Vargje biblike të njohura nga Mahendo 1

Ndaje

Ela yiye Roho wa Mulungu achimuudzira na kuhurira dzulu-dzulu ya chila mumwenga wenu, mundahenda widimi. Na phapho, mundashuhudiya dzulu yangu phapha Jerusalemu, Judea na Samariya kosi, na hata duniani kosi.”

Ela Jeso yiye achiaudzidza achiaamba, “Mwimwi tsʼi kazi yenu kumanya gandakala rini maneno gago. Ukati na virimo vya maneno gago, u tsʼini ya widimi wa Baba.

Tsʼiku mwenga, yiye na ao ahumwae ákala adzonana phamwenga, na achiaamba vivi, “Mwimwi tsʼiukeni phapha Jerusalemu. Tarizani vivi hata mupate yiye Mwavizi yelagwa ni Baba Mulungu, ariye ni yemwambira kare dzuluye. Mwimwi munamanya kukala, Johana wabatiza na madzi, ela zichichira tsʼiku chʼachʼe, mwimwi mundakudzabatizwa na Roho wa Mulungu.”

Na Jeso ariphoturiswa hata kuulagwa, wafufuka na achialairira o ahumwae kʼano nyinji kwa tsʼiku mirongo mine, kwa njira zoonyesa lwazu kamare kukala, wakala u moyo. Ao ahumwae ámona, naye achigomba nao dzulu ya Ufalume wa Mulungu.

Ariphogomba gago, wahwalwa kwenda dzulu, na kuno osi anamulolera hata achiphenya inguni. Ao ákala kʼaamona kahiri.

Ela Jeso vyokala uchira mainguni unenda dzulu, ao áenderera kulola kuko dzulu vivyo. Ndo phapho kare phachidza alume airi okala avala nguwo nyeruphe, achiima phephi nao. Na achiauza vivi, “Mwimwi achina Galilaya! Kwadze mwimire phano na kuno munalola dzulu mulunguni? Bee manyani kukala, Jeso uhwalwa akenda dzulu mulunguni. Ela undauya chivyodzimona unenda kuko dzulu mulunguni.”