Vargje biblike të njohura nga Mariko 16

Ndaje

Ndo achiaamba, “Mwimwi endani kwa atʼu osi chila itsʼi, mukaasumurire Nguma Mbidzo.

Na aratʼu ondakuluphira, andahenda gaga: andalavya pʼepʼo kwa dzina rangu, na andagomba kwa viryomo viphya vinjine. Ao achigwira nyoka, na achinwa shumu, vivyo kʼavindaahenda vii. Na andaaikira mikono akongo kwavoyera, nao andaphola.”

Na yeyosi yendakuluphira na kubatizwa, undativywa. Ela yeyosi yendarema kunikuluphira, undalamulwa.

Ela ao anafunzi áhwala chiwango, ndo achanza kusumurira neno ra Mulungu chila phatʼu. Bwana Jeso achihenda kazi phamwenga nao, na zizo dalili za kwangalaza zozihenda, zaahenda atʼu anji akuluphire kukala, uo udzumbe wao wakala ni wa jeri.

Ela yiye mwanalume achiaamba, “Tsʼogofyerweni! Ninamanya kukala, munamutsakula Jeso muchina Nazareti, ariyekotwʼa misumari musalabani. Bee, yiye ufufuka kʼamo mumu. Lolani phokala ulazwa.

Mumo njirani, ákala anenda achiuzana vivi, “Ni ani yendakwendahuphimbilisira dziwe ariuse phapho muyango wa yiyo mbira?” Dziwe riro rakala ni bomu muno. Ela ariphofika, áona dziwe ridziuswa kare. Ao achetʼu ariphophenya mumo mbirani, ámona mwanalume mumwenga yekala uvala valo dzeruphe tsetsetse, usegere upande wa kulume wa phokala phalazwa lufu lwa Jeso, na ao achogofyerwa muno.