Kosarek 2023 WBT Non-drama NT

Kosarek 2023 WBT Dramatized NT

<div class="version vid3740 iso6393kkl" data-vid="3740" data-iso6393="kkl">
 <div class="book bkACT">
 <div class="chapter ch9" data-usfm="ACT.9">
 <div class="label">9</div><div class="s1">Saulusti Yesusag sikne aro seneraglamogha</div><div class="p"> 1Filipusti Yesus yubu walinge ambare-ambare palamsiog abeneko, nu Saelba Uhiropne Yesusti yubu ka'ero neleplamek nimi sembe Saulus ponekori karongdi, yo senelamog. &#8220;Ya'ag olamsinun,&#8221; aro yo senelamogti, Saulus ponekori memne Allah sembe palirop nang sikini nubungeag piogti, 2&#8220;Na mome toatnemenba, na as Damsyik Yahudi nimiri Allah yubu lero winirop ae sale-sale pailamang nimiag tatsinun. Tatsineri as Damsyik nimi anabiag agha Yesusti pa'abaog Ina nelepto palamang nimi ipsine tanena, haing sae kaupto saelbahineri, as Yerusalem payahinun,&#8221; aro Saulusti molbaog.</div><div class="p"> 3Mome molbaogpa tarogpa, Saulus as Damsyik inaag palamog. As Damsyik peramag palamogpa, imag agha libango aropne haing omomne elag warelobog. 4Warelobogpa so'oag malingkiogti ka'elamogpa, &#8220;Saulus! Saulus! Sa'a sembe na, &#8216;Seklebale,&#8217; aro ulamnelam?&#8221; seog.</div><div class="p"> 5Wene seogpa Saulusti, &#8220;Nai, anna etneri lelamlam?&#8221; seog.</div><div class="p">&#8220;Etne,&#8221; seogpa nen lebog yubu enekori, &#8220;Na Yesus andi, &#8216;Seklebale,&#8217; aro ulamnelamne ponekori lelamna. 6Andi na malia ulamnelam aghana, wenena sekmendi, as Damsyik pululam. Pimendi wapmenba, andi ulamlulamne nimiri ambatkelul,&#8221; seog.</div><div class="p"> 7Wene aro ambarelamogpa, Saulusap nhon palamek nimi taneko el peramag sekamekti, sindi babe yubu ka'ebaek. Yubu ka'ebaek aghana, nimi nong ibek komdi, lo'om paibom seekti, yubu kom taek. 8Yubu kom taekti wamekpa, Saulus poneko pulingkina sekogti, &#8220;Haing kwelekanun,&#8221; aro ulamoghag agha, haing kwelekna eraruk taogti, ya'ag taog. Haing aneko ya'ag ubaogpa, nimiri sae salero as Damsyik pabiek. 9As Damsyik pabiekpa, ik wilindi haing uroba wamogti, kwaneng mag tero koma wamog.</div><div class="p"> 10As Damsyik Yesus yubu ka'ero neleplamogne nhon si Ananias wamog. Wamogti haing uamna kwelekamna senenag agha kemelamogpa, nu Saelba Uhiropne Yesusti, &#8220;Ananias,&#8221; aro yoplamogha ka'ebaogti, &#8220;Nu Saelba Uhiropne, na ane wamna,&#8221; seog.</div><div class="p"> 11-12Ananiasti, &#8220;Na wamna,&#8221; seogpa nu Saelba Uhiropne ponekori, &#8220;Tarsusne nhon si Saulusti haing uamna kwelekamna senenag agha amik uro yabinepne ipla. Iplangena nimi nhon si Ananias Saulus wamlaag wa'ildi, sae nongag palilamlaba, haing ubaonge kwelekal. Haing uamna kwelekamna senenag agha kembaldi, wene nanag mololamnel. Ane sembe, sekmendi ina piroba si nhon, &#8216;Ina Peket,&#8217; arobag pululam. Pimendi Yudasti ae anekoag agha, &#8216;Tarsusne si Saulus engeropne tala wamla?&#8217; aro nimi wamangneag haibahilulam,&#8221; seog.