Maruku 4
4
Spaikudra na porobo
(Matai 13.1-9; Luka 8.4-8)
1Ki Yésu laké Galrilri tbaru tibila buburu na ico. Isarbu iké angpainguludria ka sakura madro midrikdriksi, si soragɨrenga na avangɨ, inunu. Avangɨ ka iké tbaru, iku icico angpaingulu tbaru tibila ingɨdɨlɨ. 2Ki Yésu lasarké spaiku buburudria na makadepɨnga, ikububrudra ka lapsobakadria:
3<<Mumu ka mutapɨdrɨnga biciringi! Iké sesa na porborbo giamua prabu. 4Iku prabudra, iké na siala mudide iké dadɨranɨ tbila, mukani na rarame thilibi tungcu kuenɨdria. 5Iké na mudide maké angbolane na ado ku talalɨpiya, siala ka isipielɨ ududuru, iku ado ka ivadringi. 6Rosurudranga na avé, sucɨngɨrengadria pocé, iku amicidra ka ivadringi, si sukpacénga. 7Iké na maké ticnɨcnɨka, dudurudranga cɨnɨkɨ, ka ladrikisidria siala, iduru taradro pɨmadru. 8Iké na siala mudide maké margi na ado, tadradrodranga mbosɨ, pɨmadrumadru, si iku aradra ka iké na muturulu mabibki, iké na mnɨmlɨ mabibki, iké na sesa ɨdé mabibki.>>
9Ki Yésu lapsobaka laa, <<iké na cingira, mubiciringa!>>
Spaiku ku tlunɨdra
(Matai 13.10-17; Luka 8.9-10)
10Iku tangsédra ki Yésu, ikénga ubiciringi bkédra na ico angɨresɨ ku mngesele kdrusa séto mdɨdɨrɨ mukuné cngledria, kitubidria kɨné spaiku ku tulunedra. 11Masobka ki Yésu, <<Dédadra ki Ticomtia ku sikiululanɨ margi ka ubéngamua; si ikné ikainga buala irigulankwa na ico, abiciringadra makainunga ka sarké spaiku tilila. 12Tumé spasobkéni Sésio:
Ucɨnglɨ kulula, si amé icnglɨ,
ubiciringi kulula, si itkaiguanɨ;
nila, mumu ngisvévéré pakdrɨdrɨmɨ,
Ticomtia ka nu parɨpɨmamua.>>
Tilila ku spaikuni na porbo
(Matai 13.18-23; Luka 8.11-15)
13Ki Yésu lakbuburudria, <<Irigu mumu ku spaikuni? Tuméninia, pimumu irigu druma na spaiku? 14Ku proborbo na ico porbuaneni ka spasobkéni Ticomtia. 15Iké na ico tumé mudide iké dadaranɨ tbila na siala; iku bicringini bkéni Ticomtia, mukaninga ribungu satang, mera ribici gia iké kdrɨdrɨmɨdra bkéni Ticomtia. 16Iké druma na ico tumé na mudide iké lapi déda ku siala, iku biciringdra bkéni Ticomtia laribungunga mrabrabre mratormanɨ. 17Makasi bkéni Ticomtia ikai ptapɨdrɨngɨ modringi kdrɨdrɨmɨdra, iduru ikikéé, ina kiakédra bkéni Ticomtia mdradrɨsɨnge ku spatérubu si patikurathaninia, udaduru tpruthu. 18Iké drumala na ico tumé na porbo piké madro ticɨnɨcɨnɨka; iku biciringidranga bkéni Ticomtia. 19Makasi tikatala buala ku mopungata, mlɨdrɨ na skadraru si druma na makakuanga smarnga nitiméyadra, asɨmɨtɨne kɨné bkéni Ticomtia ku skodripi, iduru pmadrumadru. 20Makasi, lké na ico tumé na porbo siala iké margi ado adringi; biciringidra bkéni Ticomtia, mra ktormana, si lapumadru, iké aradra mɨturulu mabibki, iké na mnɨmlɨ mabibki, iké na sesa ɨdé mabibki.>>
