Vargje biblike të njohura nga Matíó 7

Ndaje

«Nɔ́ batá bá ŋɔ bənú índiə; nɔ́ síə́kə, nɔ ŋɔ bɔ́ŋɔ; nɔ́ kitə́lə ɔ nikí bá nɔ bənú kuunə.

Bɔkɔasɛ́á ata ɛ́yánɛ́ ɔwá a ŋɔ bata, bá ŋɔ wɛɛ́ya índiə; ɔwá a ŋɔ siəkə, a ŋɔ bɔ́ŋɔ. Bá ŋɔ nikí kuninə ɔ wɛ́ɛ́yɛ́ ɔwá a ndɔ nɛɛ́ta kitə.

«Nɔ́yɛ́, mɛ ndɔ bənú lɛna mɛ sɛ́á ata ɛ́yánɛ́ a ná wúuwu ɔhɔ́ɔ ɔ́kɔ́kɛ́na ɔwá mɛ nɔ́ hɔ́kɔ, mbá a ná muítə bɛ́kɛ́ákɛ́na, a óso ɔbáá hɔ́ákátɔ́ ɔ mɔndɔ wa ɛmanya ɔwá a ná yayɛ́á miímə lúmə́kə́ ɔ muɔkɔ ɔmbáŋá.

«Bɛkɔa bikimə ɔbɛ́á nɔ ndɔ siə ɔwá bɔsɔ́kɔ́ bá bənú kɛ́áka, bənú tɔ́na nɔ́ ənú bəə́bú kɛ́áká hɔ́ánánátɔ́ bɔkɔasɛ́á, nɔ́yɛ́ Umbə́ndə́ na Mətilə má Mósisi na má bɔhɛ́nátɔtányɛ́ má ndɔ bənú úkúniə.»

Nɔ́yɛ́ hɛkɔ́kɛ hɛ́ tɔ́tɛ́hátɔ́ na ɛnɔ́mɛ yɛ́ fɔ́tátɔ, ɔ́ bɛkɔa ɔbɛ́á bɛ́ ndɔ bɛndɔ ákánana ɔ buɔmɔ́ bɔ́ ikúílíə́kimə. Ɔmbana mɔtɛ́tɛ́á wɔ́ lɛ́á bááyɛ́ ɔbá bá ndɔ bɛɛ́ta bɔ́ŋɔ.»

«Nɔ́ fínínə́ ɔ hɛkɔ́kɛ hɛ́ tɔ́tɛ́hátɔ́ bɔkɔasɛ́á, hɛkɔ́kɛ hɛ́ sakɔ́nɔ́átɔ́ na ɛnɔ́mɛ yɛ́ ndɛ́ndɛlɛ́á, ɔ́ bɛkɔa ɔbɛ́á bɛ́ ndɔ bɛndɔ ákánana ɔ bunímə́; bəəŋí bá ndɔ tɔ́mbɛ́na ɔ umə́.

Abá uwə́nú á bɛndɔ babɛ́á nɔ ndɔ manya ɔ bɛɛ́la bɛɛsɛ uwíndiə ɔ uwənú baná, bikúílí bɛ́nɛ́á na yənúə́ Isə́ ɔwá a lɛ́á ɔ Nɔɔ́mɛná, a ŋɔ bɛɛ́la bɛɛsɛ índiəkinə ɔ bááyɛ́ ɔbá bá ndɔ wɛɛ́ya bɛɛ́ta bata.»

«Nɔ lɛ bɔsɔ́kɔ́ tɔkɔma lumə, nɔ́yɛ́ Huɛlɛ́ a sɔ́ ŋɔ ənú tɔkɔma lúmə; bɔkɔasɛ́á a ŋɔ bənú tɔkɔma lúmə́kə bɔkɔa bɔ́mɔtɛ́ ɛ́sɛ́á nɔ ndɔ ənú bɔsɔ́kɔ́ lúmə. Nɔ́yɛ́ a ŋɔ bənú kɛaka bɔkɔa bɔ́mɔtɛ́ ɛ́sɛ́á nɔ ndɔ ənú bɔsɔ́kɔ́ kɛa.

Mba, ata ɛ́yánɛ́ ɔwá a ná bɛ́ámɛ́á bɛtambá ɔ́kɔ́kɛ́na, a lɛ bɛɛ́ta ɔŋgɔ́, a ŋɔ hɔ́áka ɔ mɔndɔ wa ɛŋaná ɛmanya ɔwá a ná yayɛ́á miímə lúmə́kə́ ɔ mɔsɛ́á ɔmbáŋá.

Ɛlɔ́áyɛ́ yatɛ́ ɔ ndɔ ɛnáná sinə ɔyɛ́á yɛ́ lɛ́á ɔ niísə nɛ́ mɔnátɛ́á, mba nɔ́yɛ́ ɔ lɛ ndɔ hɛkasakásá sinə ɔhɛ́á hɛ́ lɛ́á ɔ ɔwáwɔ niísə əə́? Nəníə́ ɔ óso ɔ wawɔ́á mukúlə́kulə ɔlɛna ɔ sɛ́á: “Tátɛ́la, mɛ́ aŋɔ́á ɛnáná hɛ́kɛ́á ɔ niísə”, mbá nɔ́yɛ́ ɔ lɛ́á na hɛkasakásá ɔ nɛ́áwɔ əə́?

«Nɔ́ bakanjakanja bá bɔhɛ́nátɔtányɛ́ bítə́tə́kə́níə́. Bá ndɔ ndasá uwə́nú busíə́ na bɛɔfɔ bɛ́ ɛndɔ́mbá bɛ́hákɛ́nátɔ, mba, ɔ uwəbú mɛlɛ́má nuúmə́, bá ndɔ sama ɛ́sɛ́á mɛkɔ. Bənú bɛ́múɛ́tɛ́ nɔ ŋɔ bəə́bu manyakɛna ɔ uwəbú nɛbɛ́kɛna. Abáka bá lɛ tɔlɔ́ndɔ́ kɛ́tá ɔ bɛsɛ́ndɛ́, ata bɛtɔtɔ ɔ bufunú.

Nɔ́yɛ́ malɛ́á maasɛ má ndɔ tɔtámátámá tuɛsɛ háá, malɛ́á mabɛ́á má tɔtámátámá tɔbɛ́á hákɛna.

Nɔ́yɛ́, ata buɔsɛ́, bɔlɛ́á buɛsɛ bɔ́ sá ósó ɔ tɔtámátámá tɔbɛ́á ɔháá.

Bɔlɛ́á tɛ́á ɔbɔ́á bɔ́ lɛ ndɔ tɔtámátámá tuɛsɛ háá, bá ŋɔ bɔɛ́ta sɔ́mba, bá ŋɔ tíábakɛna ɔ tuinyí tɔ́ hiwə.