</div><div class="p"> 13Yesusti wene seogpa Ananiasti, &#8220;Nu Saelba Uhiropne, nimi ene sembe nimi maiknori yubu lelamangba ka'elamna. &#8216;An Yesusag sikne aro seneragtop nimi wepsilumne as Yerusalem wamangne Saulusti, &#8220;Seklebaik,&#8221; aro olamsil,&#8217; alamangba ka'elamna. 14Wene ane yingkina wamlangena, &#8216;Nimi an Yesus siag, &#8220;Sikne,&#8221; aro yoplangkeang nimi sae kaupto saelbamsilul,&#8217; aro memnang Allah sembe palirop nang sikini yabori Saulusag yubu pibong. &#8216;El nuri sae wamlari, undo unualul,&#8217; aro yubu pibongba, wene tane yaori wamla,&#8221; aro Ananiasti wene seog.</div><div class="p"> 15Wene seogpa, nu Saelba Uhiropne ponekori, &#8220;Pimenag anekoa el Saulusna, &#8216;Nari yubu nimi tala-tala wamangne ambatsilul,&#8217; aro webamnange wamla. Webamnange ponekona, &#8216;Nimi sisa Yahudi kom nimiap, sin sembe yubu sia lero saelba urop nimi nubunangap, nimi sisa Yahudi nimi Israel nimi babe pileri, na Yesus si nubu nenero sinag ambatsilul,&#8217; aro webamna,&#8221; aro Yesusti wene seog. 16Seogti nen tipto ambarelamogti, &#8220;Nari el ambatnun nena, nari yubu nimiag ambarelamsilenge sembe seklena seklelamlul. &#8216;Na Yesus si nubu talul,&#8217; aro Saulus maiknoro seklelamlulne sembe elag ambatnun,&#8221; seog.</div><div class="p"> 17Wene seogpa, Ananias piogti, ae enekoag wa'al piog. Wa'al piogti, Saulus nongag sae palilamogti, &#8220;Saulus nangkae. Nu Saelba Uhiropne Yesus, an inaag yalamomba, lag taonge ponekori nanag yubu ambatnel. Ambarelamneldi, &#8216;Saulusag pimenba, an sae pere agha Saulusti haing kwelekaleba, Allah Eldamne Yame Walinge el nongag to'opto wa'ileri, mikip nembalul,&#8217; aro anag pognelba yan,&#8221; seog.</div><div class="p"> 18Wene seog abeneko pere haing sikna lilbamlo agha eldi haingag agha seknagha timbaogpa, haing kwelekaog. Haing kwelekaogti, tibanep saog wamogpa, Ananiasti maghag pelengkaog. 19Maghag pelengkaogpa, kwaneng teogti, nong mikip taogpa wamog.</div><div class="s1">Saulusti Yesus sembe as Damsyik nimi ambarelamsiogha</div><div class="p">Saulus poneko mikip taogti, Yesus yubu ka'ero neleplamek nimiap ik etpare Damsyik wamog. 20Wamogti ta'ap sen koma Saulus ponekori Yahudi nimiri Allah yubu lero winirop aeag winil dalamekag wa'ilamogti, &#8220;Yesus poneko Allah Elme wamla,&#8221; aro lag phoro nimi ambarelamsiog. 21Saulusti ambarelamsiogne sembe, &#8220;Map, yaghe! Nimi eneko Saulus kom te? Eldi samenag, &#8216;Yesus siag, &#8220;Sikne,&#8221; aro yoplamang nimi Yerusalem wamangne orog nembahinun,&#8217; aro maiknoro olamsiori, wene babe tane yao. Tane yaongena, &#8216;Yesus siag, &#8220;Sikne,&#8221; aro yoplamang nimi as Damsyik wamangne babe oro saelbahineri, haing sae kaupto memnang Allah sembe palirop nang sikini yaboag pabahinun,&#8217; aro yingkilamla aghari,&#8221; alamek.