Imilimo 12
12
Ukuyimba akonjelezya
1Kwela pampindinye yoyo imfumu Herodi atalika ukuyimvya awasuwizi wi Klezia. 2Atumilizya ukuti Jemusi umuyina Yohani akomwe nulupanga. 3Ala walola kuno chochonye chasechelesizye awa Yuda, aya alema nu Peter-nye. (Chochonye chaponile pampindi yamanda yachakulya chino chisi numutawa.) 4Ala walema Peter amwiyalila mung'anda yavingololo, amulemeka kumawumba yani ayavita mwiwumba lyonga awavita wani. Herodi apanzya ukuti ayize akimilike Peter piwumba pano Ichakupitililwa chasila nga apanzwe. 5Achaleka Peter alanga asunzilwe mung'anda yavingololo, ukuwa awantu wamwi Klezia wamupepelanga kwe Leza nimyezo yonsi.
Peter asapulwa muvingololo
6Uwanda wuno Herodi walalizile ukuti uwacha afumizye Peter pawantu, uwusikunye wowo Peter walazile pakasi pavita viwili. Wanyefilwe niminyololo yiwili, nawo awavita walindililanga pamulyango wang'anda yavingololo. 7Awiwuchila umungeli wa Mfumu ayimilile penepo, ukuswepa akuwala mung'anda monsi. Umungeli ayingania Peter pachiweya, amuziwula ati, Katuka zuwa! Utafwa nukuzinguluka! Paponye iminyololo ilakata mumakasa yakwe Peter ipona pansi. 8Ngapano umungeli amunena ati, Zwala unyepelele nindyatu zyako. Peter achita wowonye, nga umungeli amunena ati, Sawala ichizwalo chako unkonke. 9Peter akonka umungeli afuma mung'anda yavingololo. Ukuwa kweni, weni nanti kumanaya ndi chino umungele wachisile chalinji achipuma; weni welenganianga akuti achilota chavye. 10Awala wachila ing'anda yakutalika iyavingololo, niyachitiwili, pansizi awafika pampongolo yachela yino yalola kukaya. Impongolonye yoyo yiyusile yonganye, awafuma. Awapita mwekumba, nga nanti kumanya, umungeli asya Peter.
11Ngapano alila ilango lyazana Peter kwechino chaponile, ati, Kanonzi namanya kuno achakusimichila! Leza atumile umungeli wakwe, kukwiza mfyusya kwikasa lyakwe Herodi nakwakwe vyonsi vino awa Yuda walondanga ukuchita.
12Ala waswima wati-mya wamanya vino chalinji, aya kung'anda yakwe Mariya, enyina wakwe Yohani wino walinji we Marko. Kokonye awavule wawungine wapepanga. 13Peter afika akong'onsya pachisakati, nga umukazyana e Roda aya kweneko. 14Ala wamanya izwi lyakwe Peter ichimwemwe achimulema asamalila mukasi nanti kwiyula ichisakati, avwanga ati Peter wee ayimilile palonde. 15Awati, Ukuzotoka awowo! Ukuwa nawe alemasya kuno molimonye. Achaleka awatolelela awati, Amungeli wakwe.
16Akapindinye kako konsi Peter walanzile akukong'onsya, Pansinsi awiyula ichisakati awamulola awazunguka. 17Ukuwa weni awasinizya nikasa ukuti wamyalale, nga awatantila muno Imfumu yamufumizizye mung'anda yavingololo. Ngapano ati, Mukanene Jemusi nawanawitu wonsi ivintunye vyoo; nga apita aya kunji.
18Akula vino kwacha, awavita awayuwayuwa; awati ngachani chiponile kwe Peter? 19Herodi akomelezya ukuti Peter avwambwe, ukuwa nanti kumuzana. Achaleka akolowozya awavita nkaninye nga akomelezya ukuti wakomwe.
Achila chawa wowonye Herodi afuma mwe Yudeya aya ayikala mwe Kesariya akapindi kamwi.
Imfwa yakwe Herodi
20Herodi avitilwa awantu wa mwe Ture nu Sidoni; achaleka awalondekana umupanda awaya mukulola Herodi. Pakutalika awatela awatonsya Blastu awa uwuchiwuza nawo, weyonye awino walinji ankombe nkulu yamwisano. Ngapano awaya kwe Herodi awalonda ukulanjililana, amuno insi yawo yapochelelanga ichakulya ukufuma munsi yamfumu.
21Ngukuti pawanda wusontolwe Herodi azwala umwinjilo wachifumu, ayikala pandulu, avwanga nawo palwenze. 22Ngapano awantu awapongomoka awati, asi amuntu akuvwanga, ukuwa achiwa! 23Napaponapapo umungeli wa Mfumu azangula Herodi
apona pansi, amuno wakanile ukuchindika Leza. Ing'onyo azimulya azimukoma.
24Ukuwa amazwi yakwe Leza ayakula ayanyama nukunyama. 25Ngapano Bamaba nu Sauli wamala ukuwomba umulimo wawo mwe Yerusalemu, awawela awasenda nu Yohani wino walinji we Marko.
Zvasarudzwa nguva ino
Imilimo 12: WWN82
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Chinamwanga Bible © United Bible Societies, 1981.
