1စီၤသီးဖံၤလူသးဘိဧၢ, ဘၠီၣ်အါဒံအါဂၤ ဂုာ်ကျဲးစၢၤပၤစၢၤဝဲ အဂ့ၤကတၢၢ်လိ အကကွ့းဖျါထီၣ်ဂ့ၤတၢ်ဂ့ၢ်လိအမၤပၤစၢၤအသးလိ ပကဆူပကတ့ၤ တလိၣ်နဲၢ်လိ. 2စီၤသီးဖံၤလူသးဘိဧၢ, ဘၠီၣ်အါဒံအါဂၤ ဂုာ်ကျဲးစၢၤပၤစၢၤဝဲ အဂ့ၤကတၢၢ်လိ အကကွ့းဖျါထီၣ်ဂ့ၤတၢ်ဂ့ၢ်လိအမၤပၤစၢၤအသးလိ ပကဆူပကတ့ၤ တလိၣ်နဲၢ်လိ. 3ဘျီးလိ တၢ်နံၤအဃိ တၢ်ဒွိၣ်ဧၢ, ဒ်ယချုသံညါနၢ်ပၢၢ်ပၤစၢၤလ့ဝဲဘၣ်ဃးတၢ်ဂ့ၢ်တလိၣ်အံၤခဲလုၤခဲဆ့စးထီၣ်လိ အခီၣ်ထံအသိး, ယဆိကမိၣ်ယမဲၢ်ကွ့းလီၤတၢ်ဂ့ၢ်တမံၤအံၤလိ အဂ့ၢ်အဝီ ဒ်သိး နကဖးဘၣ်ဝဲအဂီၢ်ဘျီး, ကမဲၢ် တၢ်လိ အဂ့ၤလိ. 4ယမၤတၢ်အဝဲအံၤနဲၢ် မဲၢ်ဒ်သိး နကသံညါဘၣ်တၢ်မူၤတၢ်နီၢ်ခဲလုၤခဲဆ့ ဘၣ်ဃးလါ ကယဲၢ်တၢ်နံၤတလိၣ်လိနဘၣ်တၢ်သိၣ်လိပၤစၢၤနၤနဲၢ်လိ. 5ဖဲဆၢကတီၢ် လိ စီၤဟ့ၤရိာ် ကဲၣ်ကီၢ်ယူဒၤ အစီၤပၤနဲၣ်, ဘၠီၣ်လုၢ်တၢ်အခိၣ်လိ အမံၤမဲၢ်စီၤစဃၤရံ အိၣ်ဝဲဒၣ်တဂၤဘျီး အဝဲဒၣ် ဘၣ်ထွဲလိ စီၤအဘံယၤ တစိၤ ဘၠီၣ်လုၢ်တၢ် အခွိၣ် အကရူၢ်လိ. အဝဲဒၣ်အမါအမံၤမဲၢ် နီၢ်အ့းလံၤစါဘ့း ဘျီး ဘၣ်ထွဲနဲၢ်နဲၢ်လိ ဘၠီၣ်လုၢ်တၢ်အဒွိၣ် အဒူၣ်ဖွိထၢဖွိ နဲၢ်လိ. 6အဝဲဝီၤ ခံဂၤ လူၤအိၣ်မူတၢ်အိၣ်မူလိ အဂ့ၤအဝၣ်လိ ယွၤအမံၤညါဘျီး စူၤကစၢ်ယွၤအတၢ်သိၣ်တၢ်သီ ဘျီး အတၢ်မၤလိတလိၣ် လိလိပှဲၤပှဲၤလိ. 7အဝဲဝီၤ အဖွိတအိၣ်နီတဂၤဘၣ်. အဂ့ၢ်မဲၢ်လိ နီၢ်အ့းလံၤစါဘ့း မဲၢ်ဘၠီၣ်တူၤဖွိဘျီး အဝဲဒၣ် စီၤစဃၤရံခံဂၤလူၤအသးပှၢ်ထီၣ်ဖးဒွိၣ်လ့အဃိနဲၢ်လိ. 8ဘၣ်မုၢ်တနံၤနဲၢ် စီၤစဃၤရံမၤအတၢ်မၤဒ်ဘၠီၣ်လုၢ်တၢ်အခွိၣ်တဂၤအသိးလိ တၢ်လုၢ်ဟံၣ်အပူၤ, အဂ့ၢ်မဲၢ်လိ အတုၤဝီၤအဝဲဒၣ် အတီၤလိ အကဟံးနဲၢ်မူဒါဖဲတနံၤဘၣ်တနံၤ အတၢ်ဘူၣ်တၢ်ဘါ အကတီၢ်အဃိနဲၢ်လိ. 