Vargje biblike të njohura nga Mateu 7

Ndaje

“Jugwa mundapata, lambela mundona na taa odi vananshimulila.

Kula munu ánajugwa vandámupa, ánalambela andóna na ánataa odi vanánshimulila.

“Napavedoni kula munu áigwilila malove angu na kutandedya mwalatangalakela, ankuva kenga munu wamang'amung'amu ádangile ing'ande yake pashanya lijanga lyakulitandika.

Napavedoni kula shinu shamulota mwenu vavenu vantandele, namwenu vanavo vatandele vyovyo mwaa lyolyo ali ni Lilamulo na Vakulava.

Pakuva nnango wo, ùdikidiki na indila yo, ìdikidiki yúka kushingumi, vaanaléla nnango awo me vavé padyoko!

“Injilila pannango udikidiki mwaa indila na nnango uvaúkanavo vanu kukubamalegwa, ùkumene. Vainjilíla amo, vavelé voe.

Ikava kenga mwenu pamo na ukalau wenu munkumanya kuvapa vanavenu vyambone, kushi Tatagwenu ávele kuwa hamamodya kuvapa vinu vyambone avalá vanjúgwa?

“Hamunavaukumu vanu kwambangidya namwenu hamunaukumigwe na Nnungu. Mwaa mo mwamulota kuvaukumila vavenu, namwenu Nnungu anamukumila momo. Shipimo shosho shamulota kuvapimila vavenu, namwenu Nnungu anampimila shosho.

Napane kula munu áigwilila malove angu kanji mene kutandedya mwalatangalakela, ankuva kenga munu ákave ding'ano ádangile ing'ande yake palitimbwitimbwi.

Mwaa shani unkwona shikoko muliu lyanung'unumunu kutwala kwiludyanga likangolo livéle muliu mwako? Umwaulila dashi nung'unumunu doni, ‘Leka ndikushe shikoko muliu mo,’ akuno muliu mwako lishingeme likangolo likumene?

“Lishunge kwavakulava vakushang'apa. Vanavo vankumwidila mwenu vàgwalenge magwogwe adingandolo kanji mmitima myave vàvele mavinji akukalipa. Vanavo mundavamanya kwadindila dyavyepo vyave. Da vandépa dyuwe mwinalala kwali kwepa nshambalau mulilonga?

Nadoni kula nnandi wakukonda upa vyepo vyambone napane úkakondile upa vyepo vyakunyalanyalanga.

Hainaulukika shinu nnandi wakukonda kupa vyepo vyakunyalanyalanga na úkakondile kupa vyepo vyambone.

Kula nnandi úkapa vyepo vyambone vandálumula kujela pamoto.