Vargje biblike të njohura nga Baloma 1

Ndaje

Mebo nsyuusi nsoni a Makani Mabotu aa Kilisito, nkaambo ninguzu zya Leza zyakufutula baabo basyoma boonse, kusaanguna Bajuda, eelyo kuzwa waawo abamasi abalo.

Nkaambo Makani aaya ngaatuyubunwida Leza mbwatondezya bululami. Nzila eeyi njalusyomo kuzwa kumatalikilo kusikila kumamanino. Mbuli mbokulembedwe kuti, “Ooyo uululeme kwiindila mukusyoma uyooba aabuumi.”

Nkaambo kuzwa kumalengelo bantu balizi bube butaboneki bwa Leza, nkokuti nguzu zyakwe zitamani abuleza bwakwe. Bantu balaziba eezi nibabona eezyo Leza nzyaakalenga. Aboobo tabajisi cilitamizyo pe.

Ncobeni bakalimuzi Leza, nikuba boobo tiibakamulemeka akumulumbaizya, pele bakali kuyeeya buyo zyabuyo, nkabela mudima wakazula mumyoyo yabantu bafuba-fuba aabo.

Bakasiya zyabwini zya Leza akutobela zyabuyo. Balalemeka akubelekela zilenge mubusena bwakulemeka akubelekela Mulengi walo ngotweelede kulemeka lyoonse. Akube boobo.

Lino bukali bwa Leza buzwa kujulu buzide ali basizibi boonse batalemeki Leza. Azibi zyabo balesya beenzinyina kuti batazibi bwini.

Nkankakaako Leza ncaakabalekela kuti baccilile zisusi zyuusya nsoni. Abalo bakaintu babo bakasiya mulimo wabukaintu baccilila mulimo uusofwaazya. Mbubonya oobo abaalumi babo bakaleka bukkale bwamuŋanda batalika kucita zitaambiki abaaluminyina. Bakacitana zijazya nsoni, eelyo mukucita boobo bakaliitila cisubulo eeco ceelede milimo yabo iisesemya. Nkaambo bakakaka kutobela Leza, wakabasiya mumizeezo yabo mibi kuti bacite zintu zisofweede.

Bakali kuti, “Tuli basongo,” anukuti mbafuba-fuba. Bakaleka kulemeka Leza uutafwi, bakomba baleza bapange baboneka mbuli bantu bafwa, ambweni mbuli bayuni naa banyama naa zikalaba.