Vargje biblike të njohura nga Matius 21

Ndaje

Kalu ngoni basombayang minta pa Tuhan, ngoni mo trima tu ngoni da minta itu asal ngoni percaya.”

Kong Yesus manyao pa dorang, “Kita bilang pa ngoni, kalu ngoni percaya pa Tuhan deng nyanda ragu-ragu, ngoni bukang cuma mampu beking apa tu Kita da beking pa tu pohong ara itu, malatare ngoni bole mo prenta pa tu gunung ini, ‘Taangka jo kong talempar ka dalam laut!’ Itu pasti mo jadi.

Kong ada orang yang bajalang di muka pa Yesus deng ada lei yang baiko di blakang pa Dia. Dorang sama-sama puji pa Dia deng suara kuat, “Hosana! Puji jo pa Dia tu raja Daud pe keturunan! Puji jo pa Dia yang da datang dalam nama Tuhan. Hosana! Puji jo pa Dia yang ada di tampa mahatinggi!”

Kong Yesus bilang pa dorang, “Di Kitab Suci ada tatulis bagini, ‘Kita pe ruma orang mo bilang tampa basombayang.’ Mar ngoni so beking jadi tampa batipu orang!”

“Bilang jo pa tu orang-orang di Yerusalem tu ja bilang lei Sion bagini, ‘Co lia, ngoni pe Raja datang pa ngoni. Dia nyanda sombong. Dia cuma da nae satu ekor keledai, tu keledai pe anak yang masi muda.’ ”

Kong Yesus bilang pa dorang, “Ngoni tantu so baca di Kitab Suci yang da tulis bagini, ‘Batu yang tukang-tukang bangunan da buang, batu itu so jadi batu fondasi yang paling penting. Tuhan tu da beking itu, kong torang lia yang Dia da beking itu luar biasa.’ ”

Yesus bilang lei pa dorang, “So lantaran itu, Kita bilang lei pa ngoni, Tuhan mo cabu tu ngoni pe hak for jadi orang-orang dari Tuhan Allah yang berkuasa sbagai Raja. Dia mo kase tu hak itu pa orang laeng, lebe kusus pa orang-orang yang suka mo beking tu Dia pe mau, kong dorang itu sama deng pohong yang kase hasil bua yang bagus. [