The Sentani New Testament (Indonesia) for DBL

Allahle a neme heteungekoke homofae

<div class="version vid2526 iso6393set" data-vid="2526" data-iso6393="set">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Yesus Sabat Ya Ijoko Kumba Yae Honokate Rore Onomi Ikeunge</div><div class="p"> 1Yesus aloungekoke ewole hee ro mbai na hongkatera ijoko kumba yeubokebe erekeunge. 2Yesus na moisa orowate yo yae hinainye, &#8220;Guru, rahene nda ro ijoko kumba yae hongkate, nenaei beko mokoubokene, ako yae nake yae beko mokeibokene?&#8221;</div><div class="p"> 3Yesus yae weumi, &#8220;Nda ro kumbare yeuboke bae nenaeijae nane merau ako nake yae mokaikoke beko aerene ban. Naeinya hesele Allahlena elae naei uwa einye mokombondene na hului ro miyae erembombe naeise. 4Hu na naeukoke hebele yae Rare ukeufe mekale Kiyaele kalia mokomande hele. Rabuhine ban na heki ban mo be bahembondene ro miyae mbai sambai kaliare omokoiboi sului. 5Nda kani kela einye namman nekale hee, Reyae nda kani kela hehere naerensonde Kiyae.&#8221;</div><div class="p"> 6Yesus nebei a ukeumira euwaeki kanine houboke, kani bele aleungekoke mo nebei role ijokone hobeungekoke. 7Nebeisa nda rore weunge, &#8220;Eye, wa be yoi Siloamna bu yale yae hobeukonde.&#8221; (&#8220;Siloam&#8221; na mekai &#8220;ukeunge eke&#8221;) Nebei ro eke Yesus yae ukeunge hului yae mokoubokene ijoko erewole yae beufoke ike.</div><div class="p"> 8Nebeibe imae ribo mbainye nekewate yo bele nda ro bere a ri-tise riyeweke erewainye, ro miyae bele hinewaimi elate, &#8220;Naendae wanen, nda ro niyaebe ya, angken mae nuweiboyole a ri-tise riyeweke kiyae?&#8221; 9Ro miyae hiwa yo yae elate, &#8220;Nebei kiyae mbai niyae.&#8221;</div><div class="p">Hiwa yo elate, &#8220;Niyae ban. Nda kiyae nebei rolena wanen.&#8221;</div><div class="p">Nebei ro nenaeijae weumi, &#8220;Reyae niyaebe ya!&#8221;</div><div class="p"> 10Nebei yo yae hinainye, &#8220;Rahe ma yae wa ijoko onomi rokae?&#8221;</div><div class="p"> 11Nda ro yae weumi, &#8220;Yesus yae wainye Kiyae euwaeki houboke kani bele aleungeboke raei ijokone hobeufekokera bune kuisekondere Siloam bu yalere ukeufe ekale. Nebei a ukeufe huluinye mokoubokalene ra ijoko na hului erale.&#8221;</div><div class="p"> 12Nebei yo yae nda rore hinainye, &#8220;Makeinya nebei Ro eke?&#8221;</div><div class="p">Nda ro yae weumi, &#8220;Reyae isian ma.&#8221;</div><div class="p"> 13Are hinewainye yo yae bere kumbare nekewole kiyaere yawainyehoke Farisi holona yo bokore ekate. 14Sabat ya yae Yesus euwaeki houboke, kani bele aleungeboke nda role ijoko foise mokoungeboke. 15Nebei aerene Farisi holona yo yae nebei rore hinainye, &#8220;Naendae mekai yae waei ijoko foise mokouboke?&#8221;</div><div class="p">Nda ro yae weumi, &#8220;Kani rebe raei ijokone hobeufokera nebeisa ijoko bune kuyeukokale. Nda hee raei ijoko na hului erale.&#8221;</div><div class="p"> 16Farisi holona hiwa yo yae elate, &#8220;Nda Ro Yahudi era hena huluinye Sabat ya omokoi rambunbe mokolene, Allah yae ukeunge meke Kiyae ban.&#8221;</div><div class="p">Hiwa yo yae elate, &#8220;Naendae mekai yae beko bako bele ro miyae yae rambun emere-emere na hului mokonde?&#8221; Nebei aerene nda yo nenaei mo aku kiteuboke hate.</div><div class="p"> 17Nebeisa Farisi holona yo yae nebei rore benen wainye, &#8220;Waei ijoko foi mokouboke aerene nebei Kiyaele naeise, weyae rahe ma yae eleyae?&#8221;</div><div class="p">Nebei ro yae weumi, &#8220;Raei u benera nekeufe nebei Kiyae yendo kayaalo.&#8221;</div><div class="p"> 18Nebeibe Yahudi agama yun-jun nebei ro bere kumba nekewolera nda hee ijoko erele a uwoumire na helere eleikoi kowate. Nebeinye nenake naeko kaenaimikoke mekete, uwaimi, 19&#8220;Ijoko kumba yae hongkaubere eleube fa nda niyae? Naendae mekai yae nda hee ijoko erele?&#8221;</div><div class="p"> 20Nebei fa nenake naekole yae weimi, &#8220;Maeisaeise nekende neyae maei fa nane merau ijoko kumba yae hongkande. 