Vargje biblike të njohura nga Lukas 4

Ndaje

“Non Soke opene koi tu luluch nge iau iange i sipona hesilei hote iau ke e haliu hotote nena helenga urana toto ngana. Helenga urana toto ngana nei e haliu hote lala nge hehei pe hana nenge eria haka ero pe reria ure ero toto nga ich nei. Pe kulosia iau ke e haliu hot ke pomai: Iri nenge tetu teu nga kileng au ngana te lohotot. Pe iri nenge mataria hit te nachnau. Pe e haliu ke e teke, etue nem at lo nenge lape Non Soke mene mule na hana mur lochloch.”

Pe Iesus tuacholia, “NeHalang nena hotonga hele ke teke, ‘O heto heke NeHalang am Soke pe oume mana nge i!’”

Pe Iesus tuacholia, “NeHalang nena hotonga hele ke teke, ‘Hana pe hehei te mene maulinga ke koko nga ngaunga mana ero.’”

Ioanes henune Iesus nge Iortan ke het pe Opepengpeng hemute i pe mene i ke langa ich sana lomona.

Pe Iesus tuacholia, “NeHalang na hotonga hele ke teke, ‘O totoi ia am Non Soke NeHalang ero. Pe oech ia i ke nanasia lemem ngam mana ero toto.’”

Non Poreke ngana neu totoi ke helosio ia Iesus nga poinga lochloch. Ke het pe ua ana iange nga hoena lape at tau mule i.

Pe Non Poreke ngana mene heke i langa kileng e nga hengene palaungana. Pe mala ero mana pe henonoua i langa kileng lochloch ngana nga ich. Pe hele lange i, “Lape e tunge lem kerkerenga palaungana nenge o nauele kileng lochloch ngana nemur. Pe ure lochloch ngana nga kileng nemur iong lem ia ol. O esia ure lochloch ngana nemur te tung lochloche at nge iau lo. Pe lape e tung pulut mene lange mele pele mana nga iau lemek ngak. Nenge teke o heto heke iau lape e tunge ure lochloch ngana nei ke lem ol.” Pe Iesus tuacholia, “NeHalang nena hotonga hele ke teke, ‘O heto heke NeHalang am Soke pe oume mana nge i!’”

Ol pe non poreke ngana neu mene Iesus lange Ierusalem pe hetakila heke i nga NeHalang na pele palaungana ona nga lut toto pe hele lange i, “Nenge teke iong NeHalang tuna toto, o tamu hot lamai ke o losio langa ich. Iange NeHalang nena hotonga hele ke teke, “‘NeHalang lape kulosia na angkelo mur ke tenau ele iong. Lape tera hit heke mene iong nga peria pe lape um riria apem ero toto.’” Pe Iesus tuacholia, “NeHalang na hotonga hele ke teke, ‘O totoi ia am Non Soke NeHalang ero. Pe oech ia i ke nanasia lemem ngam mana ero toto.’”