Vargje biblike të njohura nga Luka 8

Ndaje

Na muratʼu mwenye mutsanga udzo, ni mufano wa aratʼu atʼu arisikirao riri neno, akariika moyoni, na kurituwa jeri-jeri, na ao nikuvumirira hata akakomala chiroho.”

Himura mwenye mizi ya mihi ya miya, ni mufano wa aratʼu atʼu arisikirao riro neno ela achiuka tu, phapho kare nikukala chimoyomoyo, akaphenywa ni chipherephere cha miyo na mazagazi ga raha, na ndo hata kʼaakomala chiroho.

Mura mutʼu mokala muna mawe mogwa zinjine, munaonyesa aratʼu atʼu ario achisikira neno ra Mulungu, anariphokera na raha. Ela kwahivira anga dza mumo mutʼu mwenye mawe, neno kʼariaphenya mwao myoyoni: anakuluphira kwa tsʼiku chʼachʼe tu, na achijezwa nikuuya nyuma.

Chisha achiaamba, “Hʼaya ri lwaphi kuluphiro renu?” Ela ao achikala adzangalala hata achisala kwambana, “Ni ani yuno, ariye hata unaramba vuto na maimbi gahurire, nago ganamogopha jeri?”

Muratʼu njirani mogwa mbeyu fulani, ni mufano wa aratʼu atʼu arisikirao riro neno, chidzako Shetani akadza, na akarilavya mwao myoyoni kwa hata atsʼidze akakuluphira, na phapho akaokoka.

Maana, chochosi chofitswa chindafunulwa, na chohendwa chinjama-njama, chindakudzahendeka lwazu-lwazu, na chimanywe ni anji.

Yiye muchetʼu ariphoona kukala kʼaidima kudzifitsa, wadzilavya mwenye na kuno unatetema kwa woga, achidzitsupha mbere za Jeso, na phapho achisema mbere za osi chotuma hata amukumbe Jeso, na jisi vyokala uphozwa phapho kare. Jeso achimwamba, “Mayo, kuluphiroro ridzikuphoza, kwa vivyo, enda vyako na reri.”

Aratʼu anafunzi achendamulamusa Jeso na kuno anamwamba, “Bwana, Bwana! Hunahoha!” Jeso achilamuka, achirichemera riro vuto na gago maimbi manji, nako kuchihurira, kuchikala zizizi.