21Nebeibe nda hee ijoko erele naeise nane merau foise mokoungeboke naeise meyae isian hele. Roijandobe yeuboke ya! Naei uwa naei are nenaeijae hinennihi eleuko!&#8221; 22Yahudi agama yun-jun fe kowaimi aerene nenakele naekole nda hului yae eleikoke. Rabuhine ban Yahudi agama yun-jun a hokaikoke, ro miyae yoni-yoni nde yae Yesusre Wali Ondofolo yae elengkonde kiyae Allahre ei mom-mom imaera hukenainyehinde. 23Nebei aerene nenake naeko nda a lon mae eleikoke, &#8220;Roijando yeuboke lonbe, nare hinennihine.&#8221;</div><div class="p"> 24Bere kumbare nekewole ro benen kaenainyekoke mo wainye, &#8220;Meyae maeisaei nebei Ro beko bako bele Ro ya. Allahre hilire hebeungelere, meyae wayete are be hineibone!&#8221;</div><div class="p"> 25Nda ro yae weumi, &#8220;Reyae raeisaei ban nebei Kiyae ro foi, ro beko. Nebeibe raeisaeise nekale, bere reyae ijoko kumba nekewale, nda hee reyae ijoko erale.&#8221;</div><div class="p"> 26Nebei yo yae benen wainye, &#8220;Rahebe nebei Kiyae ware mokoubokete? Naendae mekai yae nebei Kiyae wa ijokore foi mokoubokete?&#8221;</div><div class="p"> 27Nebei ro yae weumi, &#8220;Mare ninae reyae huwengkokamale, nebeibe mayae oboroi kowaube. Rahene nebei are benen borombere kaube? Mayae kena kaube na moisa orate holonare yembombere era?&#8221;</div><div class="p"> 28Yahudi ro miyae nda rore na a haufau bele okainye wa wainye, &#8220;Weyae niyae nebei Kiyaele moisa oraube holona. Meyae bae Musale moisa orande holona! 29Meyae maeisaei Allahlena ako faeuko bae Musare uwounge. Nebeibe nda Kiyae meke anuwau naeise maeisaei ban sele!&#8221;</div><div class="p"> 30Nebei ro yae weumi, &#8220;Mahi hele naei meke anuwaufe maisaei ban sele elaube, erabae nebei Kiyae yae raei ijoko kumba nekewalere foi mokoufeboke erale. 31Eyae aeisaei beko bako bele ro miyae naei are Allah oboroyei. Ro miyae Allahle u mekai wanen nekate nane merau Allah kena kole hului mokate yo bele naei are mo Allah eiborowoumi. 32Nda kani kelana mokoubokera ro miyae hi yae ijoko kumba yae hongkate ro miyaere onomi ikeunge ijoko na hului erewole naeise roko mbai oboroiboi mo nekemeyande. 33Nebei Ro Allahle bokora emei yae, nda mokouboke mare Neyae omokoiboi sului.&#8221;</div><div class="p"> 34Nebei yo yae wainye, &#8220;Naendae wanen, weyae u mekai beko hongkayete fa lonbe maere weyae keleumekondere?&#8221; Nebei heera ei mom-mom imaera moise hukainyehike eukuke.</div><div class="p"> 35Yahudi agama yun-jun mae nda rore ei mom-mom imaera hukainyehike a Yesus borokene, nebei rore baeungeke, hubayekoke mo weunge, &#8220;Allahle bokora meke ro miyae uware yeubokale Kiyaere hila rabo halaenae?&#8221;</div><div class="p"> 36Nebei ro yae weunge, &#8220;Nebei Kiyae nde? Reyae na hului hila rabo Nare mo halerendere rare isaeyerebomae.&#8221;</div><div class="p"> 37Yesus yae weunge, &#8220;Weyae eranae nane merau nda hee wangkele are eleube Kiyae Niyae.&#8221;</div><div class="p"> 38Nda ro yae weunge, &#8220;Tuhan, reyae Ware hila rabo halaewale.&#8221; Nebeisa Yesusre ei molounge.</div><div class="p"> 39Yesus yae weunge, &#8220;U mekai beko yakaremilera wali hului koloi-koloi naeise Reyae nda kani kelare mekale. Raei kalia mokale yae kumba nekate ro miyaere ijoko erenate nane merau ijoko erate ro miyae kumba inyaibonde.&#8221;</div><div class="p"> 40Nebei anuwaunge Farisi holona hebate yo Yesus nebei mekai a haraungeboke eleukokene, Yesusre hinainye, &#8220;Waei u benera nekayete meyae nane merau kumba?&#8221;</div><div class="p"> 41Yesus yae weumi, &#8220;Mayae ijoko kumba nekaube yae, mai me u beko aerene ehee bukulu eyaroikoi. Nebeibe mayae ijoko eraube yae elaubena, mai beko bako namman honayembe aerene ehee bukulu enyarongkombe.&#8221;</div>
 </div>
 </div>
</div>

Yesus aloungekoke ewole hee ro mbai na hongkatera ijoko kumba yeubokebe erekeunge. Yesus na moisa orowate yo yae hinainye, “Guru, rahene nda ro ijoko kumba yae hongkate, nenaei beko mokoubokene, ako yae nake yae beko mokeibokene?”