9ဒ်ဘၠီၣ်လုၢ်တၢ်အခွိၣ်တလိၣ်အလုၢ်အလၢ် အိၣ်ဝဲအသိးနဲၢ်, အဝဲဒၣ် ဘၣ်တၢ်ဃုထၢထီၣ်အီၤခီဖျိတၢ်ဖီၣ်တၢ်ဖး လိ အကဆိကဲၤတၢ်နၢမူလိတၢ်လုၢ်လီၢ်အဖီခွိၣ်လိ. လိတၢ်နံၤအဃိ အဝဲဒၣ် လဲၤနုၤလိ ကစၢ်ယွၤအတၢ်လုၢ်ဟံၣ်ပူၤ. 10ဘျီးဘၠီၣ်ထီဖူၣ် ထီခၠၢ အိၣ်လိတၢ်ချၢတလိၣ်ဘါထုကဖၣ်တၢ်ဖဲနၤရံၣ်အကတီၢ်လိတၢ်နၢမူဘၣ်တၢ်ဆိကဲၤအီၤလိ. 11ကစၢ်ယွၤအကလူးတဂၤလီၤဖျါထီၣ်အသးလိ အီၤဘျီး အိၣ်ဆ့ထၢၣ်ဝဲဒၣ်ဖဲ တၢ်လုၢ်လီၢ်, လိတၢ်နၢမူဘၣ်တၢ်ဆိၣ်ကဲၤအီၤလိ အဖီခွိၣ်နဲၢ် အစုၣ်ထွဲတကပၤလိ. 12ဖဲစီၤစဃၤရံ ထ့ၣ်အီၤနဲၢ်, အဝဲဒၣ် ဖူးသ့းပျီၢ်သ့းဘျီး သးပလံၤတၢ်လိ. 13လၢၤဘျီး ကလူးနဲၢ် စံးဘၣ်အီၤ, ‘ပျံၤတၢ်တဂ့ၤ စီၤစဃၤရံဧၢ, ကစၢ်ယွၤနၢ်ဟူလ့ နတၢ်ထုကဖၣ်လ့. ဘျီး နမါနီၤအ့းလံၤစါဘ့းကအိၣ်ဖျဲၣ်နဲၢ်နၤလိ နဖွိခွါတဂၤလိ. နကဘၣ်ကိးနဲၢ် အမံၤလိ စီၤယိၤဟၣ်လိ. 14ဖဲအဝဲဒၣ် အိၣ်ဖျဲၣ်ထီၣ်နဲၢ်, နကသူၣ်ဖှ့သးညီသူၣ်ခုသးခုဝဲဒၣ်အဒွိၣ်အအါလါ ဘၠီၣ်အဂၤအိၣ်နီလိၣ်နဲၢ်ကသးခုဝဲနဲၢ်လိ. 15အဝဲဒၣ် ကမဲၢ် ဘၠီၣ်ဒွိၣ်နီ တဂၤလိ ကစၢ်အမံၤညါလိ. စပံးထံမဲၢ်ဂ့ၤ, တၢ်လိ အကမၤမူၤမၤဘွိဘၠီၣ်မဲၢ်ဂ့ၤ, အဝဲတဘၣ်အိဝဲ နီတမံၤဘၣ်. အဝဲဒၣ် ကလိပှဲၤလါ သးစီဆှံ ဖဲ အအိၣ်ဒံးလိ အမိၢ် အဟူဖၢ ပူၤလ့ၤလ့ၤ. 16ဘျီးအဝဲကဆှၢဂ့ၤ အံၣ်စရ့လး အဘၠီၣ်ထီဖူၣ်ထီခၠၢ လိ အဝဲဝီၤအယွၤ, ကစၢ်ယွၤ အအိၣ်လိ. 17အဝဲဒၣ် ကလဲၤလိကစၢ်အမံၤညါအိၣ်လါ သးအဂံၢ်အဘါဘျီး တၢ်စိတၢ်ကမီၤဒ်ဝံအ့ၤလံယၤအသိးနဲၢ်လိ. အဝဲဒၣ် ကဘိဂၤဂ့ၤ ပၢ်တလိၣ်အသးလိဖွိတလိၣ်အအိၣ်, အဝဲဒၣ်ကဃၣ်ခွိၣ်ခံဂ့ၤဘၠီၣ်တကနၢ်တၢ်တလိၣ် လိဘၠီၣ်မူၤဘၠီၣ်နီၢ်အတၢ်ဆိကမိၣ်အကျဲၣ်, အဝဲဒၣ်ကတဲၤကတီၤကစၢ်ယွၤအဘၠီၣ်ထီဖူၣ်ထီခၠၢတလိၣ်လိ ယွၤအဂီၢ်လိ. 