Vargje biblike të njohura nga Yuhana 1

Ndaje

Ama gà asiŋ ŋa kə̀la ka, ta waya ŋgat, tàa gəs ŋgat nda gəzləŋ tar lele. Tar ka, aka vəl a tar vatwa aà mene gà ɓəza Mbulum.

Akahər ata piŋŋe, i təv ana Mbulum aka ge gər ahəɗ zukw tsiye ka, wele ana tə zalar bazlam Mbulum ka, a riŋ dukw ŋgar. Ŋgat ka, a riŋ mandza ŋa i təv Mbulum, dite ŋgat ka, Mbulum mbaŋa.

Təv dzaydzay ŋa ata a də̀vawa ika magər luvuŋ, ama ka, luvuŋ a sle aà mimbete dər tsa.

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

Mbulum a ge gà dukw tserdze ka, nda ahər ŋgar. Duwa ilik na Mbulum a ge nda ahər ŋgar tsiye ka, a riŋ tsa. Mesife gà duwa tserdze a dara ka, i təv ŋgar a, dite mesife ata ka, a vəlawa təv dzaydzay ŋa a gà mburma mbaŋa.

Ndidwe ŋana ka, Yuhana a ŋgat a Yesuw a riŋ a dehe a a təv ŋgar. A gwaɗa a gà mburma ana i fataya: «Kəla təmaŋ ana Mbulum a vəl, ta kiɗ a aɗaba məpəla à bakal a mburma ya ka, araha, a deriŋa.*fd*

Ŋgat ɗa ika gər ahəɗ. Ama ku mege Mbulum a ge gər ahəɗ nda ahər ŋgar tekeɗe ka, gà mburma ana iɗəm a, tə sər ŋgat tsa. A dara ka, aka ahəɗ ŋgar a. Ama gà mburma ŋgar tàa gəs ŋgat tsa.

Təv dzaydzay ŋa ata ndzer ŋa ya ka, wele ana tə zalar «Bazlam Mbulum» a. A dara aka gər ahəɗ a ka, aà medìve ika magər gà mburma tserdze.

Mbulum aka vəl a kwa məpala ahəm nda ahər Musa. Ama a ge a kwa ŋgwal ŋgar, a ɗif a kwa à ndzer ŋgar ka, nda ahər Yesuw Kiristi.