Matthieu 11
11
Jean Baptiste ule dooge ra Jésu’t
(An-in Luc 7.18-35 tɔ)
1Loo ke Jésu unn ndu’n ade njékuwe-girnge ke dɔg-gidé-joo ɓá ɓaa, è in ke loon’t nè aw rang le ndó dooge nyan a, le kile mber kêm ɓee-bòge’t le beekon ke Galilée.
2Jean ke njèkule dooge manné njonm tò dangai’t. E oo kɔbe nyange ke Krist ra. Jean ule pajage le’n ra Jésu’t ade deji nin edi nè:
3– Ké è i nga kuwe á kété d’ede nè: gar-gar a i ree éké jè ndi jè ngine doo ke rang ɓai wa?
4Jésu tel ile de dè’t ede nè:
– Nyan ke sei ooi tà’n se mbi si a, an-in se kum si a tɔ nga, awi edi tà’n Jean edi nè: 5Njékumtɔge teli an-in loo a, njédɔge metege teli njiyei mong ɗáj-ɗáj a, banje ɔr ra njébanjege’t ndát-ndát a, njémbi mbege teli ooi tà njai-njai a, dooge undei loo teei dann njé ke koo’t a, Tà ke Maje nga géa d’ile mber’n d’ade njéndooge ɓá a tɔ. 6Doo ke nyange ke m’ra tuge’n jig’t ile’n lé ɓaa, ra’n à nel’n kuwe.
Jésu tam tà ɔje’n dè Jean ke njèkule dooge manné njonm
7Loo ke pajage le Jean ɔti awi ɓá ɓaa, Jésu unn gir ndeje kosdoo-bulege tà ke ɔje dè Jean ede nè:
– Ké ri á awi kêm dile’t kan-in wa? Ké awi le kan-in walè tuwe-mann ke nel mbir’n mbar-mbar nga karè wa? 8Edi man. Ké ri á sei awi le kan-in wa? Ké awi le kan-in doo ke tule kubuge ke ndolé rann’t wa? An-in! njé ke tulei kubuge ke ndolé ra de’t nga ndii kêm kei ndi ngarge’t. 9Nè ké ri á sei awi le kan-in kêm dile’t wa? Ké awi le kan-in njèribe-dè-tà ke tà Nube’t karé bè wa? Oiyo, man m’ede sei ndàt, doo ke sei awi le kan-in nga, dum dè njèribe-dè-tà ke tà Nube’t ɓai. 10Doo nè nga, dé ndang tà kêm Magtub’t le Nube d’ɔje’n dè’n d’ede nè: «An! man m’ule ngonn njèkule le’m noin’t kété, è à gɔl rebe lei noin’t kété.» 11Kerɔte kuwe, man m’ede sei ndàt, dann dooge ke dinyege oji de nga, doo karé ke bòi dum dè Jean ke njèkule dooge manné njonm goto. Nè né è bè géa, ngonn ke ndêin bè ke kêm Konɓee ke danrán dum dè’n. 12Unn gir kêm ndɔn’t le Jean ke njèkule dooge manné njonm sár ɗarinè nga, njétɔgege à lái Konɓee ke danrán kuwei dè ngɔde’t. 13Njéribe-dè-tàge ke tà Nube’t malang a, se magtub gute-ndu a tɔ, ilei mber sár teei dè Jean’t. 14Ke nè á i ndigi taa tà le Jean ɓaa, è è kuwe á è Elie ke à tel ree nga gar-gar. 15Nanan ke mbi’n tò tutu ɓaa, maje kade ur mbi’n maje oo’n tà ke m’tam nè nga.
16Ké nan á m’a kuwe’n kɔje’n dooge ke ndii dè nang nè ɗarinè nga wa? E tooi asinan se ngannge ke ndii nang ndá-loo’t ɓari made dege tami edi nè: 17«Jè j’unde kɔde ndam nè sei ndami lé a, j’ile pa non yo, nè sei noin undei kàde si dai-dai lé.» 18Oiyo ndɔ ke kété ke Jean ree nga, ɔge ra’n dè nyankuse’t se dè nyankain’t. Nè dooge tami edi nè: «Dè’n majelé a, ndil ke majelé tò kêmn’t a tɔ.» 19Nè loo ke man ke m’ee Ngonn doo nga m’ree ɓaa, m’use nyan a, m’an-in nyan a tɔ ɓaa, dooge tami edi nè: «An-in! doo nyankuse se doo nyankain. E uwe made nan se njétaa tirge se njé ra majelége.» Nè loo ke doo an nyange ke Nube ra se kumkunju le’n ke deri nè ɓaa, à ger titeke Nube ndige kaje jèi kuwe.