18စီၤစသၤရံစံးဘၣ် ကလူးအဝဲနံၤ, ‘တၢ်အဝဲအံၤမဲၢ်,တမဲၢ်လဲၣ်နဲၢ်, ယကသံညါဝဲလိ ကျဲၣ်ဒ်လဲၣ်. ယမဲၢ်ဘၠီၣ်လိအသးပှၢ်ထီၣ်လ့တဂၤဘျီး ယမါနဲၢ်နဲၢ်အသးပှၢ်လ့နဲၢ်လိ.’ 19‘ယဲဒၣ်အံၤယမဲၢ်ကၤဘြံအ့လးလိ.’ ကလူးစံးဆၢအီၤ, ‘ယဆ့ထၢၣ်လိ ယွၤအမံၤညါဘျီး အဝဲဒၣ် ဆှၢလီၤယၤဒ်သိး ယကကတိၤတၢ်လါနၤဘျီး စံးဘၣ်နၤလိ တၢ်သးခုကစီၣ်တမံၤအံၤနဲၢ်လိ. 20လၢၤဘျီး ယတၢ်ကစီၣ်လိ အကဟဲလိထီၣ်ပှဲၤထီၣ်ဖဲဆၢကတီၢ်တုၤဝီၤအံၤနဲၢ် နတစူၤတနၤနဲဒၣ်ဘၣ်. မဲၢ်လိ နတစူၤတနၤတၢ်အဃိ,နကအိၣ်တအုၣ်ဘျီး အိၣ်ဘှ့ၣ်အိၣ်ဘှီၣ်တုၤဝီၤမုၢ်တနံၤဖဲယတၢ်အၢၣ်လီၤအီလီၤတၢ်လါနၤ ဟဲလိထီၣ်ပှဲၤထီၣ်ဝဲနဲၢ်လိ.’ 21ဖဲအဆၢကတီၢ်ဝဲနဲၢ်ဘၠီၣ်ထီဖူၣ်ထီခၠၢတလိၣ် အိၣ်ခိးစီၤစဃၤရံလိ တၢ်ချၢဘျီး ကမၢကမၣ်ဝဲလိ အဝဲဒၣ် အိၣ်လိတၢ်လုၢ်ဟံၣ်အပူၤယံၤပၤစၢၤအဃိနဲၢ်လိ. 22ဖဲအဝဲဒၣ် ဟဲက့ၤထီၣ်လိခိနဲၢ်, ကတိၤတၢ်လါ အဝဲဝီၤတသ့းဘၣ်အဃိ ဘျီး အဝဲဝီၤ သံညါလိ အဝဲဒၣ် ထ့ၣ်ဘၣ်ပၤစၢၤတၢ်ထ့ၣ်လိညါခိလိ တၢ်လုၢ်ဟံၣ်အပူၤနဲၢ်လိ. မဲၢ်လိအဝဲဒၣ် ကတိၤတၢ်လိ အထးခွိၣ်တသ့းဝဲနီတဘီၣ်အဃိ ကတိၤတၢ်ဘျီး အဝဲဝီၤ ခီဖျိအဒွိးနဲၢ်မၤဟူးမၤဂဲၤအစဒ့နဲၢ်လိ. 23ဖဲအဝဲဒၣ် ဟဲက့ၤထီၣ်လိခိနဲၢ်, ကတိၤတၢ်လါ အဝဲဝီၤတသ့းဘၣ်အဃိ ဘျီး အဝဲဝီၤ သံညါလိ အဝဲဒၣ် ထ့ၣ်ဘၣ်ပၤစၢၤတၢ်ထ့ၣ်လိညါခိလိ တၢ်လုၢ်ဟံၣ်အပူၤနဲၢ်လိ. မဲၢ်လိအဝဲဒၣ် ကတိၤတၢ်လိ အထးခွိၣ်တသ့းဝဲနီတဘီၣ်အဃိ ကတိၤတၢ်ဘျီး အဝဲဝီၤ ခီဖျိအဒွိးနဲၢ်မၤဟူးမၤဂဲၤအစဒ့နဲၢ်လိ. 24တၢ်မၤအသးဝံၤ အလီၢ်ခံပံတံဖွိနဲၢ်, အဝဲဒၣ်အမါနီၢ်အ့းလံၤစါဘ့း အိၣ်ထီၣ်လါ အဟူးဖၢ ကါဘျီးပၤကိးသုၣ်အသးလိ ဟံၣ်ပူၤလိယဲၢ်လါအတီၢ်ပူၤလိ. 