If you have would like a copy of this version please contact info@davaraudiobibles.org

Sango Old Testament

<div class="version vid1285 iso6393sag" data-vid="1285" data-iso6393="sag">
 <div class="book bkGEN">
 <div class="chapter ch16" data-usfm="GEN.16">
 <div class="label">16</div><div class="s1">Dungo Ismael</div><div class="p"> 1Sarai, wali ti Abram adu molenge na lo pepe. Me mbeni wali ti kodro ti Ezipte ayeke sara kua na Sarai, iri ti lo Agar. 2Sarai atene na Abram: &#8220;Baa, KOTA GBIA akanga lege na mbi ti dungo ni. Ayeke nzoni mo gue, mo duti na wali so ayeke sara kua na mbi so. E hinga pepe, na lege ti lo, fade mbi yeke wara molenge.&#8221; Abram ayeda na t&#235;n&#235; ti Sarai. 3A sara ngu baleoko si Abram ayeke duti na kodro ti Kanaan. Tongaso Sarai, wali ti Abram, amu Agar, wali ti kodro ti Ezipte so ayeke sara kua na lo so, amu lo na koli ti lo Abram titene Agar aga wali ti lo. 4Abram na Agar aduti si lo mu ngo. Tongana lo baa so lo mu ngo awe, wa ti lo Sarai akiri ane na le ti lo pepe. 5Sarai atene na Abram: &#8220;Mbana so Agar ayeke sara na mbi so, t&#235;n&#235; ni ayeke na li ti mo. Mbi laa mbi mu zo ti kua ti mbi, mbi zia lo na kate ti mo. Gi so lo baa lo yeke na ngo awe, mbi ne na le ti lo mbeni pepe. Ayeke nzoni KOTA GBIA af&#226; ya ti ngbanga so ayeke na popo ti mbi na mo.&#8221; 6Abram akiri t&#235;n&#235; na Sarai, atene: &#8220;Baa zo ti kua ti mo laa; lo yeke na gbe ti komandema ti mo. Sara na lo ye so be ti mo aye.&#8221;</div><div class="p">Tongaso Sarai asara pasi mingi na Agar si Agar akpe yongoro na tere ti Sarai. 7*Ange ti KOTA GBIA awara Agar na tere ti mbeni li ti ngu na benyama, so ayeke na lege ti guengo na Shur. 8Ange ni atene na lo: &#8220;Agar, zo ti kua ti Sarai, mo londo na ndo wa? Mo yeke gue na ndo wa?&#8221; Lo kiri t&#235;n&#235;, lo tene: &#8220;Mbi yeke kpe wa ti mbi, Sarai.&#8221; 9Ange ti KOTA GBIA atene na lo: &#8220;Kiri na tere ti wa ti mo, mo sara tere ti mo kete na gbe ti lo. 10Mbi yeke sara ande titene *ahale ti mo aga mingi ahon ndoni; zo alingbi ti diko ala pepe. 11Baa, mo yeke na ngo; mo yeke du molenge-koli; mo yeke di iri ti lo Ismael, ngbanga ti so KOTA GBIA ama toto ti mo awe 12Molenge ti mo ayeke duti ande tongana lele ti ngonda. Fade lo yeke tiri na azo kue si azo kue ayeke tiri na lo. Lo yeke sara kodro ti lo nde, yongoro na tere ti a-ita ti lo kue.&#8221;</div><div class="p"> 13Agar airi KOTA GBIA na iri ti lo si avoro lo, KOTA GBIA so atene t&#235;n&#235; na lo so. Agar atene: &#8220;Mo yeke Nzapa so mo yeke baa mbi.&#8221; Lo hunda fade tere ti lo, lo tene: &#8220;Ge laa mbi baa biani lo so abaa mbi so?&#8221; 14Ndani laa azo airi du ti ngu so ayeke na popo ti akodro ti Kades na Bered so atene: &#8220;Du ti ngu ti Lahai-Roi&#8221;. 15 Agar adu molenge-koli na Abram. Abram adi iri ti molenge ni Ismael. 16Lo yeke na ngu balemiombe na omene na ndembe so Agar adu na lo Ismael.</div>
 </div>
 </div>
</div>

Sarai, wali ti Abram adu molenge na lo pepe. Me mbeni wali ti kodro ti Ezipte ayeke sara kua na Sarai, iri ti lo Agar. Sarai atene na Abram: “Baa, KOTA GBIA akanga lege na mbi ti dungo ni. Ayeke nzoni mo gue, mo duti na wali so ayeke sara kua na mbi so. E hinga pepe, na lege ti lo, fade mbi yeke wara molenge.” Abram ayeda na tënë ti Sarai. A sara ngu baleoko si Abram ayeke duti na kodro ti Kanaan. Tongaso Sarai, wali ti Abram, amu Agar, wali ti kodro ti Ezipte so ayeke sara kua na lo so, amu lo na koli ti lo Abram titene Agar aga wali ti lo. Abram na Agar aduti si lo mu ngo. Tongana lo baa so lo mu ngo awe, wa ti lo Sarai akiri ane na le ti lo pepe. Sarai atene na Abram: “Mbana so Agar ayeke sara na mbi so, tënë ni ayeke na li ti mo. Mbi laa mbi mu zo ti kua ti mbi, mbi zia lo na kate ti mo. Gi so lo baa lo yeke na ngo awe, mbi ne na le ti lo mbeni pepe. Ayeke nzoni KOTA GBIA afâ ya ti ngbanga so ayeke na popo ti mbi na mo.” Abram akiri tënë na Sarai, atene: “Baa zo ti kua ti mo laa; lo yeke na gbe ti komandema ti mo. Sara na lo ye so be ti mo aye.”
Tongaso Sarai asara pasi mingi na Agar si Agar akpe yongoro na tere ti Sarai. *Ange ti KOTA GBIA awara Agar na tere ti mbeni li ti ngu na benyama, so ayeke na lege ti guengo na Shur. Ange ni atene na lo: “Agar, zo ti kua ti Sarai, mo londo na ndo wa? Mo yeke gue na ndo wa?” Lo kiri tënë, lo tene: “Mbi yeke kpe wa ti mbi, Sarai.” Ange ti KOTA GBIA atene na lo: “Kiri na tere ti wa ti mo, mo sara tere ti mo kete na gbe ti lo. Mbi yeke sara ande titene *ahale ti mo aga mingi ahon ndoni; zo alingbi ti diko ala pepe. Baa, mo yeke na ngo; mo yeke du molenge-koli; mo yeke di iri ti lo Ismael, ngbanga ti so KOTA GBIA ama toto ti mo awe Molenge ti mo ayeke duti ande tongana lele ti ngonda. Fade lo yeke tiri na azo kue si azo kue ayeke tiri na lo. Lo yeke sara kodro ti lo nde, yongoro na tere ti a-ita ti lo kue.”
Agar airi KOTA GBIA na iri ti lo si avoro lo, KOTA GBIA so atene tënë na lo so. Agar atene: “Mo yeke Nzapa so mo yeke baa mbi.” Lo hunda fade tere ti lo, lo tene: “Ge laa mbi baa biani lo so abaa mbi so?” Ndani laa azo airi du ti ngu so ayeke na popo ti akodro ti Kades na Bered so atene: “Du ti ngu ti Lahai-Roi”. Agar adu molenge-koli na Abram. Abram adi iri ti molenge ni Ismael. Lo yeke na ngu balemiombe na omene na ndembe so Agar adu na lo Ismael.

Dëgjoj Tongo nda ti aye 16