</div><div class="p"> 22Wene alamek aghana, Allahri Saulus mikip tang-tang nenelamogpa, Yahudi nimi agha Damsyik wamek nimiag Yesus sembe tibin nenero ambarelamsiog. Ambarelamsiogti, &#8220;Yesus poneko Allahri wepto poghol aogne Kristus wamla,&#8221; aro lag nenero ambarelamsiog. &#8220;Yesus Allahri wepto poghol aogne wamla,&#8221; aro lag nenero ambarelamsiogne sembe Yahudi nimi wana enhaun alamsiekpa, nhondi babe tangoro kom senep kom wamog.</div><div class="p"> 23Wene aro ambarelamsiogti, ik maikno wamogpa, Yahudi nimiri, &#8220;Saulus obukap,&#8221; aro yubu nikne saekag lelamek. 24&#8220;Obukap,&#8221; aro yubu nikne saekag lelamekne Saulusti babe ka'ebaog. Yahudi nimiri, &#8220;Saulus obukap,&#8221; aro sinag kweleknag leka as kanero solingkirobag ina siram wa'al pang yang pang uanebag taneko welamek. 25&#8220;Obukap,&#8221; aro welameka sembe ik nhon sum ae inipnag Saulus prii kau saog uro wiroba lomag wa'iog. Lomag wa'iogpa, eldi yubu ka'ero neleptop nimiri kau saog uro wiropne nenekoag agha as kanero leka solingkiropne nenekoag ka'en lom toman Saulus paiag sip pelengkaek. </div><div class="s1">Saulus Damsyika Yerusalem piogha</div><div class="p"> 26Saulus Yerusalem piogti, &#8220;Yesus yubu ka'ero neleplamang nimiap ma'ap taukap,&#8221; sembaog aghana, Yesus yubu ka'ero neleptop nimi tanekori senelamek nena, &#8220;Paulus sik uro Yesusag wana seneraglamla kom. Yesus yubu ka'erop komne wamlari, maneri lelamla,&#8221; aro el sembe log senelamek.</div><div class="p"> 27Wene aro log senelamek aghana, nimi nhon si Barnabasti, &#8220;Saulus yepnun,&#8221; aro Saulus poa Yesusti wepto pogsiog nimi tanekoag payaog. Payaogti ambarelamsiogti, &#8220;Nimi ene, &#8216;Damsyik pinun,&#8217; aro inaag palamoag agha nu Saelba Uhiropne Yesus el whingag lag taori, yubu lebo. Elag yubu leboba, Saulus as Damsyik wamoa Yesus si nubu nenero log kom uro Damsyik nimiag ambarelamsio,&#8221; seog. 28Saulus babe Yesusti wepto pogsiog nimi tanekoap nhon wamek. Wamekti Saulus as Yerusalem nimi wamekne nusamag agha sop-sop pang yang ulamogti, log kom uro nu Saelba Uhiropne Yesus si nubu nenero ambarelamsiog.</div><div class="p"> 29As Yerusalem Yahudi nimi wamek nimina, nenne Yahudi nimiri ul palamekne sunsunum uro saelba ulamekpa, nenne Yahudi nimi agha Yunani nimiri lero ul palamekne sunsunum uro saelba ulamek nimi babe wamek. Yahudi nimi agha Yunani yubu lelamek nimi tanekoap Saulusap Yesus sembe yubu lel dalamek. Yubu lel dalameka sembe Yahudi nimi Yunani yubu lelamek nimi tanekori, &#8220;Saulus obukap,&#8221; senelamek. 30&#8220;Obukap,&#8221; senelameka elkabo Yesusag sikne aro seneragtop nimi el taekti, sindi el poa Kaisarea pabiekti, &#8220;Tarsus pululam,&#8221; aro poghek. 31Poghekti wamekpa, Yesusag sikne aro winil dalamek nimi mog so'o Yudeaap, Samariaap, Galileaap wamek nimi ni wana aingniro wamek. Nu Saelba Uhiropne kipto eldi yubu sunsunum uro ul palamekpa, Allah Eldamne Yame Walingeri sin wana mikip nenelamsiogpa, mikip talamekti, Yesusag sikne aro winil dalamek nimi maikno talamek.