Vargje biblike të njohura nga Aluki 13

Ndaje

«Nargɛ-ya pãŋa doose zanõrɛ n ãn mika kẽ Nawẽnnɛ so'olʋm pʋam, tɩ mam yetɩ ya mɛ tɩ nẽrba zozo'e wʋn wa ɛɛra mɛ tɩ ba kẽ, la ba kãn yãŋɛ.

tɩ pɔka ayɩla bɔna mĩ tɩ kʋlkã'arga tara ẽ botɩ a dɛna kobgo paagɛ yʋʋma pia la anii, yũre ka tãna wʋn dɔ'ɔgɛ. Tɩ Azezi yẽ pɔka la, wi ẽ yetɩ: «Pɔka, fʋ yẽ yolsgo, fʋ bã'aga la basɛ fɔ.»

Dee dɩkɛ a nu'usi paglɛ pɔka la zuo, tɩ bã'aga la basɛ pɔka la bilam mẽŋa, tɩ a tã'agɛ dɔ'ɔra, yãŋa pẽgra Nawẽnnɛ.

Bãŋɛ-ya tɩ nẽrba basɛba n de poorʋm dõma wʋn lebge nẽŋam dõma, tɩ basɛba n mẽ de nẽŋam dõma wʋn wa lebge poorʋm dõma.»

La wakatɛ sãn paagɛ, yidãana wʋn isge yʋ yaŋa la mɛ, la ya sãn weege yẽŋa, ya wʋn wẽ'era mɛ kɔkɔ yetɩ: ‹Zuudãana, yo'oge tɩ tɩ kẽ.› La a wʋn lerge ya yetɩ: ‹Mam ka mi yãma n ze'ele zẽ'a.›

Mam yetɩ ya tɩ ayɛɩ, yãma sãn ka teege yɛm basɛ tõon-be'ero, yãma wuu mẽ wʋn sã'am na bɛla.»

La a wʋn le lerge ya yetɩ: ‹Mam ka mi yãma n ze'ele zẽ'a, fõrgɛ ya mam zẽ'am, yãma de la tõon-be'ero dõma.›

Tɩ Azezi yele ba yetɩ: «Nawẽnnɛ so'olʋm wõn na bẽm? La mam wʋn dɩkɛ la bẽm makɛ la ẽ? A ãn wʋ sɔ'ɔrɔ biire tɩ nẽra bʋrɛ a va'am pʋam, tɩ a bɩ lebge tɩ-kãtɛ. Tɩ niinto sẽnna tɛ'ɛra ba tʋgrɔ a wila zuo.»