Vargje biblike të njohura nga Luk 17

Ndaje

Rîu Jesû areera muntû ûu atîrî, “Ûkîîra na ûciîtîre nîûntû wîtîkio bwaaku nîbu bwatûma ûbua.”

Akëeja gûkwîîria maita mûgwanja ntukû îmwe, îndî na akeeja maita mûgwanja agîkwîraga, ‘Ndîkwirira,’ no mwanka ûmûrekere.”

Rîrîa ûmwe waao oonere akworua aracoka agîkumagia Mûrungu na kajû gakanene. Nî aairingîre nthî mbere ya Jesû aramûcokeria nkaatho. Muntû ûu aarî Mûsamaria.

Imenyeereni! Muntû akëeja gûkwîîria, mûkaanie; na akëeja kwirira mûrekere.

Jesû arooria, “Tî antû îkûmi boorerue? Barîkû bau bangî kenda?

Mwathani arauga, “Bûkëethîrwa bûrî na wîtîkio bûbûnini ta mpîndî ya mûthandûkû, bwoomba kwîra mûkûû jûjû: ‘Kûûka na ûgaciaande îrieene,’ na jûkabwathîkîra.”

Muntû wonthe ûrîa ûcwaga kwonokia ûtûûro bwaawe akabwaga. Îndî ûrîa ûraîrwa nî ûtûûro bwaawe akabwonokia.

Jesû areera aritwa baawe atîrî, “Mantû ja gûtûma muntû eeyia no mwanka jeeje. Îndî wûi kîrî ûrîa ûkajareta! Bwabua muntû ûu akaogeerwa iiga rîa kûthia nkingo na akagerwa îrieene, antû eeja gûtûma ûmwe wa baba baniini eeyia.

O ta ûrîa gwakari îgiiteene rîa Noa, nîu gûkeethîrwa gûkari rîrîa Mûtaana wa Muntû akeeja. Antû nî baarîîjaga na bakanyua, na nî baagûranaga na bakagûrwa, mwanka ntukû îrîa Noa aakûrûkîre ndeene ya sabina. Mbura ya maburiko nî yaurîre na îrathiria antû bonthe.