</div><div class="s1">Petrusti Eneas wali nembaogti, Tabita kamag nembaogha</div><div class="p"> 32Wamekpa Petrus poneko as kanero wamek as kemero poa palamsiogti, Allahri wepsiog nimi Yesusag sikne aro seneragtop nimi as Lida wamekag piog. 33As Lida aneko palamogpa, nimi nhon si Eneas nong kikiplobogpa, hengkun tai puka tau puka ulamogha hengkun linbare aeag taogti malamog. 34Aeag taogti malamogpa, Petrusti Eneasag yubu lelamogti, &#8220;Eneas, nangkae. Yesus Kristus ponekori wali nemban uaghel. Pukmendi ae kolo togtoae,&#8221; seog.</div><div class="p">Wene seog abeneko pere wali taogti, pukogti sekamog. 35Wali taogpa, nimi as Lida wamek nimiap, as Saron wamek nimiap kembaekti, mali-malia ulamekne libekti, nu Saelba Uhiropne Yesusag sikne aro seneraghek.</div><div class="p"> 36Mog so'o eneag as nhon sina Yope babe wamog. As Yope kelabo nhon sina Tabita Yesus yubu ka'ero neleplamog kel nhon wamog. Kel ene Yahudi yubuag sina Tabita aghana, Yunani yubuag sina Dorkas alamek.#9:36 Yunani yubuag Tabita sina Dorkas, &#8220;Pham rusa,&#8221; aro engerop. Eldi wali-walia nimiag ulamogti, nimi saeagha orogne yeplamsiog. 37Yeplamsiog aghana, naikna naiklamogti tebaog. Tebaogpa nimi teptoba aneko mag a'elero ae tika alikinag ae lomag pail ingkiek. 38Ae tika alikinag ae lomag pail ingkiekti ka'elamekpa, &#8220;As Yope peramag as Lida Petrus poneko yaldi wamla,&#8221; ana ka'ebaek. Ka'ebaekti Yesus yubu ka'ero neleplamek nimi tanekori nimi phende pogsiekpa, Petrus wamoghag yarekti, &#8220;Elem-elem as Yope yalulam,&#8221; aro molbarek. 39Sindi ambattek yubu Petrusti ka'ebaogti, elemag sekom agha nelebahiog. Nelebahiogpa piekti Petrus enero ae tika alikinag ae lomag poa waelbaek. Waelbaekpa yingkina kemelamoghag agha kelabo kaldam kelabo nimi teptoba kanero sekamek. Sekamekti nongag enektop ag Dorkas kamag wamogti, wibatsiog ag toro Petrusag pebarekti engelamek. 40Engelamekpa Petrusti, &#8220;A'un ni lambalulom,&#8221; seogti yabu sanukto pulingkina Allahag molona molbaog. Molbaogti nimi nong teptoba anekoag kembi agha, &#8220;Tabita, puke!&#8221; seogpa haing kwelekaogti, Petrus kembaogti pukog. 41Pukogpa Petrusti kel eneko sae saelbamogti, yepto toro sekirog. Sekirogti Allahri wepsiog nimi Yesusag sikne aro seneragtop nimiap, kaldam kelabo tanekoap yopsiogti, Dorkas kamag taog kel eneko sin saeag tatsiog. 42Sin saeag tatsiogpa, Dorkas kamag taog yubu eneko as Yope sabo taogpa, nimi maikno tanekori nu Saelba Uhiropne Yesusag sikne aro wana palilamek. 43Petrus poneko as Yope wamogti, nimi nhon si Simon pham sapi kon logto mektopne poneap ik etpare undo wamdek.</div>
 </div>
 </div>
</div>

Filipusti Yesus yubu walinge ambare-ambare palamsiog abeneko, nu Saelba Uhiropne Yesusti yubu ka'ero neleplamek nimi sembe Saulus ponekori karongdi, yo senelamog. “Ya'ag olamsinun,” aro yo senelamogti, Saulus ponekori memne Allah sembe palirop nang sikini nubungeag piogti, “Na mome toatnemenba, na as Damsyik Yahudi nimiri Allah yubu lero winirop ae sale-sale pailamang nimiag tatsinun. Tatsineri as Damsyik nimi anabiag agha Yesusti pa'abaog Ina nelepto palamang nimi ipsine tanena, haing sae kaupto saelbahineri, as Yerusalem payahinun,” aro Saulusti molbaog.
