Vargje biblike të njohura nga YOHANES 15

Ndaje

“Mɔ ni kudiyi komǝ nɛ, nya mi ni ko kalɛ. Utidi wǝ ke lɛkɔ lǝ mɛɛ, nya mintsya lɛkɔ ku wǝǝ, ɛbɔnwɔ ebibi kpǝ. Itsyise biembofo kulesa buyifo lǝ mimbǝ lǝ mi.

Bɛkɔ lǝ mɛ lǝ mintsya lǝ nyifo lɔni ku mi. Kuyi eto ɔlɛ ǝmbofo bɔnwɔ lǝ wǝ mate ǝsuǝ, woofo bɔnwɔ lǝ ɔlɛ ǝmǝ akɔ lǝ kuyi komǝ ǝsuǝ. Nko ke biembofo ebibi bɔnwɔ lǝ biankɔ lǝ mɛ ǝsuǝ nɛ.

Lǝ biyifo lɔni ku mɛ nya mɔ etiki tsya nkpe lǝ mii, bɛtɔ lesa saa nǝ ke lefe itǝ mi, ete biofo ni.

Inni mi díkǝlǝkǝ mɛ. Bomu mɔ dílǝkǝ mi. Nya nlǝkǝ mi miǝ lǝ bisu bɛnwɔ ebibi kpǝ, nya ebibi nnya biɔnwɔɔ, lǝ itsyǝ lefe saa. Itǝ bǝ lesa saa nǝ biɔtɔ Anto lǝ mɔ diye ǝsuǝǝ, wuutǝ mi ni.

Lelabi nǝ utidi loofo bufi kǝtǝ wǝ bayɛtsyuǝ enso kenke ni bǝnkǝ lǝ ufi wǝ nkpǝ utǝ lǝ mǝ disi.

Waala mɔ kalɛ ka laannwɔ kǝlǝkǝ lǝ mɛ ǝsuǝ nya nka laanwɔ ebibii, waalɔ ke ǝsuǝ lǝ kase ufiebi lɔɔsɔ okpo ke bǝ lǝ kafo bɔnwɔ kukɔnɔ.

Kɔfi ko minlɛ mi butǝ ni nkǝ bela bǝtsyuǝ fe kase maala mi.

Mɔ Anto eto diyǝnde ni bǝ lǝ bɛnwɔ ebibi kpǝ, nya ɛyɛ lǝ nyamfo ǝsuǝǝ, nnya yuulǝkǝ ete bǝ biyifo mɔ bakasebi nɛ.

“Mɔ ni kudiyi tinti komǝ, nya mɔ Anto ni kudiyi komǝ eto ɔkuɛmfo ǝmǝ.

Futsyǝ ke dimankɔ ku mɛɛ, booto wǝ bakpe fe uyilɛ nya wookoe ofiani ɔtɔni. Baakpa kalɛ kamfo eto okle kǝtsyǝ ditsyu kakpe lǝ ute katonsǝ.

“Nlɛ mi asa nyamfo bɔtɛyi bǝ lǝ disuǝyuǝ nǝ nkpe lǝ mɛɛ, lǝ lɛkɛ mi tsya lǝ ǝsuǝ lɛflɔ.

Lǝ bitsyue mɔ afi kotoo, mɔ lelabi itǝ mi ebɔkɔ lǝ mi fe kase mintsya leetsyue mɔ Anto koto, nya mintsyimɛ lǝ wǝ lelabi ǝsuǝ lefe saa.

Lǝ nyaso kɔfi ko minlɛ mi butǝ ni nkǝ bela mi bǝtsyuǝ.”

Lǝ kawunsiǝ kamfo eto betidi binii, eni boola mi fe mǝ ke. Fɛɛ nlǝkǝ mi ntsyiko kawunsiǝ kamfo eto betidi nti nyaso binsini mǝ bale. Nyamfo eso beekisi mi nɛ.