Yesus yae weumi, “Nda ro kumbare yeuboke bae nenaeijae nane merau ako nake yae mokaikoke beko aerene ban. Naeinya hesele Allahlena elae naei uwa einye mokombondene na hului ro miyae erembombe naeise. Hu na naeukoke hebele yae Rare ukeufe mekale Kiyaele kalia mokomande hele. Rabuhine ban na heki ban mo be bahembondene ro miyae mbai sambai kaliare omokoiboi sului. Nda kani kela einye namman nekale hee, Reyae nda kani kela hehere naerensonde Kiyae.”
Yesus nebei a ukeumira euwaeki kanine houboke, kani bele aleungekoke mo nebei role ijokone hobeungekoke. Nebeisa nda rore weunge, “Eye, wa be yoi Siloamna bu yale yae hobeukonde.” (“Siloam” na mekai “ukeunge eke”) Nebei ro eke Yesus yae ukeunge hului yae mokoubokene ijoko erewole yae beufoke ike.
Nebeibe imae ribo mbainye nekewate yo bele nda ro bere a ri-tise riyeweke erewainye, ro miyae bele hinewaimi elate, “Naendae wanen, nda ro niyaebe ya, angken mae nuweiboyole a ri-tise riyeweke kiyae?” Ro miyae hiwa yo yae elate, “Nebei kiyae mbai niyae.”
Hiwa yo elate, “Niyae ban. Nda kiyae nebei rolena wanen.”
Nebei ro nenaeijae weumi, “Reyae niyaebe ya!”
Nebei yo yae hinainye, “Rahe ma yae wa ijoko onomi rokae?”
Nda ro yae weumi, “Yesus yae wainye Kiyae euwaeki houboke kani bele aleungeboke raei ijokone hobeufekokera bune kuisekondere Siloam bu yalere ukeufe ekale. Nebei a ukeufe huluinye mokoubokalene ra ijoko na hului erale.”
Nebei yo yae nda rore hinainye, “Makeinya nebei Ro eke?”
Nda ro yae weumi, “Reyae isian ma.”
Are hinewainye yo yae bere kumbare nekewole kiyaere yawainyehoke Farisi holona yo bokore ekate. Sabat ya yae Yesus euwaeki houboke, kani bele aleungeboke nda role ijoko foise mokoungeboke. Nebei aerene Farisi holona yo yae nebei rore hinainye, “Naendae mekai yae waei ijoko foise mokouboke?”
Nda ro yae weumi, “Kani rebe raei ijokone hobeufokera nebeisa ijoko bune kuyeukokale. Nda hee raei ijoko na hului erale.”
Farisi holona hiwa yo yae elate, “Nda Ro Yahudi era hena huluinye Sabat ya omokoi rambunbe mokolene, Allah yae ukeunge meke Kiyae ban.”
Hiwa yo yae elate, “Naendae mekai yae beko bako bele ro miyae yae rambun emere-emere na hului mokonde?” Nebei aerene nda yo nenaei mo aku kiteuboke hate.
Nebeisa Farisi holona yo yae nebei rore benen wainye, “Waei ijoko foi mokouboke aerene nebei Kiyaele naeise, weyae rahe ma yae eleyae?”
Nebei ro yae weumi, “Raei u benera nekeufe nebei Kiyae yendo kayaalo.”
