Vargje biblike të njohura nga Tongo nda ti aye 37

Ndaje

Mbeni lâ, Joseph abaa li ti lo si lo fa peko ni na a-ita ti lo. Ala kiri ake lo ahon ndoni.

Jacob aye Joseph ahon a-ita ti lo kue, ngbanga ti so lo du lo na ndembe so lo ga mbakoro awe. Lo fu na lo mbeni yongoro bongo ti nginza so anzoroko ayeke na tere ni.

A-ita ti Joseph ahinga atene, babâ ti ala aye lo ahon ala kue. Be ti ala ake Joseph; a yeke ngangu na ala ti tene tënë na lo na lege ti ndoye.

Joseph akiri abaa li ti lo si lo fa peko ni na a-ita ti lo, lo tene: “Ala baa! Mbi kiri mbi baa li ti mbi. Lâ na nze na atongoro baleoko na oko ayeke kuku na gbe ti mbi.”

A-ita ti Joseph asara kota be na tere ti lo. Me babâ ti lo angba ti dabe ti lo na atënë so.

Lo tene na ala: “Ala ma tënë ti bango-li so mbi baa so: Mbi na ala, e yeke na ya ti yaka; e yeke kanga agba ti ale ti *ble. Mo ye ti baa, gba ti ale ti ble ti mbi alondo, aluti na nduzu. Agba ti ale ti ble ti ala angoro tere ti ti mbi ni si akuku na gbe ni.”

Lango ni alingbi awe! Ala ga, e fâ lo, e bi kuâ ti lo na ya ti mbeni du ti ngu. Na pekoni, e gue, e tene, mbeni sioni nyama ate lo awe. Fade e yeke baa, abango-li ti lo ni ayeke ga tongana nyen.”

Azo ti dengo buze ti kodro ti Madian ayeke hon na mbage ni kâ. Ala gboto Joseph na ya ti du ti ngu ni, ala sigigi na lo si ala ka lo na azo ti mara ti Ismael ndali ti ale ti nginza baleuse; azo ni ague na lo na Ezipte.

Ala tene na popo ti ala, atene: “Baa, zo ti bango-li so laa ayeke ga so.

A-ita ti lo abaa lo na ndembe so lo ngba yongoro. Kozo titene lo si na tere ti ala, ala leke tënë ti fâ lo.

Na pekoni, lo tene: “Ala tuku mene pepe; ala bi lo na ya ti du ti ngu so ge na benyama so; ala ndu lo pepe.” Ruben atene tongaso titene lo zi lo na maboko ti ala ti kiri na lo na babâ ti lo.