Skrubungu adringi na tɨnaki
(Luka 8.16-18)
21Lapusobaka la ki Yésu, <<Acikidri ku potnaki, lara piké skrubungu adringi si tbingcɨngɨ déda? Ikmani na piké tpotnatnakia ni garɨ? 22Ina makadepɨnga na akibiliata ka pubuelɨmiyadria, ina asusubuata na makadepɨnga nolavamiya kidri. 23Iké na cingira ka, mubiciringa.>>
24Latililadrialaa, <<Mungkocɨvana ku abiciringamu! Iku sarkému na sakɨkta ɨktɨ ka, tumai sarkémadria Ticomtia ku sakɨkta ɨktɨ buimwa, si nu kadradroma laa ku subédramwa. 25Iku ikédria ka, nubémadria pkadradronga, iku tédradria, ikpiya noramadria lribici.>>
Tadradrodranga siala ku spaiku
26Ki Yésu lacungulula msobaka, <<Dédadra ki Ticomtia tumé na tangɨsanaico prabu na siala iké déda. 27Masungu sirekɨdra, mieredranga lasmaca, ku siala ululuthunga taradro, nakuni tuminia, ilrigu. 28Ku adado makasierengenga angikɨmani ikédria duduru taradro, pumadru, palaléla luluthu, la cɨvaré, ibrilanga lapumadrumadru mbosɨnga. 29Ku mbuesɨninga, alribungu sarké na grisi kebɨ, sukédranga ka amuanga ku tarata na vienɨ.>>
Cɨpɨ ni lɨcenge na spaiku
(Matai 13.31-32, 34; Luka 13.18-19)
30Ki Yésu ka lakbuburu, <<Dédadra ki Ticomtia ka tumanɨdra kidri? Nusakarata na spaiku prigu tumidriamia? 31Koka ni ki Ticomtia tuména sessa na lɨcenge siala cɨpɨ, amani ku titikcanenga na siala. Iké na ico uduku pké déda. 32Ku yienɨnga, laktaradro, laktaradro ribte maka lɨcenge, la dudru na taradro piringi, iké garɨ rarame ikédria pétha tiliskwa.>>
33Ki Yésu ka asarké masormémé na spaiku déngdo miadria ku icico, piki ngiarodria nuduradra lrigu msobakadria. 34Ina msobabakédradria ka sakiké na spaiku; makasi manɨmanidra terɨsɨ ku sétodra ka, patapɨdrɨngɨ tila.
Yésu pétɨré ku ubsɨbsɨ utlɨvɨlɨvé
(Matai 8.23-27; Luka 8.22-25)
35Ku ngiyubu, ki Yésu lapusobaka sétodra, <<Tagia tasovakele tɨbaru mwa savkalɨ.>> 36Sugianga svagédria ku icico. Ki Yésu ka ikéngaa avangɨ drodro, mragredranga avangɨ ku sétodra sugianga ɨmɨcɨdria; iké druma avangɨ angresedria. 37Tɨbaru ka pakcimonga bɨsɨbɨsɨ, tlɨvɨlɨvé, lacicɨpa modringi avangɨ, ku acɨlé odlénga rɨpsé avangɨ. 38Idria ku Yésu ka iké avangɨ kodrenga, mtalu na anuru siené sierkɨ. Sétodra lacecɨdria psémca, tila, <<Singsé, nukamdumitanga! Ipokakai musu?>>
39Ki Yésu icɨkalɨ, urudria ku bsɨbɨsɨ, <<Itɨria!>> Larudria ku utlɨvɨlɨvé, <<Itɨria!>> Bsɨbɨsɨ ka sutɨrénga, si tɨbaru itlɨvɨlɨvénga. 40Lapobkadria ku sétodra, <<Nakumu akuludru, ivakɨtela tékabkanɨ ni kdrɨdrɨmu?>>
41Lasukura mrɨkɨmɨ resamiya, mbakɨbaka, <<Acɨku técavenani kni, ubɨsɨbɨsɨ si utlɨvɨlɨvé ka ubiciringi singiaronia!>>
Zvasarudzwa nguva ino
Maruku 4: Maolin23
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© The Bible Society in Taiwan, 2023
