Kosarek 2023 WBT Non-drama NT

Kosarek 2023 WBT Dramatized NT

<div class="version vid3740 iso6393kkl" data-vid="3740" data-iso6393="kkl">
 <div class="book bkACT">
 <div class="chapter ch14" data-usfm="ACT.14">
 <div class="label">14</div><div class="p"> 1Paulusap Barnabasap as Ikonium pirekti, Yahudi nimiri Allah yubu lero winirop aeag wa'irekti, Yesus sembe Allah yubu pere agha tibin nenero wali uro ambarelamsirek. Ambarelamsirekpa Yahudi nimiap Yunani nimiap maiknori Yesusag sikne aro seneraglamek. 2Yahudi nimi nenneri, &#8220;Paulusap Barnabasapti yubu orolena ambarelamsirang,&#8221; senelamek nimi tanekori nungkabo Yesusag sikne aro seneraglamek nimi sembe mali aro lelamek. Mali aro lelamek nimi tanekori wana aluktop yubu yangaro Yahudi sisa kom nimi taneko wana tolamsiek. 3Wana tolamsiek aghana, Paulusap Barnabasap ik maiknoro as Ikonium wamdekti, nu Saelba Uhiropne Yesus sembe log kom uro ambarelamsirek. Nu Saelba Uhiropne ponekori wana nimiag yorolamsilne sembe yubu ambarelamsirekpa, &#8220;Nimiri sik sembaukang,&#8221; aro nu Saelba Uhiropne ponekori sinag mikipne lag nenero pipsiog. Mikipne pipsiogpa, sindi ulamdek nena, &#8220;Yaghe, Allah mikibari uanepne sin pere agha ual&#8221; senenne kekneba ulamdek.</div><div class="p"> 4Kekneba ulamdekpa, as aneko wamek nimi taneko pogto nenne Yahudi nimiag sip talamekpa, nenneri Barnabasap Saulusap sembe, &#8220;Allahri wepto pogsiogpa, sik uro ambarelamsirang,&#8221; aro sinag sip talamek. 5Nimi taneko pogtaekti, Yahudi sisa kom nangap, Yahudi nangap sin sikini yaboap winip taekti, &#8220;Paulusap Barnabasap yo uro saelbahiberi, kirikti ya'ag opsukap,&#8221; aro ulamek. 6-7&#8220;Sin opsukap,&#8221; alamekne el tarekti, Paulusap Barnabasap as anekoag agha lambarekti, Likaonia so'oag pirek. Likaonia so'o enekoag as Listraap Derbeap pirekti, as aneko kanero wamek nimi taneko yubu walinge Yesus sembe ambarelamsirek.</div><div class="s1">As Listraap Derbeap Yesus yubu walinge ambatsireka</div><div class="p"> 8As Listra aneko nimi kabuni nhon mangap tangto yangkaoghag agha yan malia mangap taogha seka pana babe erarukne nhon wamog. Mangap taog sum agha ik nhon babe yan ingiro pinep komdi mo pukamog. 9Pukamogha Paulusti yubu ambarelamsiogne yan mali nimi enekori ka'elamog. Ka'elamogpa Paulusti whing ebom agha til dalamdekti Paulusti, &#8220;Nimi eneri Yesusag sikne aro wana palilamlaba, na sae pere agha Yesusti el yan wali nembalul,&#8221; sembaog.</div><div class="p"> 10Paulusti wene sembaogti, nimi enekoag yubu mikip uro lelamogti, &#8220;Yan mikip uro sekelabi,&#8221; seog. &#8220;Sekelabi,&#8221; seogpa nimi eneko lopna agha sekelabiogti, pang yang ulamog. 11Sekogti pang yang ulamogha nimi maikno tanekori Paulus sae pere agha nimi eneko wali taogha ibekti, &#8220;Nimiri uanep komne uarang,&#8221; alamek. Alamekti ibek nimi tanekori Likaonia yubuag haum aro nimi ambarelamsiekti, &#8220;Memne mikiba nimi saog tarangdi, so'oag yingkina ulamdang,&#8221; alamek. 