Mome molbaogpa tarogpa, Saulus as Damsyik inaag palamog. As Damsyik peramag palamogpa, imag agha libango aropne haing omomne elag warelobog. Warelobogpa so'oag malingkiogti ka'elamogpa, “Saulus! Saulus! Sa'a sembe na, ‘Seklebale,’ aro ulamnelam?” seog.
Wene seogpa Saulusti, “Nai, anna etneri lelamlam?” seog.
“Etne,” seogpa nen lebog yubu enekori, “Na Yesus andi, ‘Seklebale,’ aro ulamnelamne ponekori lelamna. Andi na malia ulamnelam aghana, wenena sekmendi, as Damsyik pululam. Pimendi wapmenba, andi ulamlulamne nimiri ambatkelul,” seog.
Wene aro ambarelamogpa, Saulusap nhon palamek nimi taneko el peramag sekamekti, sindi babe yubu ka'ebaek. Yubu ka'ebaek aghana, nimi nong ibek komdi, lo'om paibom seekti, yubu kom taek. Yubu kom taekti wamekpa, Saulus poneko pulingkina sekogti, “Haing kwelekanun,” aro ulamoghag agha, haing kwelekna eraruk taogti, ya'ag taog. Haing aneko ya'ag ubaogpa, nimiri sae salero as Damsyik pabiek. As Damsyik pabiekpa, ik wilindi haing uroba wamogti, kwaneng mag tero koma wamog.
As Damsyik Yesus yubu ka'ero neleplamogne nhon si Ananias wamog. Wamogti haing uamna kwelekamna senenag agha kemelamogpa, nu Saelba Uhiropne Yesusti, “Ananias,” aro yoplamogha ka'ebaogti, “Nu Saelba Uhiropne, na ane wamna,” seog.
Ananiasti, “Na wamna,” seogpa nu Saelba Uhiropne ponekori, “Tarsusne nhon si Saulusti haing uamna kwelekamna senenag agha amik uro yabinepne ipla. Iplangena nimi nhon si Ananias Saulus wamlaag wa'ildi, sae nongag palilamlaba, haing ubaonge kwelekal. Haing uamna kwelekamna senenag agha kembaldi, wene nanag mololamnel. Ane sembe, sekmendi ina piroba si nhon, ‘Ina Peket,’ arobag pululam. Pimendi Yudasti ae anekoag agha, ‘Tarsusne si Saulus engeropne tala wamla?’ aro nimi wamangneag haibahilulam,” seog.
Yesusti wene seogpa Ananiasti, “Nu Saelba Uhiropne, nimi ene sembe nimi maiknori yubu lelamangba ka'elamna. ‘An Yesusag sikne aro seneragtop nimi wepsilumne as Yerusalem wamangne Saulusti, “Seklebaik,” aro olamsil,’ alamangba ka'elamna. Wene ane yingkina wamlangena, ‘Nimi an Yesus siag, “Sikne,” aro yoplangkeang nimi sae kaupto saelbamsilul,’ aro memnang Allah sembe palirop nang sikini yabori Saulusag yubu pibong. ‘El nuri sae wamlari, undo unualul,’ aro yubu pibongba, wene tane yaori wamla,” aro Ananiasti wene seog.
Wene seogpa, nu Saelba Uhiropne ponekori, “Pimenag anekoa el Saulusna, ‘Nari yubu nimi tala-tala wamangne ambatsilul,’ aro webamnange wamla. Webamnange ponekona, ‘Nimi sisa Yahudi kom nimiap, sin sembe yubu sia lero saelba urop nimi nubunangap, nimi sisa Yahudi nimi Israel nimi babe pileri, na Yesus si nubu nenero sinag ambatsilul,’ aro webamna,” aro Yesusti wene seog. Seogti nen tipto ambarelamogti, “Nari el ambatnun nena, nari yubu nimiag ambarelamsilenge sembe seklena seklelamlul. ‘Na Yesus si nubu talul,’ aro Saulus maiknoro seklelamlulne sembe elag ambatnun,” seog.
Wene seogpa, Ananias piogti, ae enekoag wa'al piog. Wa'al piogti, Saulus nongag sae palilamogti, “Saulus nangkae. Nu Saelba Uhiropne Yesus, an inaag yalamomba, lag taonge ponekori nanag yubu ambatnel. Ambarelamneldi, ‘Saulusag pimenba, an sae pere agha Saulusti haing kwelekaleba, Allah Eldamne Yame Walinge el nongag to'opto wa'ileri, mikip nembalul,’ aro anag pognelba yan,” seog.