25‘ခဲနဲအံၤ ကစၢ်ယွၤမၤစၢၤလ့ယၤလ့, ’ အဝဲဒၣ်စံးဝဲ, ‘အဝဲဒၣ်စိၤကွံၤတၢ်လိ အမၤမံၤဆှးယၤလိ ဘၠီၣ်ထီဖူၣ်ထီခၠၢ အမံၤညါတမံၤနဲၢ်လ့.’ 26ဖဲနီၢ်အ့းလံၤစါဘ့း အိၣ်လါ အဟူးဖၢကါပှဲၤထီၣ်ဃုလါတလါနဲၢ်, ယွၤဆှၢလီၤကလူးကၤဘြံၤအ့လး လိ ဝ့ၢ်တဖျၢၣ်လိ အမံၤမဲၢ်နစၤရ့း အိၣ်ဝဲဖဲ ကီၢ်ကၤလံၤလါနဲၢ်လိ. 27အဝဲဒၣ် အိၣ်လါ တၢ်ကစီၣ်တမံၤလိ ဘၠီၣ်မုၣ်ကနီၤတဂၤလိ အဘၣ်တၢ်အၢၣ်လီၤပၤအီၤလိ အကကဲၣ်ထီၣ်ဘၠီၣ်တဂၤလိ အမံၤမဲၢ် စီၤယိၤသးအမါ အဂီၢ်နဲၢ်လိ. စီၤယိၤသးမဲၢ်ဝဲဘၠီၣ်ဟဲလီၤစၢၤလီၤသွဲၣ်လိ စီၤပၤဒၤဝံး အဒူၣ်ဖွိထၢဖွိ လါ မုၣ်ကနီၤအမံၤ မဲၢ်နီၢ်မၤရံလိ. 28ကလူးဟဲလိ အဝဲဒၣ်အအိၣ်ဘျီး စံးဘၣ်အီၤ, ‘မ်တၢ်ဃူတၢ်ဖိး အိၣ်လါနၤတကဲၢ်. ကစၢ်အိၣ်လါနၤဘျီး ဆိၣ်ဂ့ၤပၤစၢၤလ့နၤအဒွိၣ်အမုၢ်လ့.’ 29နီၢ်မၤရံ အသးဘၣ်တံၤတၤဝဲဒွိၣ်နီလိ ကလူးအတၢ်ကစီၣ်တမံၤနဲၣ်အဃိဘျီး ဆိကမိၣ်ဝဲ ကလူးအတၢ်ကတိၤတလိၣ်နဲၢ်, မဲၢ်တၢ်မနီၢ်လဲၣ်အဂ့ၢ်နဲၢ်လိ. 30ကလူးနဲၢ်စံးဘၣ်အီၤ, ‘တဘၣ်ပျံတၢ်တဂ့ၤ နီၢ်မၤရံဧၢ, ယွၤမၤဘျုးမၤဖှိၣ်လ့နၤလ့. 31နဟူဖၢကကါထီၣ်ဘျီး အိၣ်ဖျဲၣ်ထီၣ်နဲၢ်နဖွိခွါ တဂၤဘျီး နဘၣ်ကိး အမံၤလိ ယ့ၣ်ရှူးလိ. 32အဝဲဒၣ်ကမဲၢ်ဘၠီၣ်အဒွိၣ်ကစၢ်ယွၤတဂၤဘျီး ကဘၣ်တၢ်ကိးအီၤလိ ယွၤလိ အမဲၢ်တၢ်ထီကတၢၢ်တဂၤအဖွိခွါလိ. ယွၤကစၢ်ယွၤကဒွိးကဲၣ်အီၤလိ စီၤပၤဒ်ဘၠီၣ်လိ အဝဲဒၣ်ဟဲလီၤစၢၤဝဲလိအီၤ, စီၤဒၤဝံးတဂၤအသိး 33ဘျီး အဝဲဒၣ် ကကဲၣ်ထီၣ် စီၤယၤကိာ် အစၢၤအသွဲၣ်တလိၣ် အစီၤပၤလီၤထူလီၤယိၤဘျီး အဘီအမုၢ်တကတၢၢ်ဝဲနီတဘျီဘၣ်လိ.’ 34နီၢ်မၤရံစံးဘၣ်ကလူးဘျီးစံးဝဲ, ‘ယမဲၢ်ဒၣ် မုၣ်ကနီၤတဂၤလိ. လိတၢ်နံၤအဃိ, တၢ်တမံၤအံၤမၤအသးကသ့းဝဲလိ ကျဲၣ်ဒ်လဲၣ်ခိ.’ 