Vargje biblike të njohura nga लूका 24

Ndaje

ऐबै ज़ुण प्रतिज्ञा परमेश्वरै मुँभै धिना सा सौ मूँ तुसा सैंघै पूरा केरनी कि ज़ैबै तैंईंयैं स्वर्गा न शक्ति तुसा पैंधै नी उतरली ताँ तैंईंयैं तुसै यरूश्लेम शैहरा छ़ौड़िआ बाहरै मतेइत् ज़ाँदै।”

ते औखै नी ऑथि ते ज़िन्दै हुऐदै सी। याद केरा ज़ैबै ते गलीला न ती, तिन्हैं तुसाबै कि बोलू ती।”

तैबै च़ानक तिन्हरी औछ़ी खुली होर तिन्हैं यीशु पछ़ियाणै, पर ते तिन्हरी नज़री न राहुऐ। तैबै ते आपु न बोलदै लागै, “ज़ैबै यीशु आसाबै बौता न पवित्र शास्त्रा री गैला समझाँदै लागै ती, तैबै आसरै मना न उतेजना पैदा किबै नी हुई?”

होर तिन्हां सैंघै बोलू, “ऐ गैला बोहू पैहलै पवित्र शास्त्रा न लिखीदी सा कि मसीह दु:ख सौहणा, होर त्रीज़ै ध्याड़ी मूँऐंदै न ज़िन्दै होंणा। यरूश्लेम शैहरा न शुरू केरिया सारी ज़ाति न मन बदला होर पापै री माफी रा प्रचार, तेही रै नाँ न केरिना।

तिन्हैं हेरू कि ज़ुणी पात्थरा सैंघै कब्रा रा द्वार बन्द केरू ती सौ एकी धिराबै लुढ़कुदा ती। होर आँध्रै जाईया, तिन्हां बै यीशु री लाश नी मिली।