Jésu in se dooge ke mbati turi hal de
(An-in Luc 10.13-15 tɔ)
20Dooge ke kêm ɓee-bòge ke ndɔ ke kété Jésu ra nyankɔbe ke nange tutu mbati turi hal de a, rai majelé kum de ke kété a tɔ. Gir’n ke nè á Jésu ndáng de ede nè:
21– Sei dooge ke kêm ɓee-bò ke Chorazin se Bethsaida a an-in ɓai! Nyankɔbege malang ke ndɔ ke Nube ra kêm ɓee-bòge’t le si nè nga, ke nè á ndɔ ke è ra titeke bè kêm ɓee-bò ke Tyr se Sidon ɓaa, bainléa dooge à tulei kubu ndoo ndii dann bu’t le turi hal de mari. 22Gir’n ke nè á man m’ede sei ndàt, ndɔ ke Nube à gangtà dè dooge nga, tà ke d’a gang dè si’t à tur ngain dum le dooge ke kêm ɓee-bò ke Tyr se Sidon nè nga ɓai. 23Sei dooge ke kêm ɓee-bò ke Capernaum, ké sei i giri kêm si’t edi nè Nube à kunn sei kunde sei dɔ ɗáng wa? Ḿ-m̀ è bè lé. Nè Nube à tel kaw se si sár ɓee le njé ke koo. Kerɔte kuwe, nyankɔbege ke Nube ra dann si’t nga, ke nè á ndɔ ke ra titeke bè ade njé ke Sodome an-in ɓaa, bainléa ɓee-bò ke Sodome à tò tutu sár tee ɓila ɓai. 24Gir’n ke nè á man m’ede sei ndàt, ndɔ gangtà’t nga tà ke Nube à gang dè si’t à tur ngain dum le njé ke ɓee-bò ke Sodome ɓai.
Jésu ɓar dooge malang kade reei rann’t taai kebe
(An-in Luc 10.21-22 tɔ)
25Kêm ndɔn’t nè nga, Jésu ɔje tà se Nube ede nè:
– Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák . 26Oiyo Bɔ’m, m’tɔyi titeke bè tede è ke nè á i an ke nyan ke maje tà kumi’t. 27Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje. 28Sei malang ke nyankoto ɗuge sei ngong-ngong ade ɔri yàl-yàl nga, i reei ram’t ɓaa man m’ade sei loo taa kebe. 29Ulei dè si i taai jug le’m, ulei ra si bàj dann nyan-ndóge’t le’m tede man nga m’ee doo ke m’aw lom-lom anje ti ra’m. Titeke bè á nganrankum ra si à kinge’n loo taa kebe. 30Tede jug le’m nga sɔl lom-lom a, nyankoto le’m nga géa ɔlé pêl-pêl a tɔ.
Zvasarudzwa nguva ino
Matthieu 11: GUL04
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Magtub Mann-ra ke Kige ©Alliance Biblique du Tchad, 2004
Matthieu 11
11
Jean Baptiste ule dooge ra Jésu’t
(An-in Luc 7.18-35 tɔ)
1Loo ke Jésu unn ndu’n ade njékuwe-girnge ke dɔg-gidé-joo ɓá ɓaa, è in ke loon’t nè aw rang le ndó dooge nyan a, le kile mber kêm ɓee-bòge’t le beekon ke Galilée.
2Jean ke njèkule dooge manné njonm tò dangai’t. E oo kɔbe nyange ke Krist ra. Jean ule pajage le’n ra Jésu’t ade deji nin edi nè:
3– Ké è i nga kuwe á kété d’ede nè: gar-gar a i ree éké jè ndi jè ngine doo ke rang ɓai wa?
4Jésu tel ile de dè’t ede nè:
– Nyan ke sei ooi tà’n se mbi si a, an-in se kum si a tɔ nga, awi edi tà’n Jean edi nè: 5Njékumtɔge teli an-in loo a, njédɔge metege teli njiyei mong ɗáj-ɗáj a, banje ɔr ra njébanjege’t ndát-ndát a, njémbi mbege teli ooi tà njai-njai a, dooge undei loo teei dann njé ke koo’t a, Tà ke Maje nga géa d’ile mber’n d’ade njéndooge ɓá a tɔ. 6Doo ke nyange ke m’ra tuge’n jig’t ile’n lé ɓaa, ra’n à nel’n kuwe.
Jésu tam tà ɔje’n dè Jean ke njèkule dooge manné njonm
7Loo ke pajage le Jean ɔti awi ɓá ɓaa, Jésu unn gir ndeje kosdoo-bulege tà ke ɔje dè Jean ede nè:
– Ké ri á awi kêm dile’t kan-in wa? Ké awi le kan-in walè tuwe-mann ke nel mbir’n mbar-mbar nga karè wa? 8Edi man. Ké ri á sei awi le kan-in wa? Ké awi le kan-in doo ke tule kubuge ke ndolé rann’t wa? An-in! njé ke tulei kubuge ke ndolé ra de’t nga ndii kêm kei ndi ngarge’t. 9Nè ké ri á sei awi le kan-in kêm dile’t wa? Ké awi le kan-in njèribe-dè-tà ke tà Nube’t karé bè wa? Oiyo, man m’ede sei ndàt, doo ke sei awi le kan-in nga, dum dè njèribe-dè-tà ke tà Nube’t ɓai. 10Doo nè nga, dé ndang tà kêm Magtub’t le Nube d’ɔje’n dè’n d’ede nè: «An! man m’ule ngonn njèkule le’m noin’t kété, è à gɔl rebe lei noin’t kété.» 11Kerɔte kuwe, man m’ede sei ndàt, dann dooge ke dinyege oji de nga, doo karé ke bòi dum dè Jean ke njèkule dooge manné njonm goto. Nè né è bè géa, ngonn ke ndêin bè ke kêm Konɓee ke danrán dum dè’n. 12Unn gir kêm ndɔn’t le Jean ke njèkule dooge manné njonm sár ɗarinè nga, njétɔgege à lái Konɓee ke danrán kuwei dè ngɔde’t. 13Njéribe-dè-tàge ke tà Nube’t malang a, se magtub gute-ndu a tɔ, ilei mber sár teei dè Jean’t. 14Ke nè á i ndigi taa tà le Jean ɓaa, è è kuwe á è Elie ke à tel ree nga gar-gar. 15Nanan ke mbi’n tò tutu ɓaa, maje kade ur mbi’n maje oo’n tà ke m’tam nè nga.