35ကလူးစံးဆၢတၢ်ဘျီး စံးဝဲ, ‘သးစီဆှံကဟဲလီၤလိ နလိၤဘျီး ကစၢ်ယွၤအစိကမီၤ အကဒုၣ်ကလီၤဘၣ်နၤလိ. လိတၢ်ဂ့ၢ်တမံၤအံၤအဃိ, ဖွိသၣ်စီဆှံတဂၤနဲၢ် ကဘၣ်တၢ်ကိးအီၤလိ ကစၢ်ယွၤအဖွိခွါနဲၢ်လိ.’ 36သ့းနီၣ်ထီၣ် နဘူးနတံၢ်နီၤအ့းလံၤစါဘ့း တကဲၢ်. တၢ်စံးပၤစၢၤဝဲလိ အဝဲဒၣ်အဖွိအိၣ်တသ့းဘၣ်. လၢၤဘျီး ခဲနဲအံၤအဝဲအသးပှၢ်ဒွိၣ်နီလၢၤအနီၢ်ကစၢ်ဒၣ်ဝဲ အိၣ်လါအဟူးဖၢကါနဲၢ်အိၣ်လ့ဃုလါလ့. 37အဂ့ၢ်မဲၢ်ဒ့းအ့ၤ, တၢ်လိ ကစၢ်ယွၤမၤတသ့းနဲၢ် တအိၣ်နီတမံၤဘၣ်.’ 38‘ယမဲၢ်ယဲကစၢ်အခ့အပှၤတဂၤလိ. ‘နီၢ်မၤရံစံးဝဲ, ‘မ်တၢ်ကမၤအသးဒ်နစံးပၤစၢၤလ့နဲၢ်အသိးတကဲၢ်.’ ဘျီး ကလူးနဲၢ်ဟးထီၣ်ကွံၤလိအကပၤလိ. 39တၢ်နံၤဝံၤ အလီၢ်ခံတယံၤဘၣ်နဲၢ်, နီၢ်မၤရံအိၣ်ကတဲၤကတီၤထီၣ်အသးဘျီး လဲၤဝဲ ချ့ချ့လိ ဝ့ၢ်တဖျၢၣ်အိၣ်လိ ကီၢ်ယူဒၤ အတၢ်လူၢ်တၢ်တြီၤအကျၣ်နဲၢ်လိ. 40အဝဲဒၣ် လဲၤနုလိ စီၤစဃၤရံ အဟံၣ်ပူၤဘျီး ဆၢဂ့ၤဆၢဝါ နီၢ်အ့းလံၤစါဘ့းလိ. 41ဖဲနီၢ်အ့းလံၤစါဘ့း နၢ်ဟူဘၣ်နီၢ်မၤရံအတၢ်ကတိၤဆၢဂ့ၤဆၢဝၣ်နဲ, ဘၠီၣ်ဖွိသၣ်ဟူးဂဲၤဝဲလိ အဟူဖၢပူၤလိ. နီၢ်အ့းလံၤစါဘ့းလိထီၣ်ပှဲၤထီၣ်ဝဲလါသးစီဆှံ. 42ဘျီးကတိၤထီၣ်တၢ်လိ အကလုၢ်ဖးဒွိၣ် ဘျီးစံးဝဲ, ‘ လိဘၠီၣ်မ့ၣ်ပှၢ်တလိၣ်နဲၢ်, နမဲာ်ဘၠီၣ်ဘၣ်ဆိၣ်ဂ့ၤကတၢၢ်ဘျီးဖွိသၣ်လိနကဝ့းထီၣ်အီၤတဂၤနဲၢ်ဘၣ်ဆိၣ်ဂ့ၤဝဲဒၣ်လိ. 43တၢ်အဒွိၣ်အမုၢ်တမံၤလိ အမဲၢ်ဝဲ ယကစၢ် အမွိၢ် အတၢ်ဟဲအိၣ်ပကိးယၤအံၤ, မၤအသးလါယၤလိ တၢ်ဂ့ၢ်မနီၢ်တမံၤအဃိလဲၣ်. 44တၢ်ဂ့ၢ်မဲၢ်ဒ့းအ့ၤ, တစုၣ်ဃီ ဖဲယနၢ်ဟူဘၣ် နတၢ်ကတိၤ ဆၢဂ့ၤဆၢဝၣ်နဲၢ်, ဖွိသၣ်အိၣ်လိ ယဟူဖၢပူၤတဂၤ ဟူးဂဲၤထီၣ်ဝဲလိ တၢ်သးခုအပူၤလိ. 45မဲၢ်လိနနၤလိ ကစၢ်အတၢ်ကစီၣ်ကဟဲလိထီၣ်ပှဲၤထီၣ်လိ နဂီၢ်အဃိ, နဘၣ်ဆိၣ်ဂ့ၤနဲလိ. 46နီၢ်မၤရံစံးဝဲဒၣ်,