Maruku 4
4
Spaikudra na porobo
(Matai 13.1-9; Luka 8.4-8)
1Ki Yésu laké Galrilri tbaru tibila buburu na ico. Isarbu iké angpainguludria ka sakura madro midrikdriksi, si soragɨrenga na avangɨ, inunu. Avangɨ ka iké tbaru, iku icico angpaingulu tbaru tibila ingɨdɨlɨ. 2Ki Yésu lasarké spaiku buburudria na makadepɨnga, ikububrudra ka lapsobakadria:
3<<Mumu ka mutapɨdrɨnga biciringi! Iké sesa na porborbo giamua prabu. 4Iku prabudra, iké na siala mudide iké dadɨranɨ tbila, mukani na rarame thilibi tungcu kuenɨdria. 5Iké na mudide maké angbolane na ado ku talalɨpiya, siala ka isipielɨ ududuru, iku ado ka ivadringi. 6Rosurudranga na avé, sucɨngɨrengadria pocé, iku amicidra ka ivadringi, si sukpacénga. 7Iké na maké ticnɨcnɨka, dudurudranga cɨnɨkɨ, ka ladrikisidria siala, iduru taradro pɨmadru. 8Iké na siala mudide maké margi na ado, tadradrodranga mbosɨ, pɨmadrumadru, si iku aradra ka iké na muturulu mabibki, iké na mnɨmlɨ mabibki, iké na sesa ɨdé mabibki.>>
9Ki Yésu lapsobaka laa, <<iké na cingira, mubiciringa!>>
Spaiku ku tlunɨdra
(Matai 13.10-17; Luka 8.9-10)
10Iku tangsédra ki Yésu, ikénga ubiciringi bkédra na ico angɨresɨ ku mngesele kdrusa séto mdɨdɨrɨ mukuné cngledria, kitubidria kɨné spaiku ku tulunedra. 11Masobka ki Yésu, <<Dédadra ki Ticomtia ku sikiululanɨ margi ka ubéngamua; si ikné ikainga buala irigulankwa na ico, abiciringadra makainunga ka sarké spaiku tilila. 12Tumé spasobkéni Sésio:
Ucɨnglɨ kulula, si amé icnglɨ,
ubiciringi kulula, si itkaiguanɨ;
nila, mumu ngisvévéré pakdrɨdrɨmɨ,
Ticomtia ka nu parɨpɨmamua.>>
Tilila ku spaikuni na porbo
(Matai 13.18-23; Luka 8.11-15)
13Ki Yésu lakbuburudria, <<Irigu mumu ku spaikuni? Tuméninia, pimumu irigu druma na spaiku? 14Ku proborbo na ico porbuaneni ka spasobkéni Ticomtia. 15Iké na ico tumé mudide iké dadaranɨ tbila na siala; iku bicringini bkéni Ticomtia, mukaninga ribungu satang, mera ribici gia iké kdrɨdrɨmɨdra bkéni Ticomtia. 16Iké druma na ico tumé na mudide iké lapi déda ku siala, iku biciringdra bkéni Ticomtia laribungunga mrabrabre mratormanɨ. 17Makasi bkéni Ticomtia ikai ptapɨdrɨngɨ modringi kdrɨdrɨmɨdra, iduru ikikéé, ina kiakédra bkéni Ticomtia mdradrɨsɨnge ku spatérubu si patikurathaninia, udaduru tpruthu. 18Iké drumala na ico tumé na porbo piké madro ticɨnɨcɨnɨka; iku biciringidranga bkéni Ticomtia. 19Makasi tikatala buala ku mopungata, mlɨdrɨ na skadraru si druma na makakuanga smarnga nitiméyadra, asɨmɨtɨne kɨné bkéni Ticomtia ku skodripi, iduru pmadrumadru. 20Makasi, lké na ico tumé na porbo siala iké margi ado adringi; biciringidra bkéni Ticomtia, mra ktormana, si lapumadru, iké aradra mɨturulu mabibki, iké na mnɨmlɨ mabibki, iké na sesa ɨdé mabibki.>>