Imilimo 12
12
Ukuyimba akonjelezya
1Kwela pampindinye yoyo imfumu Herodi atalika ukuyimvya awasuwizi wi Klezia. 2Atumilizya ukuti Jemusi umuyina Yohani akomwe nulupanga. 3Ala walola kuno chochonye chasechelesizye awa Yuda, aya alema nu Peter-nye. (Chochonye chaponile pampindi yamanda yachakulya chino chisi numutawa.) 4Ala walema Peter amwiyalila mung'anda yavingololo, amulemeka kumawumba yani ayavita mwiwumba lyonga awavita wani. Herodi apanzya ukuti ayize akimilike Peter piwumba pano Ichakupitililwa chasila nga apanzwe. 5Achaleka Peter alanga asunzilwe mung'anda yavingololo, ukuwa awantu wamwi Klezia wamupepelanga kwe Leza nimyezo yonsi.
Peter asapulwa muvingololo
6Uwanda wuno Herodi walalizile ukuti uwacha afumizye Peter pawantu, uwusikunye wowo Peter walazile pakasi pavita viwili. Wanyefilwe niminyololo yiwili, nawo awavita walindililanga pamulyango wang'anda yavingololo. 7Awiwuchila umungeli wa Mfumu ayimilile penepo, ukuswepa akuwala mung'anda monsi. Umungeli ayingania Peter pachiweya, amuziwula ati, Katuka zuwa! Utafwa nukuzinguluka! Paponye iminyololo ilakata mumakasa yakwe Peter ipona pansi. 8Ngapano umungeli amunena ati, Zwala unyepelele nindyatu zyako. Peter achita wowonye, nga umungeli amunena ati, Sawala ichizwalo chako unkonke. 9Peter akonka umungeli afuma mung'anda yavingololo. Ukuwa kweni, weni nanti kumanaya ndi chino umungele wachisile chalinji achipuma; weni welenganianga akuti achilota chavye. 10Awala wachila ing'anda yakutalika iyavingololo, niyachitiwili, pansizi awafika pampongolo yachela yino yalola kukaya. Impongolonye yoyo yiyusile yonganye, awafuma. Awapita mwekumba, nga nanti kumanya, umungeli asya Peter.
11Ngapano alila ilango lyazana Peter kwechino chaponile, ati, Kanonzi namanya kuno achakusimichila! Leza atumile umungeli wakwe, kukwiza mfyusya kwikasa lyakwe Herodi nakwakwe vyonsi vino awa Yuda walondanga ukuchita.
12Ala waswima wati-mya wamanya vino chalinji, aya kung'anda yakwe Mariya, enyina wakwe Yohani wino walinji we Marko. Kokonye awavule wawungine wapepanga. 13Peter afika akong'onsya pachisakati, nga umukazyana e Roda aya kweneko. 14Ala wamanya izwi lyakwe Peter ichimwemwe achimulema asamalila mukasi nanti kwiyula ichisakati, avwanga ati Peter wee ayimilile palonde. 15Awati, Ukuzotoka awowo! Ukuwa nawe alemasya kuno molimonye. Achaleka awatolelela awati, Amungeli wakwe.
16Akapindinye kako konsi Peter walanzile akukong'onsya, Pansinsi awiyula ichisakati awamulola awazunguka. 17Ukuwa weni awasinizya nikasa ukuti wamyalale, nga awatantila muno Imfumu yamufumizizye mung'anda yavingololo. Ngapano ati, Mukanene Jemusi nawanawitu wonsi ivintunye vyoo; nga apita aya kunji.
18Akula vino kwacha, awavita awayuwayuwa; awati ngachani chiponile kwe Peter? 19Herodi akomelezya ukuti Peter avwambwe, ukuwa nanti kumuzana. Achaleka akolowozya awavita nkaninye nga akomelezya ukuti wakomwe.
Achila chawa wowonye Herodi afuma mwe Yudeya aya ayikala mwe Kesariya akapindi kamwi.
Imfwa yakwe Herodi
20Herodi avitilwa awantu wa mwe Ture nu Sidoni; achaleka awalondekana umupanda awaya mukulola Herodi. Pakutalika awatela awatonsya Blastu awa uwuchiwuza nawo, weyonye awino walinji ankombe nkulu yamwisano. Ngapano awaya kwe Herodi awalonda ukulanjililana, amuno insi yawo yapochelelanga ichakulya ukufuma munsi yamfumu.
21Ngukuti pawanda wusontolwe Herodi azwala umwinjilo wachifumu, ayikala pandulu, avwanga nawo palwenze. 22Ngapano awantu awapongomoka awati, asi amuntu akuvwanga, ukuwa achiwa! 23Napaponapapo umungeli wa Mfumu azangula Herodi
apona pansi, amuno wakanile ukuchindika Leza. Ing'onyo azimulya azimukoma.
24Ukuwa amazwi yakwe Leza ayakula ayanyama nukunyama. 25Ngapano Bamaba nu Sauli wamala ukuwomba umulimo wawo mwe Yerusalemu, awawela awasenda nu Yohani wino walinji we Marko.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Chinamwanga Bible © United Bible Societies, 1981.