‘ယသးအံၤစံးထီၣ်ပတြၢၤကစၢ်လိ 47ယသူၣ်ခုသးခုယဲလိ ကစၢ်ယွၤ,

ယတၢ်အုၣ်က့ၤခီၣ်က့ၤကစၢ်တဂၤအဃိလိ. 48အဂ့ၢ်ဒ့းအ့ၤ အဝဲသ့းနီၣ်ထီၣ်ယၤ,

ဘၠီၣ်လိ အမဲၢ် အဝဲဒၣ် အခ့အပှၤအဆံးတဂၤလိ.

စးထီၣ်ခဲနဲအံၤ ဘျီးဆူညါနဲၢ် ဘၠီၣ်ကိးကလုာ်ဒ့း

ကကိးယၤလိ ဘၠီၣ်ဘၣ်ဆိၣ်ဂ့ၤတဂၤ, 49အဂ့ၢ်မဲၢ်လိ တၢ်အဒွိၣ်အမုၣ်တလိၣ်လိယွၤ,

တၢ်စိဒိၣ်ကမီၤထီတဂၤမၤပၤစၢၤဝဲလိ ယဂီၢ်အဃိလိ.

အဝဲဒၣ်အမံၤစီဝဲဆှံဝဲလိ. 50အဝဲဒၣ် ဒွိးနဲၣ်တၢ်သးကညီၤလိ

ဘၠီၣ်မၤလၤကပီၤအီၤတလိၣ်အဖီခွိၣ်

လိ ဘၠီၣ်တစိၤဘၣ်တစိၤနဲၢ်လိ. 51အဝဲဒၣ် ယူာ်ထီၣ်အစဒ့လိ အဂံၢ်ဆူၣ်ဘါဆူၣ်

ဘျီး မၤလီၤပြံလီၤပြါ ဘၠီၣ်မၤထီၣ်ထီ အသးလိ.

ကယဲၢ်အတၢ်ကူၣ်ထီၣ်ဖးလီၤအပူၤတလိၣ်လိ. 52အဝဲဒၣ် ပၤလီၤကွံၢ်စီၤပၤလိ အစိဒိၣ်ကမီၤထီတလိၣ်လိ အလီၢ်ပစိၤအလိၤ

ဘျီးယူာ်ထီၣ်ထီ ဘၠီၣ်အိၣ်လိတၢ်လီၢ်

အတီၤဖုၣ်တလိၣ်လိ. 53ဘၠီၣ်လိတၢ်သၣ်ဝံၤအသးတလိၣ်နဲၢ်

ဒွိးအီၣ်ဒွိးအိဝဲလိ တၢ်အဝံၣ်အဆၢ

ဘျီး ဘၠီၣ်အထူးအတီၤတလိၣ်နဲၢ်

ဒွိးက့ၤကီၢ်ဖ့ဝဲလိ. 54အဝဲဒၣ် သ့းနီၣ်ထီၣ် တၢ်အၢၣ်လီၤအီလီၤလိ အမၤပၤစၢၤဝဲဘျီး မိၢ်ပၢ်ဖံဖုလိ ပျၢၤတလိၣ်

ဘျီး ဟဲဝဲဒ်သိး အကမၤစၢၤ အခ့အပှၤ အံၣ်စရ့လးနဲၢ်လိ. 55အဝဲဒၣ်သ့းနီၣ်ထီၣ်လိ အသးဘၣ်ဃဲၤ စီၤအၤဘြၤဟၣ်ဘျီး အစၢၤအသွဲၣ်တလိၣ်