12&#8220;So'oag yingkina ulamdang,&#8221; alamekti Barnabas sembe, &#8220;Nuri memne nubunge phalamapne,&#8221; aro si Zeus engkaekti, Paulus babe, &#8220;Yubu tipto ambatsiropne memne mikiba phalamapne,&#8221; aro si Hermes engkaek.</div><div class="p"> 13Wene aro engkahiekpa, leka as Listra kanero solingkirobag paiag sip ina peramag, Zeus pharobag mem ae soroba soropne wamog. Zeus pharobag mem ae wamoghag memne Zeus sembe paliropne ponekori as Likaonia nimiri wene alameka ka'ebaog. Ka'ebaogti pham sapi yemne nhon-nhon tobogti, uwong-uwonga kal es agha lomoro pham sapi tanekoag kwiria elekahiog. Kwiria elekahiogti, &#8220;Zeusap Hermesap pham sapi oro phalamsukap,&#8221; aro nimi maiknoapti leka as kanero solingkirobag ina siram peramag yagto payalamsiek.</div><div class="p"> 14Undo unulameka Allah Eldamne Yame Walingeri wepto pogsiog nang#Pogsiog Nang 13:2-4 Barnabasap Paulusapti weneog ka'ebarekti el tarek. El tarekti, &#8220;Sindi mema phalamangne nene uanep komne ulamang,&#8221; aro Barnabasap Paulusapti ag enekto amdekne taepto epsirekti, nimi maikno nusamag lopna agha wa'irek. Nimi nusamag wa'irekti, yubu lelamdekti, 15&#8220;Nangkabo, nene sa'a agha ulamlom? Nu nimi a'un saog uro mog so'oag nimi wamnam. A'unag yanomonge, &#8216;A'undi teba'en uroba lebe arop komne phalamlomne lipsimundi, wailag nembamundi, Allah ya'ag kamag wamlange ponekoag yalulom,&#8217; aro yubu walinge ambatto yanomo. Allah ya'ag kamag wamlange ponekori imap, so'oap, mag laut nubu uro longorop maghap, nia mangkina wamlange sumbaogne poneko wamlaba, el mo omeklamlulom. 16Samen a'unisag yabo wamek ko'oag Nuni Allahri, &#8216;Nimi sisa ni tala-tala wamang nimiri mem pharoba a'ero ubu paiamlange mem phalamsiik,&#8217; aro lipsiog. 17Lipsiog aghana, mog so'o sukupnange imag agha mag pelengkarelamsildi, so'oag wamlange mauroba li sunuro o'obarelamsil. A'un kwaneng tenaba babe, wana awi neneropne babe tarelamsildi, el wamlange tognop tan koma walia aghabog ulamla,&#8221; aro ambatsirek.</div><div class="p"> 18Wene aro ambatsirek aghana, nimi taneko ka'elobekti, &#8220;Sin phendeag mem phabahukap,&#8221; aro ulamekpa, &#8220;Uaheng kom,&#8221; aro irikahinepne eraruk uaog.</div><div class="p"> 19Wamekpa as Antiokhia nimiap, as Ikonium nimiap Yahudi nimi wamek nang as Listra yaekti, as aneko wamek nimi yubu yangaro wana tolamsiekti limilamsiek. Limilamsiekpa as anekoag wamek nimi sinag sip talamekti, Paulus kirikti obek. Obekti, &#8220;Ya'ag tebal,&#8221; aro kiliro asag poa lambaekti, paiag sip toboghol piek. 20Toboghol piek aghana, elkabo Yesus yubu ka'ero neleplamek nimi taneko longoro kanekto sekamekpa, Paulus pukogti, sekogti nen as anekoag samoro wa'iog. Wa'iogti mabogha kwelekaogne elkae Barnabasap nhon Derbe pirek.