Zwz Nduq 7
7
Naemxnongz
1 Yez'hoahhuah daj Noahyaq hax: "Gux ruxndeq daengzle mizgaj mawz yuq ndaw zaw gux gaemz hax mboq miz. Mawz daj rownz mawz daengz rownz mwz ndaw lowz. 2Mawz zowz doruxchaeg mwz ndaw lowz, sowh rawz aeu hoak sowh saw, aeu jiat do taek jiat do meh. Sowh rawz aeu hoak sowh mboq saw, aeu do taek ux, do meh ux. 3Dij noag ndaw pumhfax yowngh ux aeu jiat do boh jiat do meh. Hoakzaqnaeh, gaj yowngh doruxchaeg gaj yowngh doruxmbin, zux leux ndaej yuq ndaw dihndin, zux miz yowngh hoak faenz. 4Unj, gvaq jiat vaenz yaq, gux hawj paen daeuj siqsip vaenz, siqsip hwnz, hawj suq gux chauq naeh tai nauq." 5Noahyaq gaj yowngh gaj biakgaemz Yez'hoahhuah hax naeh hoak.
6Zwz naemxnongz tumj dihndin naeh, Noahyaq ndaej choak baeg bi. 7Dix daj mijmez dix, lug dix, mijloz dix, daengzle mwz ndaw lowz gowx naemxnongz. 8Doihdo sowh gaenq aeu hoak sowh saw naeh gojndae, sowh gaenq aeu hoak mboq saw naeh gojndae, dij noag gojndae, do rux zanz gojndae, 9hoak doiq hoak doiq maz, do taek ux, do meh ux, daengzle maz dih Noahyaq naeh, daj dix zaemh ndonj mwz ndaw lowz, daj gaemz dij Sen saengq Noahyaq naeh dungzlumj. 10Jiat vaenz yaq naemxnongz tumj dihndin.
11Bi Noahyaq ndaej choak baeg bi naeh, bi naeh ndown daih ngih vaenz sipjiat naeh naemx dihndin gaj dih gaj og maz nauq, naemx pumhfax gaj dih gaj doak daeuj nauq. 12Naemx pumhfax baenz paen dwx daeuj yaengh siqsip vaenz, siqsip hwnz. 13Vaenz naeh Noahyaq daj mez dix, lug zaiz dix, Sanx, Hanh, Yaqfuh, daj sam goanz mijloz dix daengzle mwz ndaw lowz nauq. 14Paenqdix, do ndaw bo, yowngh rawz gojndae; do ndaw rownz, yowngh rawz gojndae; do rux zanz, yowngh rawz gojndae; dij noag, yowngh rawz gojndae, zoq zawh daengzle sowh do miz bik naeh, yowngh rawz gojndae; 15Nanghgaj sowh do qen'yai, miz aen mingh naeh, daengzle dangq loh dangq hoak doiq hoak doiq maz dih Noahyaq naeh, daj dix zaemh kwnj mwz ndaw lowz. 16Daengzle doruxchaeg hoak daj gaemz dij Sen hax naeh dungzlumj, do taek do meh hoak doiq hoak doiq kwnj mwz ndaw lowz. Yaq Yez'hoahhuah saeh Noahyaq ngaemz du aen lowz.
17Naemxnongz gawh siqsip vaenz. Naemx gawh mwz baihnow, lowz zaemh fuz mwz baihnow. 18Naemx gaj gawh gaj sung, lowz yuq now naemx lae. 19Naemx tumj dihndin nauq, hawj dihndin daengz bo sung nyeuz daengzle naeh goj tumj nauq. 20Gaj naemx nanghgaj gawh sung nyeuz niangz bo siphaj azmax.#7:20 Azmax ux riz baenzzaq qensog mwz taeng byai mungz naeh. 21Nanghgaj sowh do yuq dihndin naeh, zoq zawh dij noag, do ndaw rownz, do ndaw bo, sowh do yuq dihndin hoak boangx banh yawhyawh naeh, daj daengzle dij goanz, gaeng goj tai nauq. 22Dihndin nanghgaj sowh do qen'yai, miz aen mingh naeh, gaj yowngh gaj tai nauq. 23Yez'hoahhuah daep gaenq dihndin nauq, zoq zawh dij goanz, do ndaw bo do ndaw rownz, do rux zanz, dij noag ndaw fax daengzle zoah ndaep nauq, mizgaj Noahyaq daj do yuq ndaw lowz dix naeh naengz zaeu. 24Naemxnongz tumj dihndin baeg ux laeng hajsip vaenz.
Zvasarudzwa nguva ino
Zwz Nduq 7: ZHN
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2023, Peace Publishing Co. All rights reserved.