Skrubungu adringi na tɨnaki
(Luka 8.16-18)
21Lapusobaka la ki Yésu, <<Acikidri ku potnaki, lara piké skrubungu adringi si tbingcɨngɨ déda? Ikmani na piké tpotnatnakia ni garɨ? 22Ina makadepɨnga na akibiliata ka pubuelɨmiyadria, ina asusubuata na makadepɨnga nolavamiya kidri. 23Iké na cingira ka, mubiciringa.>>
24Latililadrialaa, <<Mungkocɨvana ku abiciringamu! Iku sarkému na sakɨkta ɨktɨ ka, tumai sarkémadria Ticomtia ku sakɨkta ɨktɨ buimwa, si nu kadradroma laa ku subédramwa. 25Iku ikédria ka, nubémadria pkadradronga, iku tédradria, ikpiya noramadria lribici.>>
Tadradrodranga siala ku spaiku
26Ki Yésu lacungulula msobaka, <<Dédadra ki Ticomtia tumé na tangɨsanaico prabu na siala iké déda. 27Masungu sirekɨdra, mieredranga lasmaca, ku siala ululuthunga taradro, nakuni tuminia, ilrigu. 28Ku adado makasierengenga angikɨmani ikédria duduru taradro, pumadru, palaléla luluthu, la cɨvaré, ibrilanga lapumadrumadru mbosɨnga. 29Ku mbuesɨninga, alribungu sarké na grisi kebɨ, sukédranga ka amuanga ku tarata na vienɨ.>>
Cɨpɨ ni lɨcenge na spaiku
(Matai 13.31-32, 34; Luka 13.18-19)
30Ki Yésu ka lakbuburu, <<Dédadra ki Ticomtia ka tumanɨdra kidri? Nusakarata na spaiku prigu tumidriamia? 31Koka ni ki Ticomtia tuména sessa na lɨcenge siala cɨpɨ, amani ku titikcanenga na siala. Iké na ico uduku pké déda. 32Ku yienɨnga, laktaradro, laktaradro ribte maka lɨcenge, la dudru na taradro piringi, iké garɨ rarame ikédria pétha tiliskwa.>>
33Ki Yésu ka asarké masormémé na spaiku déngdo miadria ku icico, piki ngiarodria nuduradra lrigu msobakadria. 34Ina msobabakédradria ka sakiké na spaiku; makasi manɨmanidra terɨsɨ ku sétodra ka, patapɨdrɨngɨ tila.
Yésu pétɨré ku ubsɨbsɨ utlɨvɨlɨvé
(Matai 8.23-27; Luka 8.22-25)
35Ku ngiyubu, ki Yésu lapusobaka sétodra, <<Tagia tasovakele tɨbaru mwa savkalɨ.>> 36Sugianga svagédria ku icico. Ki Yésu ka ikéngaa avangɨ drodro, mragredranga avangɨ ku sétodra sugianga ɨmɨcɨdria; iké druma avangɨ angresedria. 37Tɨbaru ka pakcimonga bɨsɨbɨsɨ, tlɨvɨlɨvé, lacicɨpa modringi avangɨ, ku acɨlé odlénga rɨpsé avangɨ. 38Idria ku Yésu ka iké avangɨ kodrenga, mtalu na anuru siené sierkɨ. Sétodra lacecɨdria psémca, tila, <<Singsé, nukamdumitanga! Ipokakai musu?>>
39Ki Yésu icɨkalɨ, urudria ku bsɨbɨsɨ, <<Itɨria!>> Larudria ku utlɨvɨlɨvé, <<Itɨria!>> Bsɨbɨsɨ ka sutɨrénga, si tɨbaru itlɨvɨlɨvénga. 40Lapobkadria ku sétodra, <<Nakumu akuludru, ivakɨtela tékabkanɨ ni kdrɨdrɨmu?>>
41Lasukura mrɨkɨmɨ resamiya, mbakɨbaka, <<Acɨku técavenani kni, ubɨsɨbɨsɨ si utlɨvɨlɨvé ka ubiciringi singiaronia!>>
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© The Bible Society in Taiwan, 2023