</div><div class="s1">Paulusap Barnabasap samoro Antiokhia yareka</div><div class="p"> 21As Derbe pirekti, Paulusap Barnabasapti nimiag yubu walinge Yesus sembe ambarelamsirekpa, nimi maiknori sikne aro seneraglamekti, Yesus yubu ka'ero neleplamek nimi as Derbe wamekne maikno talamek. Maikno talamekpa, nen samoro as Listra ina agha, as Ikonium phibom agha, Pisidia so'oag as Antiokhia palamdekag agha, 22Yesusag sikne aro seneragtop nimi winil dalamekag wa'alamdek. As a'ero-a'ero wa'alamdekag tanekoa Paulusap Barnabasapti Yesus yubu ka'ero neleplamek nimi wenelamsirekti, &#8220;Wene Yesusag sikne aro wana palilamlomdi, elag ma'ap tangto wamlulom,&#8221; aro nimi Yesus yubu ka'ero neleplamek nimi wenelamsirek. Wenelamsirekti, &#8220;Maiknoro seklelamebe taneogna, nu Allahri saelba ulamsil nimi tanep ina aneko wa'ina wamnep,&#8221; aro ambatsirek. 23As a'ero-a'ero yubu ambarelamsirekag agha winil dalamek nimi sikini yabo anabiag agha wenehirop nang#14:23 wenehirop nang- Indonesia yubuag &#8220;penatua&#8221; alamang. weplamsirekti, &#8220;Nimi taneko o'olamsululom,&#8221; aro sekililamsirek. Sekililamsirekti kwaneng tero koma molona nu Saelba Uhiropneag mololamdekti, &#8220;Nimi wenehirop nang tanekori anag sikne aro wana palilamangpa, andi arukna wamukangne an saeag palilamsiaba yepsululam,&#8221; aro molbarelamsirek.</div><div class="p"> 24Undo unuarekti, palamdeka Pisidia so'o ina agha mog so'o Pamfilia yarek. 25Pamfilia yarekti, so'o eneko as Perga wamek nimiag Yesus yubu ambatsirekti, as Atalia mag laut longorop mag abolag yarekti, 26kabong mag alip toman piroba nhonag wa'albarek. Wa'albarekpa kabong pabirop nang tanekori, &#8220;Phoanari ko'oro pabalamlul,&#8221; aro kerektoba towalengkaekti, mag alip toman agha as Antiokhia Siria so'oag samoro yarek. Samenag as Antiokhia nimiri sin abenekoag, &#8220;Allahri wana a'unag yororo paiamsileba, Yesus yubu ambarelamsururom,&#8221; aro pogsiekpa, ambattoba tongkahirekti, &#8220;Komopto uitnam,&#8221; aro nen sap alnibarekag aneko samoro yarek.#Pogsiog Nang 13:1-3 27Yarekti Yesusag sikne aro seneragtop nimi poloro winip taekpa ambarelamsirekti, &#8220;Allahri yeplamsioba, nuri lero ulamobonge pere agha Yahudi sisa kom nimi sembe babe Allahri ina kupsioba, sindi babe Yesusag sikne aro wana palilamang,&#8221; aro ambarelamsirek. 28Ambarelamsirekti wamdekpa, Yesus yubu ka'ero neleplamek nimiap ma'aro wamekti, ik ko'o maiknoro wamek.</div>
 </div>
 </div>
</div>

Paulusap Barnabasap as Ikonium pirekti, Yahudi nimiri Allah yubu lero winirop aeag wa'irekti, Yesus sembe Allah yubu pere agha tibin nenero wali uro ambarelamsirek. Ambarelamsirekpa Yahudi nimiap Yunani nimiap maiknori Yesusag sikne aro seneraglamek. Yahudi nimi nenneri, “Paulusap Barnabasapti yubu orolena ambarelamsirang,” senelamek nimi tanekori nungkabo Yesusag sikne aro seneraglamek nimi sembe mali aro lelamek. Mali aro lelamek nimi tanekori wana aluktop yubu yangaro Yahudi sisa kom nimi taneko wana tolamsiek. Wana tolamsiek aghana, Paulusap Barnabasap ik maiknoro as Ikonium wamdekti, nu Saelba Uhiropne Yesus sembe log kom uro ambarelamsirek. Nu Saelba Uhiropne ponekori wana nimiag yorolamsilne sembe yubu ambarelamsirekpa, “Nimiri sik sembaukang,” aro nu Saelba Uhiropne ponekori sinag mikipne lag nenero pipsiog. Mikipne pipsiogpa, sindi ulamdek nena, “Yaghe, Allah mikibari uanepne sin pere agha ual” senenne kekneba ulamdek.