Wene seog abeneko pere haing sikna lilbamlo agha eldi haingag agha seknagha timbaogpa, haing kwelekaog. Haing kwelekaogti, tibanep saog wamogpa, Ananiasti maghag pelengkaog. Maghag pelengkaogpa, kwaneng teogti, nong mikip taogpa wamog.

Saulus poneko mikip taogti, Yesus yubu ka'ero neleplamek nimiap ik etpare Damsyik wamog. Wamogti ta'ap sen koma Saulus ponekori Yahudi nimiri Allah yubu lero winirop aeag winil dalamekag wa'ilamogti, “Yesus poneko Allah Elme wamla,” aro lag phoro nimi ambarelamsiog. Saulusti ambarelamsiogne sembe, “Map, yaghe! Nimi eneko Saulus kom te? Eldi samenag, ‘Yesus siag, “Sikne,” aro yoplamang nimi Yerusalem wamangne orog nembahinun,’ aro maiknoro olamsiori, wene babe tane yao. Tane yaongena, ‘Yesus siag, “Sikne,” aro yoplamang nimi as Damsyik wamangne babe oro saelbahineri, haing sae kaupto memnang Allah sembe palirop nang sikini yaboag pabahinun,’ aro yingkilamla aghari,” alamek.
Wene alamek aghana, Allahri Saulus mikip tang-tang nenelamogpa, Yahudi nimi agha Damsyik wamek nimiag Yesus sembe tibin nenero ambarelamsiog. Ambarelamsiogti, “Yesus poneko Allahri wepto poghol aogne Kristus wamla,” aro lag nenero ambarelamsiog. “Yesus Allahri wepto poghol aogne wamla,” aro lag nenero ambarelamsiogne sembe Yahudi nimi wana enhaun alamsiekpa, nhondi babe tangoro kom senep kom wamog.
Wene aro ambarelamsiogti, ik maikno wamogpa, Yahudi nimiri, “Saulus obukap,” aro yubu nikne saekag lelamek. “Obukap,” aro yubu nikne saekag lelamekne Saulusti babe ka'ebaog. Yahudi nimiri, “Saulus obukap,” aro sinag kweleknag leka as kanero solingkirobag ina siram wa'al pang yang pang uanebag taneko welamek. “Obukap,” aro welameka sembe ik nhon sum ae inipnag Saulus prii kau saog uro wiroba lomag wa'iog. Lomag wa'iogpa, eldi yubu ka'ero neleptop nimiri kau saog uro wiropne nenekoag agha as kanero leka solingkiropne nenekoag ka'en lom toman Saulus paiag sip pelengkaek.

Saulus Yerusalem piogti, “Yesus yubu ka'ero neleplamang nimiap ma'ap taukap,” sembaog aghana, Yesus yubu ka'ero neleptop nimi tanekori senelamek nena, “Paulus sik uro Yesusag wana seneraglamla kom. Yesus yubu ka'erop komne wamlari, maneri lelamla,” aro el sembe log senelamek.
Wene aro log senelamek aghana, nimi nhon si Barnabasti, “Saulus yepnun,” aro Saulus poa Yesusti wepto pogsiog nimi tanekoag payaog. Payaogti ambarelamsiogti, “Nimi ene, ‘Damsyik pinun,’ aro inaag palamoag agha nu Saelba Uhiropne Yesus el whingag lag taori, yubu lebo. Elag yubu leboba, Saulus as Damsyik wamoa Yesus si nubu nenero log kom uro Damsyik nimiag ambarelamsio,” seog. Saulus babe Yesusti wepto pogsiog nimi tanekoap nhon wamek. Wamekti Saulus as Yerusalem nimi wamekne nusamag agha sop-sop pang yang ulamogti, log kom uro nu Saelba Uhiropne Yesus si nubu nenero ambarelamsiog.
