila ukufika kwe Yopa, Peter akwela kung'anda yapapela awapepa pane ilanzi lyatezile lyafika pamutwe papela. 10Inzala imuluma, awalonda ukulya; ukuwa awala pano wachili wakupyunga alota ichilota. 11Alola iyulu Iyiyuka nichiya chimwi chino chalinji ngati achilundo chikulu chikwika pansi chilemilwe muvikonchi vini. 12Mwecholicho mwalinji ivinyamana vyamisango-misango, nivikulisi, ninyunyi zyalonde. 13Izwi alinena Peter aliti, Katuka, we Peter; koma ulye!
14Ukuwa Peter atolelela ati, Musi molimo, Mfumu! Amuno nsitela indye ichintu chimwi ichiwipe nanti achintu chaka,
15Izwi alimuvwanzya impindi yachitiwili aliti, Chino Leza waswefya utize uwati achintu chaka. 16Chonye-choo chachisilwe impindi zitatu; ngapano ichiyanye chocho achisendwa mwiyulu.
17Peter awazunguka chino ichilotanye chocho chasulanga. Nga pampindinye yoyo awantu wane watumilwe nu Komelio awivwa kuno ing'anda yakwe Simoni yalinji, awaya awimilila pamulyango. 18Awapunda awawuzya nukuwuzya awati, Wuzye moo muli umweni wumwi e Simoni Peter?
19Peter watundamizizye walondanga ukumanya chino ichilota chasulanga, pano Umuzimu wamunenile awuti, Lola! Awantu watatu wakukuvwamba. 20Katuka yanga kweneko, utize uwakwelezya nanti kuzinguluka uk up ita nawo, amuno anene mbatumile. 21Achaleka Peter ayika kung'anda aya kuwantu afika ati, Anemuntu mukuvwamba. Nga mwizila chani?
22Awamutolelela awati, We Komelio e musika awino atutumile. Amuntu muzimanye wino akapepa Leza swinya walumbililwa nkaninye na wa Yuda wonsi. Umungeli wakwe Leza wumwi wamupile ilango wati akwite wewe kung'anda yakwe, alyakuti akivwe amazwi yako. 23Peter anena awantu awinjila mung'anda awasezya uwusiku wowonye mung'anda awasezya uwusiku wowonye.
Uwacha akatuka apita nawo; nga nawawuye wamwi awamwe Y opa awapita nawe. 24Uwacha afika mwe Kesariya, azana Komelio akumulindilila, apaliponga nichiwanza chakwe niviwuza vyakwe wane wawisile. 25Ala vino Peter akasi awakwinjila, Komelio amusunkania, apona pamanama yakwe, afukama pakwe weliwe. 26Ukuwa Peter amukatusya. Amunena ati, Katuka, amuno naninye nemuntu awowo. 27Peter alanga akuvwanga nu Komelio pano akwinjila mung'anda, muno mwawungine awantu wavule. 28Awanena ati, Mwemwenye nalwinu mwamanya kuno lisi alisundo lyachipepelwe cha chiYuda ukusyungula nanti akuyisanzya kwikandi. Ukuwa nenji Leza wandanjizya ukuti ntize ndakwelengania ukusolowola umuntu wumwi ndati atayana pamwi amuwipe. 29Achaleka pane watumile kwenene njizile nani ntazi zimwi. Ale, ngafwandi ukunjitila chani?
30Komelio ati, Kwapita amanda yatatu pano napepanga mung'anda yane, kwela impindi yatezile yawa ndivino yonye yoo nilanzi lyatezile lyasenuka. Niwuchizile umuntu wumwi wino wazwite ivizwalo vizikimile wiza wimilila pankolelo pakwe nene, 31wati, Komelio! Leza wivwa ipepo lako, wizuka nimilimo yako iyankumbu. 32Tuma umuntu wumwi kwe Yopa akite umuntu wumwi wino akwitwanga izina lyakwe Simoni Peter. Ali mung'anda yakwe Simoni ekanyuka wamikwela, wino ing'anda yakwe ili mupipi nusumbi. 33Achaleka natumile kwewewe nanti kuzimba, nawe wachita ichete wiza. Kanonzi swe waa pankolelo pakwe Leza, tukulindilila chonsinye chino Imfumu ikutumile ukuti uvwange.
Ukuvwanga kwakwe Peter
34Peter atalika ukuvwanga: ati, Kanonzi napanichisya kuno Leza akalingania awantu wonsi apaliponga. 35Umuntu wensi wino akamutina nukuchita ivizima vino wakunda, asipechela ukulola pamwiko wamuntu. 36Mwamanya amazwi yano watumile ku wa Israeli, ayakuwizya Ilandwe Zima ilyamutende mwakwe Yesu Klistu, Imfumu yawantu wonsi. 37Mwamanya chino chaponile mwakwe Yudeya monsi, ukutalichila mwe Galileya, pane Yohani watezile wamala ukuwizya ivyibatizo. 38Mwamanya ivyakwe Yesu wa mwe Nazareti, vino Leza wamupungulizile Umuzimu Mwimichile mbali namaka. Wayile konsi-konsi, ukuchita ivizima nukupozya wonsi wane wavinzilwe nu Muwipe, muno Leza walinji nawe. 39Swewakalola wakwe vyonsi vino wachisile munsi ya wa Yuda na mwe Yerusalemu. Wamukomile awamupamantila pawuchingane. 40Ukuwa pawanda wachititatu Leza amuzyulupula kumfwa, aleka aloleka. 41Atalolesile kuwantu wonsi, ukuwa kwakwe sweswe watupu, wakalola wane Leza wasozile kali. Walile pano Leza wamuzyulupula kumfwa, atulya atung'wa nukung'wa nawe. 42Atukomelezya ukuwizya Ilandwe Zima kuwantu, mbali nukupanichisya kuno weliwenye wamwimisile ukuwa wekapanzya wawapuma nawafwe. 43Awatumwa wonsi wavwanzile ivyakwe, awati, Wensi wino akusuwila mwakwe weliwe alitetelwa uluwembu lwakwe mumaka yazina lyakwe,
Amakandi Ayapochelela Muzimu Mwimichile
44Ala pane Peter achili akuvwanga, Muzimu Mwimichile ayika pakwe wonsi wane wateyelezyanga amazwi. 45Awa Yuda wano wasuwizile, wane Peter wafumile nawo kwe Yopa, wazungusile kuno Leza wapungulizile ichawila chakwe Umuzimu Mwimichile na kumakandinye. 46Amuno wawivwile kuno wakuvwanga imivwango mipya mbali nukutumvya uwukankala wakwe Leza. Ngapano Peter asimpuka ati, 47Awantunye waa wapochelela Muzimu Mwimichile, ndivino naswe twapochelezile. Wuzye kanonzi, pali wumwi wino angawalesya ukuti watize wabatizwe naminzi? 48Achaleka akomelezya ukuti wabatizizwe mwizina lyakwe Yesu Klistu. Ngapano awalambilizya ukuti ayikale nawo amanda matichi.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Chinamwanga Bible © United Bible Societies, 1981.