16Ké nan á m’a kuwe’n kɔje’n dooge ke ndii dè nang nè ɗarinè nga wa? E tooi asinan se ngannge ke ndii nang ndá-loo’t ɓari made dege tami edi nè: 17«Jè j’unde kɔde ndam nè sei ndami lé a, j’ile pa non yo, nè sei noin undei kàde si dai-dai lé.» 18Oiyo ndɔ ke kété ke Jean ree nga, ɔge ra’n dè nyankuse’t se dè nyankain’t. Nè dooge tami edi nè: «Dè’n majelé a, ndil ke majelé tò kêmn’t a tɔ.» 19Nè loo ke man ke m’ee Ngonn doo nga m’ree ɓaa, m’use nyan a, m’an-in nyan a tɔ ɓaa, dooge tami edi nè: «An-in! doo nyankuse se doo nyankain. E uwe made nan se njétaa tirge se njé ra majelége.» Nè loo ke doo an nyange ke Nube ra se kumkunju le’n ke deri nè ɓaa, à ger titeke Nube ndige kaje jèi kuwe.
Jésu in se dooge ke mbati turi hal de
(An-in Luc 10.13-15 tɔ)
20Dooge ke kêm ɓee-bòge ke ndɔ ke kété Jésu ra nyankɔbe ke nange tutu mbati turi hal de a, rai majelé kum de ke kété a tɔ. Gir’n ke nè á Jésu ndáng de ede nè:
21– Sei dooge ke kêm ɓee-bò ke Chorazin se Bethsaida a an-in ɓai! Nyankɔbege malang ke ndɔ ke Nube ra kêm ɓee-bòge’t le si nè nga, ke nè á ndɔ ke è ra titeke bè kêm ɓee-bò ke Tyr se Sidon ɓaa, bainléa dooge à tulei kubu ndoo ndii dann bu’t le turi hal de mari. 22Gir’n ke nè á man m’ede sei ndàt, ndɔ ke Nube à gangtà dè dooge nga, tà ke d’a gang dè si’t à tur ngain dum le dooge ke kêm ɓee-bò ke Tyr se Sidon nè nga ɓai. 23Sei dooge ke kêm ɓee-bò ke Capernaum, ké sei i giri kêm si’t edi nè Nube à kunn sei kunde sei dɔ ɗáng wa? Ḿ-m̀ è bè lé. Nè Nube à tel kaw se si sár ɓee le njé ke koo. Kerɔte kuwe, nyankɔbege ke Nube ra dann si’t nga, ke nè á ndɔ ke ra titeke bè ade njé ke Sodome an-in ɓaa, bainléa ɓee-bò ke Sodome à tò tutu sár tee ɓila ɓai. 24Gir’n ke nè á man m’ede sei ndàt, ndɔ gangtà’t nga tà ke Nube à gang dè si’t à tur ngain dum le njé ke ɓee-bò ke Sodome ɓai.
Jésu ɓar dooge malang kade reei rann’t taai kebe
(An-in Luc 10.21-22 tɔ)
25Kêm ndɔn’t nè nga, Jésu ɔje tà se Nube ede nè:
– Bɔ’m Kuwe-ɓee ke danrán se nang nè, m’tɔyi tede ribe ke i ribe dè nyange nè ade ngannge ke ndêin. Nè njékumkunjuge se njégos nyangerge ɓaa i ɓɔyɔ se de dè nyange nga kák . 26Oiyo Bɔ’m, m’tɔyi titeke bè tede è ke nè á i an ke nyan ke maje tà kumi’t. 27Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje. 28Sei malang ke nyankoto ɗuge sei ngong-ngong ade ɔri yàl-yàl nga, i reei ram’t ɓaa man m’ade sei loo taa kebe. 29Ulei dè si i taai jug le’m, ulei ra si bàj dann nyan-ndóge’t le’m tede man nga m’ee doo ke m’aw lom-lom anje ti ra’m. Titeke bè á nganrankum ra si à kinge’n loo taa kebe. 30Tede jug le’m nga sɔl lom-lom a, nyankoto le’m nga géa ɔlé pêl-pêl a tɔ.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Magtub Mann-ra ke Kige ©Alliance Biblique du Tchad, 2004