Vargje biblike të njohura nga Johana 15

Ndaje

“Mimi nidzimwambira, na ninamwambira kahiri kukala, mimi ndimi riro sina ra muzabibu, namwi mu vitai. Ndo mwimwi muchenderera kukala mwangu ndani, nami mwenu ndani, mundavyala matunda manji, kwakukala, photsʼi mimi bee kʼamwidima kuvyala gago matunda gangu.

Ndo endererani kukala mwangu ndani, nami nindaenderera kukala mwenu ndani. Chitai kʼachiidima kuvyala matunda chichikala chitemwa. Chivyala tu, chichikala chi phakwe muhini. Kwa vivyo, mwimwi namwi kʼamwidima kuvyala matunda ga mimi muzabibu wenye mutsʼiphoenderera kukala mwangu ndani.

Muchenderera kukala mwangu ndani, na maneno gangu muchenderera kugaika mwenu myoyoni, voyani chochosi muhenzacho, namwi mundahenderwa.

Mwimwi kʼamunitsagulire, ela mino námutsagula, na nichimuhuma kwa hata mwende mukavyale matunda gondaenderera hata kare na kare, na phapho Baba Mulungu undamupʼa chochosi chondavoya kwa dzina rangu.

Kʼakuna mutʼu wa menzwa bomu kuchira yiyi ya mutʼu kudzilavya kufa kwa dzulu ya asenae.

Ndo yiye Baba Mulungu ariye ndiye mundimwa nikuvitema vitai vyangu vyosi vyotsʼivyala matunda, na vitai vivyalavyo, nikuvitsanira, kwa hata vikaze kuvyala muno.

Riri ndiro lagizo rangu: henzanani dza vivyo nimuhenzavyo mimi.

Muchivyala matunda manji, na konyesa vivyo kukala mu anafunzi angu a jeri, atʼu andamulika Baba Mulungu muno.

Jeso waenderera kugomba achiamba, “Enehu, mimi bee ndimi sina ra muhi wa muzabibu wenye, mwimwi mu vitai, na Baba Mulungu ndiye mundimwa.

Mutʼu atsʼiphoenderera kukala mwangu ndani, unga dza chitai chotemwa. Kwa vivyo, nikutsuphwa na kuuma. Na vitai dza vivyo ndivyo vipigwavyo maiyi na kochwa.

Mimi nidzimwambira maneno gago, kwa hata raha yangu yikale mwenu ndani, na kwa hata raha yenu yikale ya kamare.

Muchigatuwa malagizo gangu, mundaenderera kukala mwangu menzwani, dza mimi viratʼu vyotuwa malagizo ga Baba, na ninaenderera kukala mwakwe menzwani.

Ndo lagizo rangu kwenu ni riri: henzanani.”

Kala mwimwi mu atʼu a dunia, ao atʼu a dunia angari kumuhenza dza anziao. Ela kwahivira kʼamu atʼu a dunia, hata ni námutsagula kulaa kati ya ao atʼu a dunia, ndo ao adzimumena.