Nebeibe Yahudi agama yun-jun nebei ro bere kumba nekewolera nda hee ijoko erele a uwoumire na helere eleikoi kowate. Nebeinye nenake naeko kaenaimikoke mekete, uwaimi, “Ijoko kumba yae hongkaubere eleube fa nda niyae? Naendae mekai yae nda hee ijoko erele?”
Nebei fa nenake naekole yae weimi, “Maeisaeise nekende neyae maei fa nane merau ijoko kumba yae hongkande. Nebeibe nda hee ijoko erele naeise nane merau foise mokoungeboke naeise meyae isian hele. Roijandobe yeuboke ya! Naei uwa naei are nenaeijae hinennihi eleuko!” Yahudi agama yun-jun fe kowaimi aerene nenakele naekole nda hului yae eleikoke. Rabuhine ban Yahudi agama yun-jun a hokaikoke, ro miyae yoni-yoni nde yae Yesusre Wali Ondofolo yae elengkonde kiyae Allahre ei mom-mom imaera hukenainyehinde. Nebei aerene nenake naeko nda a lon mae eleikoke, “Roijando yeuboke lonbe, nare hinennihine.”
Bere kumbare nekewole ro benen kaenainyekoke mo wainye, “Meyae maeisaei nebei Ro beko bako bele Ro ya. Allahre hilire hebeungelere, meyae wayete are be hineibone!”
Nda ro yae weumi, “Reyae raeisaei ban nebei Kiyae ro foi, ro beko. Nebeibe raeisaeise nekale, bere reyae ijoko kumba nekewale, nda hee reyae ijoko erale.”
Nebei yo yae benen wainye, “Rahebe nebei Kiyae ware mokoubokete? Naendae mekai yae nebei Kiyae wa ijokore foi mokoubokete?”
Nebei ro yae weumi, “Mare ninae reyae huwengkokamale, nebeibe mayae oboroi kowaube. Rahene nebei are benen borombere kaube? Mayae kena kaube na moisa orate holonare yembombere era?”
Yahudi ro miyae nda rore na a haufau bele okainye wa wainye, “Weyae niyae nebei Kiyaele moisa oraube holona. Meyae bae Musale moisa orande holona! Meyae maeisaei Allahlena ako faeuko bae Musare uwounge. Nebeibe nda Kiyae meke anuwau naeise maeisaei ban sele!”
Nebei ro yae weumi, “Mahi hele naei meke anuwaufe maisaei ban sele elaube, erabae nebei Kiyae yae raei ijoko kumba nekewalere foi mokoufeboke erale. Eyae aeisaei beko bako bele ro miyae naei are Allah oboroyei. Ro miyae Allahle u mekai wanen nekate nane merau Allah kena kole hului mokate yo bele naei are mo Allah eiborowoumi. Nda kani kelana mokoubokera ro miyae hi yae ijoko kumba yae hongkate ro miyaere onomi ikeunge ijoko na hului erewole naeise roko mbai oboroiboi mo nekemeyande. Nebei Ro Allahle bokora emei yae, nda mokouboke mare Neyae omokoiboi sului.”
Nebei yo yae wainye, “Naendae wanen, weyae u mekai beko hongkayete fa lonbe maere weyae keleumekondere?” Nebei heera ei mom-mom imaera moise hukainyehike eukuke.
Yahudi agama yun-jun mae nda rore ei mom-mom imaera hukainyehike a Yesus borokene, nebei rore baeungeke, hubayekoke mo weunge, “Allahle bokora meke ro miyae uware yeubokale Kiyaere hila rabo halaenae?”
Nebei ro yae weunge, “Nebei Kiyae nde? Reyae na hului hila rabo Nare mo halerendere rare isaeyerebomae.”
Yesus yae weunge, “Weyae eranae nane merau nda hee wangkele are eleube Kiyae Niyae.”
Nda ro yae weunge, “Tuhan, reyae Ware hila rabo halaewale.” Nebeisa Yesusre ei molounge.
Yesus yae weunge, “U mekai beko yakaremilera wali hului koloi-koloi naeise Reyae nda kani kelare mekale. Raei kalia mokale yae kumba nekate ro miyaere ijoko erenate nane merau ijoko erate ro miyae kumba inyaibonde.”
Nebei anuwaunge Farisi holona hebate yo Yesus nebei mekai a haraungeboke eleukokene, Yesusre hinainye, “Waei u benera nekayete meyae nane merau kumba?”
Yesus yae weumi, “Mayae ijoko kumba nekaube yae, mai me u beko aerene ehee bukulu eyaroikoi. Nebeibe mayae ijoko eraube yae elaubena, mai beko bako namman honayembe aerene ehee bukulu enyarongkombe.”

Dëgjoj Yohanes 9