Vargje biblike të njohura nga Juan 6

Ndaje

Jejenö atjebökwe: —Ötjödasa ba̧kwȩlö̧jatebö ja̧kwawa iyi̧ kwakwawama— yöawinobe—. Ötjönö ichibö ösödadöma a̧wi̧chi̧ tjöböbi la'akatjöda tjuju̧kwökakwedö. Ja̧danö, ojwiyo o̧ti̧ tjöböbi la'akatjöda tjuju̧kwökakwedö. Ja̧ a̧wi̧chi̧ tjöbö, ojwiyo o̧ti̧ tjöbö tjuju̧kwökakwedö, jö̧ba̧löma, tjo̧'wo̧ luwo̧ jawa wanekwachobe— yöawinobe Jesúsma.

Ja̧danö, Dios O̧'wo̧ Luwo̧da jojodönö ba̧kwȩlö̧jatebö ja̧kwawa iyo̧ma. Jojodöma iyöködö ba̧kwȩlö̧jatebö ja̧kwawama. Ötjö yötawi̧ma Dios O̧'wo̧ Luwo̧ jawa. Dios O̧'wo̧ Luwo̧ jawa yötawobetjö̧ ötjö yötawi̧ma ba̧kwȩlö̧jatebö ja̧kwawa kwujuna̧laduwobö yötawobe.

A̧ja̧kwaduwitjö, wanedö yötawi̧ma: Ökwödöma 'dö̧ibaji̧ kwakwawada kwukwaduwobö omukwatö kwö̧jaduwobe. Jo̧kwaijayonö yötawaduwakwö. 'Dö̧ibajökö jawa kwakwawa kwujuna̧laduwobö omukwatö kwö̧jaduwo. Ja̧ 'dö̧ibajökö kwakwawama ba̧kwȩlö̧jatebö ja̧kwawa iyi̧ kwakwawa. Ja̧ kwakwawa iyo̧ma ötjöda, jojo baibanö jeminökweda. Jau, ötjödasa ba̧kwȩlö̧jatebö ja̧kwawa iyo̧ma, Chabe'do Dios jejenö chiyobö ösödö ötjönö weinobetjö̧— yöawinobe Jesúsma jobadönöma.

Ja̧danö ötjö, Dios Itji̧nö tjöwaisachibanö ösödadöma ba̧kwȩlö̧jatebö tjuju̧kwobö ösödobe Chabe'doma. Ja̧danö, 'dö̧ibaji̧ möle badekwachena yemidanö tjetjachajinö chotidobö ösödobe ötjönö webo̧, Chabe'doma—Jesús yöawinobe.

—Dios ösödi̧danö kwö̧jaduwi̧ma biya̧da: Jo̧ba weinökwenö ösödaduwi, Diosma otiwanö weinobe, jö̧ba̧lö. Ja̧da Dios ösödi̧danö kwö̧jaduwi̧ma— atadinobe Jesúsma jojodönöma.

Ja̧danö, yötawaduwakwö. Chabe'do Dios ötjönö iyawö̧ jojodöma ötjökwö tjichibakwedö. Ja̧danö, ötjökwö ichibo̧nöma a'dewakwawö̧kö̧sa.

—Chuluwo̧ kadatibokobe. ¿Ti yöawi̧ da̧ja̧kwobö di̧'yobö? Ökwöda ba̧kwȩlö̧jatebö ja̧kwawa wene yöbawo̧ma.

Ja̧danö, ötjödasa jojodönö ba̧kwȩlö̧jatebö ja̧kwawa chiyobö mölejȩbetjö ichino̧ma. Ötjönö, kwakwawa wanekwacho̧nö kwadöma isabenö ö'wö batjibökakwedö. Ba̧kwȩlö̧jatebö ja̧kwawa tjujuna̧lakwedö jobadöma. Ötjöma ötjödada chiyawakwo̧sa jojodö Dioskwö ba̧kwȩlö̧jatebö tjuju̧kwobö— yöawinobe Jesúsma.

Ötjönö ichibadöma Dabe'do Dios, ötjönö webina öibawö̧da, tjo̧'wo̧ luwo̧ okwanö. Ja̧danö, ötjökwö ichibadönö tjetjachajinö chotidakwo̧sa 'dö̧ibaji̧ möle badekwachenama— Jesús yöawinobe—.

Ja̧ Dios iyi̧, mölejȩbe jawa kwakwawama, ba̧kwȩlö̧jatebö ja̧kwawa iyi̧ kwakwawa— yöawawö̧

Ötjödasa jojodö tjukwi̧ kwakwawama. Ötjödasa ba̧kwȩlö̧jatebö ja̧kwawa iyi̧ kwakwawama.

Ikenama Jesúsma pan emibö, Diosnö ösödö aebinobe, Otiwanö kwiyajabe, jö̧ba̧lö. Diosnö aebaja̧ ikena pan ö̧pji̧ya 'delawö iyabinobe jojodö ba̧jadönöma. Ja̧danö, ba̧i̧ du̧ju̧tajanöbi okobe deinö tjukwobö 'delawö iyabinobe, tjukwobö tjösödi̧da iyö. Ikenama, tjomeawachibanö tjukwajena, Jesús weinobe öba̧ja̧di̧ waisachadönöma: —Pan, ba̧i̧ u'yukwaja̧ma anabiduwi wi̧lȩyu̧bi̧ya okwa, ja'yubebi lobökönö— weinobe.

Lekwe cinco kilómetrosbi seis kilómetrosbi 'yotjachajena tjedinobe Jesúsnöma, ojwe wamenö icho̧nö, jobadö tjö̧lobekwö icho̧nö. Jo̧banö edö yetjaibinobe. Yetjaibiökwe jö̧a̧linobe jobadönöma: —¡Ötjödasa, yekabiduwa!— jö̧a̧linobe Jesúsma öba̧ja̧di̧ waisachadönöma.