Vargje biblike të njohura nga John 10

Ndaje

“Umali man-aakaw ta man-akaw, pumatoy ya manyam-an. Ngim sakon, ummaliyak ta idchek cha tagu si biyeg, biyeg un lappun mangkuɏangala.”

Sakon chi bibiɏuʼn man-aayyuwan. Ha bibiɏuʼn man-aayyuwan ichuyala biyegla mipagapu kan cha keɏlilula.

Ti chongɏon cha keɏliluk chi gingak ya ammuk bo chicha ya tun-uchoncha sakon.

Ked idchek chicha si biyeg un mallalayun ked achipun cha pulus misila kan Apudyus. Ked lappun makapɏos kan chicha kan sakon.

Sakon chi sawang. Lu silu lumlok mangoy kan sakon, matatagu ya makwaʼn lumlok ya lumawa umoy mangan.

Sakon chi bibiɏu un man-aayyuwan. Ammuk cha keɏliluk ya am-ammucha bo sakon.

Si Amak un langatod kan chicha kan sakon ked siya kangatuwan si losan ya lappun makapɏos kan chicha kan Ama, ti ayyuwalala chicha. Sakon ya si Ama, os-ossaan kami.”

Ked isula boʼn tagammuwak si Ama, ya tagammuk bo si Ama ked ichuyak chi biyegku para kan cha keɏlilu.

Lappun makaaɏa chi biyegku. Ichuyak si piok. Kalobbongak un mangichuya si biyegku ya kalobbongak boʼn aɏan kasin. Ti siya imbilin Amak un kook.”

Oli pun kasin lan-ugud si Jesus, “Tuttuwa allaʼn ibyegak kan chikayu. Sakon chi sawang un lumlokan cha keɏlilu.

Ha matangchelan un man-aachug, telala ya umawid lu itullongla cha atap un ayam un umali, ti chakampun un ustun man-aayyuwan ya singkuwa kan cha keɏlilu. Ked ha atap un ayam, kalola uchum un keɏlilu ya pilabuɏakala chicha.

Oli pun ilugud Jesus chi pangngalig alla kan chicha, “Tuttuwa allaʼn ibyegak kan chikayu. Ha taguʼn achipun lumlok si sawang chi pukochen cha keɏlilu, ngim sumakay si sabyaliʼn chaɏan, ked man-aakaw ya tulisan.