Vargje biblike të njohura nga Lókasɛ 8

Ndaje

Kanɛ́ masámá máama mó obamɔ́ naá gɛnɔ́gɔ́ gá cí má lɔ́mɔ́ batɔ báaba bɔ́ ɔ́bɔnɔmɔ́ nogálɔ ná Asaŋa na odɛ́má usi gɔnɔ́ gedíelú bese, bá nó gumbene, bá ága bɛondá aŋa bá lɔbɔmɔ́ tɛ́ŋɛ́tɛŋɛ.

Masámá máama mó obamɔ́ naá musíníni, má lɔ́mɔ́ batɔ báaba bɔ́ ɔ́bɔnɔmɔ́ nogálɔ ná Asaŋa; kanɛ́ bá lɛ go bádɛ́ɛnɛna mecíkílí, bonɔ́mɛ na gɛɔyɔ gá cí, mó nó mɔ́mɛnɔ, nó lɔbɔ kanɛ goága bɛondá bɛ́ gónɛna.

Bóncodío bá lɛ́ caŋa táŋɛ́ mmue aŋa cí ya gɛgɔyɔ. Aŋa bɔ́ ɔ́bɔmɔ́ nogálɔ ná Asaŋa, bá nó gɛ́ndɛgɛna na bɛyaŋa. Kanɛ́ bá dɛ nó dɛ́ɛ́ná nó sume ɛŋaŋá, bó oliminyo go moɔnɔ́ ba gɛcamɛna. Aŋa ɛsɔgɛdɔ hɛ́ bó gídemú, bú umbe gioliminyo.

Yésusu go gálɛda behúúní bɛ́hɛ́ a amɔ́: «Gioliminyo gɛ́nyɔ́ gɛ́ lɔ́mɔ́ áhanɛ́ɛ o?» Kanɛ́ bá mba lɛ́ na bofoá, bá békúke makɔ́nɔ́, bá bágálɛnagalɛna bá amɔ́: «Mbɔ́dɔ ya mɔtɔ ɛhanɛ́ɛ yɛ́yɛ́ɛ o? A áncɛdɛna puŋe na miimpo, mó mo ɔ́bɛnɔnɔ!»

Batɔ bóncodío bá lɛ́ caŋa táŋɛ́ mmue aŋa pɛ́ gimbúlúu yɛ́ɛyɛ masámá mó obamɔ́ hɔ́ɔ: bɔ́ ɔ́bɔnɔ nogálɔ ná Asaŋa, kanɛ́ ohándá a lɛ go úle a nco no sógada naá ɛdɛ́má yabɔ́ goŋaá bá dɛ olímínyóo, Asaŋa a bó sódio.

Mammana, boóma buimée bɔ́ɔbɔ bó lɔ́mɔ́ ɔsɛ́gɔ́ɔlú bó ŋga dambɛ́mɛ́dá, buimée bɔ́ɔbɔ naá nnindíi bó ŋga dálɛ́mɛ́dá naá gise.

Okɔ́dɔ go ɛ́na goŋaá bá á mo lɛncá. Gɛ́hɛ́ go u úle a tatana a báá ncó bɔ́nɔ Yésusu naá bɛgɔ́ndɔ́. Go ɛ́da go mo oyanɛna batɔ biimée bɔ́ ɔ́bɔnɔ, goakɛ́ a báá ná mo báláfɛ́ná, tɔ́nɔ aŋa a báá ná dómbá go éŋuge. Yésusu go mo oyana a amɔ́: «Ombóla bámɛ, gioliminyo gáhɔ gɛ́ á go sódío, ɛ́dá naá buumbénú.»

Kanɛ́ behúúní go báyɛkɛna bá báá mo foyóná, bá amɔ́ gɛ́hɛ́ aá: «Iloodio, Iloodio, gɛ́cɔ́ go ɛ́da goŋaá dɛ fúe!» Gɛ́hɛ́ go foyoga, go áncɛdɛna puŋe na miimpo máama má mbaá lɔmɔ́ má bɛlɛmɛncana, muimée mɔ́ɔmɔ mó báá yɔyɔ́. Gɛantá gá pɔ́ɔ́ go nco gunde.