Vargje biblike të njohura nga Lukas 17

Ndaje

at ap waga a’ge ano disogo mo’gulesi, “Demat obapnobua, oluk hede nebam he’berik pegen ai pam arat obaphebegis o. Holuk e, hebe inotluk howi pam lak o,” oluk perakpesi.

Ap ai en agauwa mesik erlige pam, e’gik sabit hebarligen pam pobuk naduk wiagap hebasulat e, nin hwedik nan hwedik e’gik sabit enamat he’bek wotluk, Wiagap hebegis a’ge ai nebabut heberlaga o, oluk mo’gulhosu wago holuk e, erlagapsogo ukpasu lomup o,” oluk mo’gulentesi.

Asogo erlak agama re, ap ebano a’ge mesigat a’ge nak il agap pam ’gwelakhesi ’gal e, yebil ebano arat erlak agama re, togolik wagalat, iak loksogoat, Allah erliktil waga. Wagarik, Yesus eragam odogorlu pam hurotluk sakhunsogo welat hau weregei. Ap hau weregei ai owi o Samaria a’ge.

Holuk e, henebe erlele wokho re, henebabut heberlogo welemis o. His henarilak honorokhwi a’ge mesik wiak tago holuk e, esa’go werip o. Esa’go worogup ’gal, ebabut heberliso holuk e, wiak tago a’ge ano erlagapsogo ukpomup o.

Asogo hau weregeimu, at Yesus en e, disogo mo’gulesi, “Ap enebe 10 eriano enebetne op nak egesa a’geat de, enebe sogo a’ge ’geba legesema.

at nonue ’gain Onuk Logo a’ge ano en e, “’Gebi e’gen owi wei a’ge pelogwi ai ’gela’ge, henede an nebam wei nagat he’berik poluk e, his en, E musani yu yema en henokho re, ik laut lok omugwema etleba yaklai lak o, oluk mo’gulorogupmu re, hiak esa’go holuayat ani o,” oluk mo’gulentesi.

Ap sa en u’gwarek ebe erlele horlouwa holuk, pobuk ebe nal ema o. A’geat de, ap sa en ebe erlele hwerlasu erlakma en, nal ema holuk e, ebe delhorlouwa o.

At Yesus en asogo mo’gulentesirik e, at osi iak wogu legesa a’ge ebano wene mesik disogo mo’gulentesi, “Aphwami en an ’goboksogo uknobouwagoluk is nin pema en enede ’gagalua a’ge oruagat ani o. A’geat de, at ap sa en enede ’gagaliselat oruak a’ge ai Allah en ebe ai wiagap pouwa o. At ai en is malik wei a’ge yuat mesik en an ’gobologo uknobouwagoluk ede ’gagalumu, an ’gobologo uknebasu holuk e, at ap ede ’gagaliselat welago a’ge ai helep lok a’ge o’gorlop pam herle erlilogo re, ik laut lok omugwema hwik elepma re, op o.

Is aphwami ap Nuh oruakhwe togu legesa eria hegit e, an abat daklau wegi ano pobuk asogoat tugukhwe weik o. Nuh oruakhwe, is aphwami eba seni sorogulat ap en hwami wogonobogulat, is nin pema wogontugulat, tugukhwe, ap Nuh ano ik so ogola ’gwegeimu, ik lok ligagalat, is aphwami ebano perlengsogo warenebegei.