Vargje biblike të njohura nga Yowann 10

Ndaje

Ny dheu lader saw dhe ladra, ha ladha, ha distrui; my yw devedhys rag may fo dhedha bewnans, ha may fo dhedha palster anodho.

‘My yw an bugel da. An bugel da a dhaskorr y vewnans rag y dheves.

Ow deves a glew ow lev, ha my a's aswonn, hag i a'm siw.

Ha my a re dhedha bewnans heb diwedh, ha ny wrons i mos dhe goll bynitha, ha denvyth ny wra aga hemmeres yn-mes a'm dorn.

My yw an daras; piwpynag a dheffo a-ji dredhov vy, ev a vydh selwys, ha dos a-ji ha mos yn-mes a wra, ha kavoes peurva.

My yw an bugel da, ha my a aswonn ow deves ow honan, ha'm re ow honan a'm aswonn vy.

Brassa ages pup-tra yw ow Thas, neb a's ros dhymm, ha ny yll denvyth aga hemmeres yn-mes a leuv an Tas. My ha'm Tas yw onan.’

Kepar dell wra an Tas ow aswonn, my ynwedh a aswonn an Tas, ha my a dhaskorr ow bewnans rag an deves.

Denvyth ny wra y gemmeres dhiworthiv, mes my a'n daskorr a'm bodh ow honan. Yma dhymm galloes dh'y dhaskorr, hag yma dhymm galloes dh'y gemmeres arta; my re dhegemmeras an arghadow ma dhiworth ow Thas.’

Ena Yesu a leveris arta, ‘Yn hwir, yn hwir y lavarav dhywgh, my yw daras an deves.

Mes an goberwas, neb nag yw an bugel, ha ma nag yw an deves dhodho y honan, ev a wel an bleydh ow tos hag ev a as an deves ha fia, ha'n bleydh a wra aga hachya ha'ga skattra.

‘Yn hwir, yn hwir y lavarav dhywgh, neb na dheu a-ji dhe gorlann an deves der an daras mes neb a yskynn war neb fordh arall, henn yw lader ha robbyer.