Vargje biblike të njohura nga MÁFIYU 3

Ndaje

Wú lúva veléitii ti ɣɛ náá pele w̃a sí áá ngákɛ ngáá nungáitii ngáá wú vólu yáfenga wú háá ỹɔítii mba.

Ná naa í ɣɛ́i kpɛ́ɛ́, kɛ ngoo tá í gulangá ngelegóóh̃u, ngoí ná va i ɣɛi ngáá sí, “Sí lɔ́ í ngáá ní H̃íỹɛndou Loí, ndóngɔ lá. Aá lɔ́ ndíílɛingɔ tɔ́ fááw̃a.”

Ná nɔɔ́ léi Jísu í ngúyai w̃ááhɔlɔni, i gulaí náa njɛ́i wu. Ngamá nɔ́ɔ, kɛ ngeleí laa í wónga, í Ngalángi Hɛ́ɛ́ma Ỹínangi lɔ áá yéi ngáá í héi ma, i ɣɛi gulaí ngáá poovóó kɛ kíli.

Ngáá nguyaí wó ngáá wú ye ngáá njɛí kɛinɔɔ́ nga ngí ɣɛ́ kpál̃au ngáá kɛ wú vólu yáfenga wú háá ỹɔítii mba. Kɛ́ nuí áá vá vaamá ná ní ndá hái áá gúla su, ngakpángɔɔ lé í lɔ́ve mbá. Aa nguyaí wó ngáá wú ye ngáá Hɛ́ɛ́ma Ỹínangi ɛ́ɣɛ ngɔmbuí. Ngáá kúlaɣɛi p̃ɛ́ɛ́ ngáá nuu ngáá lí ngáá ngi gɔ́ɔ́vai.

Ngalángi gɔ́sɔngi ɣɛ́ kíli gulangɔ́ɔ́ lé ngáá koonɔ́ngi sí áá ɣɛ́ ngulúitii ti hápeitii mba náa tevé fááw̃a. Nguluí fíli pá ngi wá pánda ɛ́i ɣɛ́ héini ngá, taá tevé mba tí pilí ngɔmbuí ya.

Njɔú í ɣɛ́i lá Ngalá ndaa háá lé mɔ́i Aisáya í ɣɛ́i áá yɛ́pɛ kɔwɔ́ato mba wɔ́lɔ ná í ɣɛ́i ta, “Nuu tá lɔɔ woo ngúla ngaalaí h̃u, íwaa ɣɛ́ ta, ‘A peleí ɣɛ́ kíli batɛ́ Ndemɔí hááw̃a, wú pɔɔná mbɛ.’ ”