Vargje biblike të njohura nga Lũka 17

Ndaje

Neryo Yesu mwamubwira ati, Uhangane, ugende; erĩkĩrĩrya lyawe lyamabĩkũlamya.

Kandi amakukola nabi ngendo sirinda oko kiro kiguma, neryo akaswakũhĩkako ati, Namabindula omutima erireka ebibi, litolere iwamubuyira.

Nĩkwa omuguma wa kubo abere abilangira kwʼamabĩlamĩbwa, mwasubula iniakapipa Nyamuhanga nʼomulenge munene. Neryo mwakũkama ahisi embere syʼebisando bya Yesu, nʼerimuha ewasĩngya. Omuhaga oyo abya Mũsamarĩa.

Mũyĩtegaye! Omugala wenyũ amakola ebibi, umukunge; amabindula omutima erireka ebibi iwamubuyira.

Neryo Yesu mwabũlya ati, Abosĩ ĩkũmĩ mobatalamĩbwa kwehĩ? Nĩkwa abandi mwenda bali hahi kwehĩ?

Omukama mwasũbĩryabo ati, Kumbe muwite erĩkĩrĩrya ngʼembuto yʼeharadalĩ, mwangabwira omuti wʼomukuyu oyũ muti, Uyikule, uyayihere omo ngetsi, nago ĩnĩabowa.

Oyukasonda erĩlamya engebe yiwe, asyatalyayo, nĩkwa Oyũkatalaya engebe yiwe asyabikayo ndeke.

Yesu mwabwira abiga buwe ati, Emyatsi eyĩkakolesaya abandu bʼebibi ikandisyasa kwenene, nĩkwa obũlĩge oko yukaletayo! Kumbe ryowene busana nʼomundu oyo oluso lunene ilwaboherwa oko bĩkya biwe, iniaguswa omo ngetsi; kwilaba erireka omuguma gʼoko bana balere aba akakola ebibi.

Ngoko byabya omo biro bya Noa, ko bikandisyabya bitya omo biro byʼomugala wʼOmundu. Mobalya, mobapũlya, mobahĩkya, mobaherũkanĩa erĩhĩka oko kiro Noa ingira omo bwato, nʼerigunga lyʼamagetsi molyasa nʼerĩherya abosĩ.