Vargje biblike të njohura nga Luk 13

Ndaje

‘Strivyewgh dhe vos a-bervedh der an porth kul, rag lies, yn-medhav dhywgh, a hwila mos a-ji ha ny yllons.

Hag awotta benyn neb a's tevia spyrys a wannegredh etek blydhen, ha plegys yn dew o hi, ha ny ylli kammenn sevel a'y sav. Ha Yesu pan y's gwelas a elwis ha leverel dhedhi, ‘Benyn, livrys os a'th wannegredh.’

Hag ev a worras y dhiwleuv warnedhi; ha hware hi a sevis a'y sav ha gordhya Duw.

Hag otta, yma re neb yw diwettha a vydh kynsa, hag yma re yw kynsa a vydh diwettha.’

Wosa mester an chi dhe sevel hag alhwedha an daras, ena hwi a sev an tu a-ves ow knoukya war an daras ow leverel, “Arloedh, igor dhyn”, hag ev a worthyp dhywgh ow leverel, “Ny'gas aswonnav, a-ble owgh.”

Nyns ens i mann, yn-medhav dhywgh, mes mar ny goedhowgh yn edrek hwi oll a dhe goll y'n keth vaner.’

Hag ev a lever dhywgh, “Ny'gas aswonnav, a-ble owgh; diberthewgh dhiworthiv, hwi dhrogoberoryon oll!”

Ena yn-medh ev, ‘Haval dhe bana dra yw gwlaskor Duw, ha dhe bana dra y hwrav vy hy heveli? Haval yw dhe hasenn kedhow a wrug nebonan hy hemmeres ha'y hasa yn y lowarth, ha hi a devis, ha dos ha bos gwydhenn veur, hag yth esa ydhyn an ayr trigys yn hy skorrennow.’