Vargje biblike të njohura nga Luk 7

Ndaje

Tontû bûû, ndîkwîra atî, akûrekerwa meeyia jaawe jarîa jagûkarî jamaingî, nîûntû akwonania wendo bûbûnene. Îndî ûrîa ûrekagîrwa meeyia jamakai, nîu wendo bwaawe bwîthagîrwa bûrî bûbûkai.” Rîu areera mûka ûu, “Meeyia jaaku jakûrekerwa.”

Jesû areera mûka ûu, “Wîîtîkio bwaaku bûgûkwonokia; îta na thîîrî.”

na areeta ararûngama nyuma ya Jesû, akuî na magûrû jaawe, akîrîraga. Meethori jaawe jarambîrîria gwîtîka magûrûûne ja Jesû na arajaangûra na mûtuundu jwaawe. Aracoka arajacûnca na arajaaka maguta.

Ntîonere bwagîrîte mbîja kîrî gwe ni ningwa. Îndî rita waatho na nthûûmba yaakwa îkabua. Kinya ni ndî muntû ûrî waathoone. Ndî na asikarî barîa mbathaga na mbîîraga ûmwe waao, ‘Îta!’ Na ageeta; na nkeera ûngî, ‘Njû!’ Na akeeja. Ningî nkeera nthûûmba yaakwa, ‘Thithia ûjû!’ Na îkathithia.” Rîrîa Jesû aigîrue ûu ararigara mono na aragarûka areera antû barîa bamûthingatîte atîrî, “Ndîbwîra atî, ntoona wîîtîkio ta bûbû kaîrî kinya nthîgûrûûne ya Israeli.”

O kagiita kau kongwa arooria antû babaingî barîa baarî na mîrimo na arenga roho inthûûku irauma kîrî barîa baarî nacio. Ningî aratûma atumuumu babaingî boona. Rîu Jesû arabacokeria atîrî, “Îteeni bwîre Johana mantû jarîa bwona na jarîa bwaigua: atumuumu nî bakwona; bionje nî bigwîta, na barîa barî na mûtigiri nî bakwoorua, na barîa batiigagua nî bakwigua, na akuû nî bakûriûkua, na kinya Nteto Injega nî îgûtûmîîrua kîrî nkîa.