Vargje biblike të njohura nga JUAN 17

Ndaje

Pakabalaana sila sa kamatooran; ang imo polong kamatooran.

Kag ini amo ang kabuhi nga walay katapusan, nga pagkilalahon ka nila nga ikaw lamang ang matuud nga Dios, kag ang imo ginpadala nga si Jesu-Cristo.

“Indi tungud sini lamang ako nagapangamuyo, kondi tungud man sa mga magatoo sa akon paagi sa ila polong, nga sila tanan mangin-isa; subong nga ikaw, Amay, sa akon, kag ako sa imo, nga sila man manginsa aton, agud nga ang kalibutan magtoo nga ikaw nagpadala sa akon.

Ako wala nagapangamuyo nga kuhaon mo sila sa kalibutan, kondi nga tipigan mo sila gikan sa malauton.

Ang himaya nga nahatag mo sa akon ginhatag ko sa ila, agud nga mangin-isa sila subong nga kita isa, ako sa ila kag ikaw sa akon, agud nga mangin-isa sila sing himpit, agud nga ang kalibutan makakilala nga ikaw nagpadala sa akon kag naghigugma sa ila subong nga ikaw naghigugma sa akon.