Vargje biblike të njohura nga MATIUS 2

Ndaje

Are era tame ajiiemesen, wanam era Jiiam, arsoot Mariaam, aporesen. Are jindi andaepuapesen wanam era Jii asitimesen. Are aapak ese ambumesen. Ambumes arawa, emasam, pinim akot wus tapi juas kemenyanam, wan wus tapi juas muram, era Jii atetamesen.

Emesare. Yesus Yudea tapirmi kota juas Betlehem ajisamsen. Era baream raja ipit juas Herodes era tapirmi aememen. Baet tastu oweam, jee ajapejisemarpu tapirmi aejinaoesen. Are kota Yerusalem ambaremesen. Are atakam akoresen. “Me japen ajisamse Yahudi owe araja Ipit etepepuram? Me jee ajapejisemarpu abaet oup atemete ere, danom aporom. Dararawa, Armat Ipit basitim ajinaoapom.” Emes atakam aesimesen.

Era owe baet apores, are jak akotnak aememesen.

Emesare, baet tastu owe ise atamwitesen. Era ise atamwites ere, Allah, era owe, Herodespu bofasios bas, emes atakam aesimtamen. Era owerawa, atapirmi wan bokot aoesosesen. Aesoses arawa, Yusuf ise atamwiten. Ise atamwite ere, are Tuhan amalaikat bi aporen. Era malaikatam atakam armat ipit aesimtamen. “Bawasitey! Era Jii arsootam, ombare Mesir tapirmi atuomasey. Era asan aemapey. Atakam wora aesimtamtey bare ajiire. Herodes era Jii batatii andimarportem.” Emes atakam aesimen.