Vargje biblike të njohura nga Tongo nda ti aye 27

Ndaje

Ayeke nzoni Nzapa asara titene ngu alondo na nduzu azu na ndö ti sese ti mo si sese ti mo adu ale ti kobe mingi; lo mu na mo ale ti *ble na fini vin gbani gbani. Ayeke nzoni amara nde asara kua na gbe ti mo si azo ti akodro nde nde akuku na gbe ti mo! Mo ga makonzi ti a-ita ti mo si a-ita ti mo akuku na gbe ti mo! Deba aga na ndö ti zo so ayeke deba mo, tufa aga na ndö ti zo so ayeke sara tufa na ndö ti mo!”

Ezau akiri atene: “Ngbanga ti so iri ti lo ayeke Jacob si lo mu ndo ti mbi fani use na lege ti handango ndo so? Lo nzi ndo ti mbi ti kozo molenge si fadeso lo kiri lo nzi tufa ti mbi. Mo bata mbeni tufa ni ndali ti mbi pepe?”

Babâ ti lo akiri tënë na lo, atene: “Baa, fade ndo ti duti ti mo ayeke na ndo so akobe ayeke sigigi daa mingi pepe. Ndo ni ayeke yongoro na ndo so ngu ti nduzu ayeke ti daa. Mo yeke duti nzoni gi ndali ti yongoro zeme ti mo. Me mo yeke sara kua na gbe ti ita ti mo si na hongo ti mo na ando nde nde, mo yeke zi *zuge so lo zia na go ti mo.”

Ezau akiri tënë na babâ ti lo, atene: “Babâ, gi oko tufa so mo yeke na ni laa? Mbi nga, ayeke nzoni mo sara tufa na ndö ti mbi.” Ezau atoto ngangu.