Kekneba ulamdekpa, as aneko wamek nimi taneko pogto nenne Yahudi nimiag sip talamekpa, nenneri Barnabasap Saulusap sembe, “Allahri wepto pogsiogpa, sik uro ambarelamsirang,” aro sinag sip talamek. Nimi taneko pogtaekti, Yahudi sisa kom nangap, Yahudi nangap sin sikini yaboap winip taekti, “Paulusap Barnabasap yo uro saelbahiberi, kirikti ya'ag opsukap,” aro ulamek. “Sin opsukap,” alamekne el tarekti, Paulusap Barnabasap as anekoag agha lambarekti, Likaonia so'oag pirek. Likaonia so'o enekoag as Listraap Derbeap pirekti, as aneko kanero wamek nimi taneko yubu walinge Yesus sembe ambarelamsirek.

As Listra aneko nimi kabuni nhon mangap tangto yangkaoghag agha yan malia mangap taogha seka pana babe erarukne nhon wamog. Mangap taog sum agha ik nhon babe yan ingiro pinep komdi mo pukamog. Pukamogha Paulusti yubu ambarelamsiogne yan mali nimi enekori ka'elamog. Ka'elamogpa Paulusti whing ebom agha til dalamdekti Paulusti, “Nimi eneri Yesusag sikne aro wana palilamlaba, na sae pere agha Yesusti el yan wali nembalul,” sembaog.
Paulusti wene sembaogti, nimi enekoag yubu mikip uro lelamogti, “Yan mikip uro sekelabi,” seog. “Sekelabi,” seogpa nimi eneko lopna agha sekelabiogti, pang yang ulamog. Sekogti pang yang ulamogha nimi maikno tanekori Paulus sae pere agha nimi eneko wali taogha ibekti, “Nimiri uanep komne uarang,” alamek. Alamekti ibek nimi tanekori Likaonia yubuag haum aro nimi ambarelamsiekti, “Memne mikiba nimi saog tarangdi, so'oag yingkina ulamdang,” alamek. “So'oag yingkina ulamdang,” alamekti Barnabas sembe, “Nuri memne nubunge phalamapne,” aro si Zeus engkaekti, Paulus babe, “Yubu tipto ambatsiropne memne mikiba phalamapne,” aro si Hermes engkaek.
Wene aro engkahiekpa, leka as Listra kanero solingkirobag paiag sip ina peramag, Zeus pharobag mem ae soroba soropne wamog. Zeus pharobag mem ae wamoghag memne Zeus sembe paliropne ponekori as Likaonia nimiri wene alameka ka'ebaog. Ka'ebaogti pham sapi yemne nhon-nhon tobogti, uwong-uwonga kal es agha lomoro pham sapi tanekoag kwiria elekahiog. Kwiria elekahiogti, “Zeusap Hermesap pham sapi oro phalamsukap,” aro nimi maiknoapti leka as kanero solingkirobag ina siram peramag yagto payalamsiek.
Undo unulameka Allah Eldamne Yame Walingeri wepto pogsiog nang Barnabasap Paulusapti weneog ka'ebarekti el tarek. El tarekti, “Sindi mema phalamangne nene uanep komne ulamang,” aro Barnabasap Paulusapti ag enekto amdekne taepto epsirekti, nimi maikno nusamag lopna agha wa'irek. Nimi nusamag wa'irekti, yubu lelamdekti, “Nangkabo, nene sa'a agha ulamlom? Nu nimi a'un saog uro mog so'oag nimi wamnam. A'unag yanomonge, ‘A'undi teba'en uroba lebe arop komne phalamlomne lipsimundi, wailag nembamundi, Allah ya'ag kamag wamlange ponekoag yalulom,’ aro yubu walinge ambatto yanomo. Allah ya'ag kamag wamlange ponekori imap, so'oap, mag laut nubu uro longorop maghap, nia mangkina wamlange sumbaogne poneko wamlaba, el mo omeklamlulom. Samen a'unisag yabo wamek ko'oag Nuni Allahri, ‘Nimi sisa ni tala-tala wamang nimiri mem pharoba a'ero ubu paiamlange mem phalamsiik,’ aro lipsiog. Lipsiog aghana, mog so'o sukupnange imag agha mag pelengkarelamsildi, so'oag wamlange mauroba li sunuro o'obarelamsil. A'un kwaneng tenaba babe, wana awi neneropne babe tarelamsildi, el wamlange tognop tan koma walia aghabog ulamla,” aro ambatsirek.