ကိးဂၤဒ့းလီၤစိၤလီၤထီလိ.’ 56နီၢ်မၤရံအိၣ်လါ နီၢ်အ့းလံၤစါဘ့း ကဘၣ်သၢလါဘျီး အနံၤဝံၤအလီၢ်ခံက့ၤခွိၣ်ခံဂ့ၤဝဲလိ အဟံၣ်လိ. 57တၢ်ဆၢကတီၢ်တုၤဃီၤဝဲလိ နီၢ်အ့းလံၤစါဘ့းအဖွိကအိၣ်ဖျဲၣ်ထီၣ်ဘျီး အဝဲဒၣ်ဆံးစၢ်နဲၢ်ဖွိခွါတဂၤလိ. 58ဘၠီၣ်အိၣ်လိ အဝဲဒၣ်အကပိၤကပၤဘျီး အဝဲဒၣ်အဘူးအတံၢ်တလိၣ်နၢ်ဟူဘၣ်ဝဲလိ ကစၢ်ယွၤဂ့ၤနီၢ်လိ အဝဲဒၣ်အဖီခိၣ်လီၤလိၢ်လီၤလးနီ ဘျီးအဝဲဝီၤ ကိးဒံကိးဂၤဒ့းသးခုပကိးအီၤလိ. 59ဘျီး ဃိးသီတသီနဲၢ် အဝဲဝီၤ ဟဲဒ်သိးအကကူးတရံးဖွိသၣ်ဘျီး သါကယုၢ်နဲၢ်အမံၤလိ စီၤစဃၤရံ ဒ် အပၢ်အမံၤအသိးလိ. 60လၢၤဘျီး အမွိၢ်စံးဝဲ, ‘တမဲၢ်ဘၣ်. အဝဲဒၣ်အမံၤကဘၣ်မဲၢ်စီၤယိၤဟၣ်လိ.’ 61အဝဲဝီၤ စံးဘၣ်ဝဲ, ‘သုဘူးသုတံၢ်လိ အမံၤဒ်န့ၤ တအိၣ်နီတဂၤဘၣ်.’ 62တုၤနုၤတဘျီအဝဲဝီၤ သ့းကွၢ်အပၢ်ခီဖျိ အဒွိးနဲၣ်တၢ်ပနီၣ်လိ အအိၣ်လိ အဝဲသးအိၣ်ယုၢ်အဖွိခွါ အမံၤဒ်လဲၣ်နဲၢ်လိ. 63ဖဲနံၤစီၤစဃၤရံဃ့တၢ် အဘ့ၣ်ဘၣ်လိ ပှၤကွ့းတၢ်အဂီၢ်တဘ့ၣ်ဘျီး ကွ့းလီၤဝဲ, ‘အဝဲဒၣ် အမံၤမဲၢ် စီၤယိၤဟၣ်လိ.’ အဝဲဝီၤ ကမၢကမၣ်နီၢ်ဝဲကိးဂၤဒ့းလိ. 64တဘျီဃီဖဲနံၤ စီၤစဃၤရံကတိၤတၢ်သ့းထီၣ်ဂ့ၤဘျီး အဝဲဒၣ်စံးထီၣ်ပတြၢၤကစၢ်ယွၤလိ. 65ကယဲၢ်ဘၠီၣ်အိၣ်ဆိးလိ အကပိၤကပၤတလိၣ် သးပလံၤတၢ်ဖးဒွိၣ်လိတၢ်ကစီၣ်ဘၣ်ဃး တၢ်နံၤတလိၣ်အံၤ အဂ့ၢ်ဟူထီသါလီၤဝဲ တုၤနီၢ်လိကီၢ်ယူဒၤ အတၢ်လူၢ်တၢ်တြီၤတၢ်လီၢ်တၢ်ကျဲၣ်တလိၣ်လိ. 66ကယဲၢ် ဘၠီၣ်လိ အနၢ်ဟူဘၣ်တၢ်ဂ့ၢ်တမံၤအံၤနဲၣ်, ဆိကမိၣ်ဝဲလိ အဂ့ၢ် ဘျီးသ့းကွၢ်ဝဲ,

‘ဖွိသၣ်တဂၤအံၤ ကကဲၣ်ထီၣ်တၢ်မနီၢ်လဲၣ်.’ အဂ့ၢ်ဒ့းအ့ၤ အိၣ်ဖျါဝဲဒၣ်ဆှ့းပလ့ၤလိ ကစၢ်အစိကမီၤအိၣ်လိ အဝဲဒၣ်အလိၤနဲၢ်လိ. 67စီၤယိၤဟၣ် အပၢ်စီၤစဃၤရံလိထီၣ်ပှဲၤထီၣ်လိ သးစီဆှံဘျီး အဝဲဒၣ်ကတိၤထီၣ်ကစၢ်ယွၤအတၢ်ကစီၣ်လိ. 68မ်ပကစံးထီၣ်ပတြၢၤပကိးကစၢ်,

အံၣ်စရ့လးအကစၢ်ယွၤနဲၢ်တကဲၢ်.အဝဲဒၣ်ဟဲဒ်သိး အကမၤစၢၤအပှၤထီဖူၣ်ထီခၠၢဘျီး ပူၤဖျဲးထီၣ်ကွံၤအဝဲဝီၤလိ. 69‘အဝဲဒၣ် ဒုးအိၣ်ထီၣ်တၢ်အုၣ်က့ၤခီၣ်က့ၤကစၢ်

