Vargje biblike të njohura nga San Marcos 1

Ndaje

Tá ínaá ni̱ꞌi ka, nta̱ko̱o Jesús ka̱na‑Ña̱ kua̱ꞌa̱n‑Ña̱ nu̱ú köo ña̱ꞌa na̱ yuví, ta ikán káꞌa̱n‑Ña̱ xíꞌin Táta‑Ña̱.

ta ka̱chi‑Ña̱ saá: ―Xa̱ ni̱xi̱nu ki̱í ña̱ ki̱nto̱o Ntióxi̱. Xa̱ ku̱yachin ki̱í ña̱ kixáá‑Ña̱ kaꞌntia‑Ña̱ chiñu nu̱ú‑ntó. ¡Ntantikó kava ini‑ntó xa̱ꞌá kua̱chi‑ntó, ra kantíxa‑ntó tu̱ꞌun va̱ꞌa Ntióxi̱!

Ra tá ka̱na‑Ña̱ ini ti̱kuíi, nti̱ku̱n xi̱ni Jesús nta̱nu̱ná ntiví, ra ni̱xi̱nu̱ Espíri̱tu̱ Ntióxi̱ sa̱tá‑Ña̱ tá ku̱va iin sa̱ta. Ra xi̱ni so̱ꞌo‑na̱ tu̱ꞌun ña̱ ke̱e ntiví káchi‑ña̱ saá: ―Yóꞌo̱ kúú Se̱ꞌe mií‑i̱, Ña̱ kúni̱‑yu̱, ra kúsi̱í nti̱va̱ꞌa ini‑i̱ xíꞌin‑ún.

Yu̱ꞌu̱, ra, xíꞌin ti̱kuíi va sákuntiutiá‑i̱ ntóꞌo̱, suu Ña̱ kixa̱a̱, xíꞌin Espíri̱tu̱ I̱í Ntióxi̱ sákuntiutiá‑Ña̱ ntóꞌo̱.

Ra ka̱chi Jesús saá xíꞌin‑na̱: ―Naꞌa‑ntó, ra kunti̱ku̱n‑ntó yu̱ꞌu̱; nu̱ú ka ña̱ tíin‑ntó tia̱ka, ra sána̱ꞌa̱‑i̱ ntóꞌo̱ ntakiꞌin‑ntó na̱ yuví ná ntanti̱ku̱n‑na̱ yu̱ꞌu̱. Ta nti̱ku̱n nta̱koo‑na̱ ñunú‑na̱, ta nta̱kunti̱ku̱n‑na̱‑Ña̱.

Ra nta̱kutúꞌun ini na̱ yuví na̱xa sána̱ꞌa̱‑Ña̱, chi káꞌa̱n‑Ña̱ tá ku̱va iin na̱ ntíso chiñu káꞌnu, ta süu tá ku̱va na̱ sána̱ꞌa̱ léy Ntióxi̱ ña̱ nta̱koo Moisés.