Wene aro ambatsirek aghana, nimi taneko ka'elobekti, “Sin phendeag mem phabahukap,” aro ulamekpa, “Uaheng kom,” aro irikahinepne eraruk uaog.
Wamekpa as Antiokhia nimiap, as Ikonium nimiap Yahudi nimi wamek nang as Listra yaekti, as aneko wamek nimi yubu yangaro wana tolamsiekti limilamsiek. Limilamsiekpa as anekoag wamek nimi sinag sip talamekti, Paulus kirikti obek. Obekti, “Ya'ag tebal,” aro kiliro asag poa lambaekti, paiag sip toboghol piek. Toboghol piek aghana, elkabo Yesus yubu ka'ero neleplamek nimi taneko longoro kanekto sekamekpa, Paulus pukogti, sekogti nen as anekoag samoro wa'iog. Wa'iogti mabogha kwelekaogne elkae Barnabasap nhon Derbe pirek.

As Derbe pirekti, Paulusap Barnabasapti nimiag yubu walinge Yesus sembe ambarelamsirekpa, nimi maiknori sikne aro seneraglamekti, Yesus yubu ka'ero neleplamek nimi as Derbe wamekne maikno talamek. Maikno talamekpa, nen samoro as Listra ina agha, as Ikonium phibom agha, Pisidia so'oag as Antiokhia palamdekag agha, Yesusag sikne aro seneragtop nimi winil dalamekag wa'alamdek. As a'ero-a'ero wa'alamdekag tanekoa Paulusap Barnabasapti Yesus yubu ka'ero neleplamek nimi wenelamsirekti, “Wene Yesusag sikne aro wana palilamlomdi, elag ma'ap tangto wamlulom,” aro nimi Yesus yubu ka'ero neleplamek nimi wenelamsirek. Wenelamsirekti, “Maiknoro seklelamebe taneogna, nu Allahri saelba ulamsil nimi tanep ina aneko wa'ina wamnep,” aro ambatsirek. As a'ero-a'ero yubu ambarelamsirekag agha winil dalamek nimi sikini yabo anabiag agha wenehirop nang weplamsirekti, “Nimi taneko o'olamsululom,” aro sekililamsirek. Sekililamsirekti kwaneng tero koma molona nu Saelba Uhiropneag mololamdekti, “Nimi wenehirop nang tanekori anag sikne aro wana palilamangpa, andi arukna wamukangne an saeag palilamsiaba yepsululam,” aro molbarelamsirek.
Undo unuarekti, palamdeka Pisidia so'o ina agha mog so'o Pamfilia yarek. Pamfilia yarekti, so'o eneko as Perga wamek nimiag Yesus yubu ambatsirekti, as Atalia mag laut longorop mag abolag yarekti, kabong mag alip toman piroba nhonag wa'albarek. Wa'albarekpa kabong pabirop nang tanekori, “Phoanari ko'oro pabalamlul,” aro kerektoba towalengkaekti, mag alip toman agha as Antiokhia Siria so'oag samoro yarek. Samenag as Antiokhia nimiri sin abenekoag, “Allahri wana a'unag yororo paiamsileba, Yesus yubu ambarelamsururom,” aro pogsiekpa, ambattoba tongkahirekti, “Komopto uitnam,” aro nen sap alnibarekag aneko samoro yarek. Yarekti Yesusag sikne aro seneragtop nimi poloro winip taekpa ambarelamsirekti, “Allahri yeplamsioba, nuri lero ulamobonge pere agha Yahudi sisa kom nimi sembe babe Allahri ina kupsioba, sindi babe Yesusag sikne aro wana palilamang,” aro ambarelamsirek. Ambarelamsirekti wamdekpa, Yesus yubu ka'ero neleplamek nimiap ma'aro wamekti, ik ko'o maiknoro wamek.

Dëgjoj Pogsiog Nang 14