အဂံၢ်ဆူၣ်ဘါဆူၣ်တဂၤလိ ပဂီၢ်, လိအမဲၢ်အခ့အပှၤစီၤဒၤဝံးအစၢၤအသွဲၣ်တဂၤလိ. 70လိအပူၤကွံာ် ဖးယံၤနဲၢ်,

အဝဲဒၣ် အၢၣ်လီၤအီလီၤဝဲခီဖျိ အဝံစီဆှံတလိၣ် 71လိအဝဲကအုၣ်က့ၤခီၣ်က့ၤဘၠီၣ်လိ ပဒုၣ်ပဒါတလိၣ်အစုၣ်ပူၤ,

ဘျီးကယဲၢ်ဘၠီၣ်လိ အသးဟ့ဘၠီၣ်တလိၣ် အတၢ်စိတၢ်ကမီၤအပူၤလိ. 72အဝဲဒၣ် စံးဝဲလိ အကဒုးနဲၣ် တၢ်သးကညီၤလိ မိၢ်ပၢ်ဖံဖု လိပျၢၤတလိၣ်

ဘျီး သ့းနီၣ်ထီၣ် အတၢ်အၢၣ်လီၤစီဆှံနဲၢ်လိ. 73အဝဲဒၣ် အိၣ်လါတၢ်ဆီၣ်လီၤအသးသညူးသပှၢ်ဘျီး 74ပပၢ်ဖးဒွိၣ် စီၤအၤဘြၤဟၣ်,

အဝဲဒၣ်အၢၣ်လီၤအီလီၤလိ အကအုၣ်က့ၤခီၣ်က့ၤဘၠီၣ်လိ ပဒုၣ်ပဒါတလိၣ်အစုၣ်ပူၤ

ဘျီး ပျဲပမၤအတၢ်ဖံးတၢ်မၤပူၤဖျဲးလါတၢ်ပျံၤတၢ်ဖုး, 75ဒ်သိး ပကစီဝဲဆှံဝဲ ဘျီးတီဝဲလိၤဝဲလိ အဝဲဒၣ်အမံၤညါလိ ပတၢ်အိၣ်မူဒီစိၤညါနဲၢ်လိ. 76နဲဒၣ်ယဖွိခွါ, နကဘၣ်တၢ်ကိးနၤလိ ကစၢ်ယွၤတၢ်ထီကတၢၢ်အဝံတဂၤနဲၢ်လိ.

နကလဲၤဆိနဲၣ်လိကစၢ်အမံၤညါ ဒ်သိးနကကတဲၤကတီၤကျဲၣ်လိ အဂီၢ်, 77ဒ်သိး နကစံးဘၣ်အဝဲဒၣ်အဘၠီၣ်ထီဖူၣ်ထီခၠၢ အဝဲဝီၤ ကဒိးန့ၢ်ဘၣ်တၢ်အုၣ်က့ၤခီၣ်က့ၤ

ခီဖျိ အတၢ်ဒဲးဘးတလိၣ် ဘၣ်တၢ်ပျၢ်ကွံာ်အီၤနဲၢ်လိ. 78ကစၢ်ယွၤမဲၢ် ဘၠီၣ်လိ သးဘၣ်ဃဲၤတၢ်သ့းလိ.

အဝဲဒၣ် ကပျဲ တၢ်အုၣ်က့ၤခီၣ်က့ၤ အမုၢ်ဆ့ၣ်ဟဲဝၣ်ထီၣ်လိ ပဖီခွိၣ် ကပြုၢ်ကပြီၤ, 79ဘျီး ကပီၤလီၤလိ မွိခွိၣ်လိ ဘၠီၣ်ကိးဂၤဒ့းလိ အအိၣ်မူလိ တၢ်ခံးလါတၢ်သံအကဒုၣ်အပူၤ,

ဘျီး ကဆှၢပခီၣ်ခါတလိၣ်လိ တၢ်ဃူတၢ်ဖိးအကျဲၣ်ပူၤနဲၢ်လိ. 80ဖွိသၣ်ဒွိၣ်ထီၣ်လိနီၢ်ခိနီၢ်သးလိ. အဝဲဒၣ်အိၣ်ဝဲဆိးဝဲလိ ပှၢ်လၤကျၣ်တုၤလီၤမုၢ်တနံၤဖဲအဝဲမၤဖျါထီၣ်အသးလိ ကမျၢၢ်အမံၤညါ လိ အံၣ်စရ့လး အဘၠီၣ်ထီဖူၣ်ထီခၠၢနဲၢ်လိ.

Dëgjoj Luke 1