As Yerusalem Yahudi nimi wamek nimina, nenne Yahudi nimiri ul palamekne sunsunum uro saelba ulamekpa, nenne Yahudi nimi agha Yunani nimiri lero ul palamekne sunsunum uro saelba ulamek nimi babe wamek. Yahudi nimi agha Yunani yubu lelamek nimi tanekoap Saulusap Yesus sembe yubu lel dalamek. Yubu lel dalameka sembe Yahudi nimi Yunani yubu lelamek nimi tanekori, “Saulus obukap,” senelamek. “Obukap,” senelameka elkabo Yesusag sikne aro seneragtop nimi el taekti, sindi el poa Kaisarea pabiekti, “Tarsus pululam,” aro poghek. Poghekti wamekpa, Yesusag sikne aro winil dalamek nimi mog so'o Yudeaap, Samariaap, Galileaap wamek nimi ni wana aingniro wamek. Nu Saelba Uhiropne kipto eldi yubu sunsunum uro ul palamekpa, Allah Eldamne Yame Walingeri sin wana mikip nenelamsiogpa, mikip talamekti, Yesusag sikne aro winil dalamek nimi maikno talamek.

Wamekpa Petrus poneko as kanero wamek as kemero poa palamsiogti, Allahri wepsiog nimi Yesusag sikne aro seneragtop nimi as Lida wamekag piog. As Lida aneko palamogpa, nimi nhon si Eneas nong kikiplobogpa, hengkun tai puka tau puka ulamogha hengkun linbare aeag taogti malamog. Aeag taogti malamogpa, Petrusti Eneasag yubu lelamogti, “Eneas, nangkae. Yesus Kristus ponekori wali nemban uaghel. Pukmendi ae kolo togtoae,” seog.
Wene seog abeneko pere wali taogti, pukogti sekamog. Wali taogpa, nimi as Lida wamek nimiap, as Saron wamek nimiap kembaekti, mali-malia ulamekne libekti, nu Saelba Uhiropne Yesusag sikne aro seneraghek.
Mog so'o eneag as nhon sina Yope babe wamog. As Yope kelabo nhon sina Tabita Yesus yubu ka'ero neleplamog kel nhon wamog. Kel ene Yahudi yubuag sina Tabita aghana, Yunani yubuag sina Dorkas alamek. Eldi wali-walia nimiag ulamogti, nimi saeagha orogne yeplamsiog. Yeplamsiog aghana, naikna naiklamogti tebaog. Tebaogpa nimi teptoba aneko mag a'elero ae tika alikinag ae lomag pail ingkiek. Ae tika alikinag ae lomag pail ingkiekti ka'elamekpa, “As Yope peramag as Lida Petrus poneko yaldi wamla,” ana ka'ebaek. Ka'ebaekti Yesus yubu ka'ero neleplamek nimi tanekori nimi phende pogsiekpa, Petrus wamoghag yarekti, “Elem-elem as Yope yalulam,” aro molbarek. Sindi ambattek yubu Petrusti ka'ebaogti, elemag sekom agha nelebahiog. Nelebahiogpa piekti Petrus enero ae tika alikinag ae lomag poa waelbaek. Waelbaekpa yingkina kemelamoghag agha kelabo kaldam kelabo nimi teptoba kanero sekamek. Sekamekti nongag enektop ag Dorkas kamag wamogti, wibatsiog ag toro Petrusag pebarekti engelamek. Engelamekpa Petrusti, “A'un ni lambalulom,” seogti yabu sanukto pulingkina Allahag molona molbaog. Molbaogti nimi nong teptoba anekoag kembi agha, “Tabita, puke!” seogpa haing kwelekaogti, Petrus kembaogti pukog. Pukogpa Petrusti kel eneko sae saelbamogti, yepto toro sekirog. Sekirogti Allahri wepsiog nimi Yesusag sikne aro seneragtop nimiap, kaldam kelabo tanekoap yopsiogti, Dorkas kamag taog kel eneko sin saeag tatsiog. Sin saeag tatsiogpa, Dorkas kamag taog yubu eneko as Yope sabo taogpa, nimi maikno tanekori nu Saelba Uhiropne Yesusag sikne aro wana palilamek. Petrus poneko as Yope wamogti, nimi nhon si Simon pham sapi kon logto mektopne poneap ik etpare undo wamdek.

Dëgjoj Pogsiog Nang 9