Vargje biblike të njohura nga Matyò 15

Ndaje

Pîza, ghɛ zɛ ə ze fɨə ə wùə echo nyi mə ze ndo ə və ətəm, ə̀ ghɨnə nyi əghɛ ghɛ ə ghe nə̂ wùə e ve zo va ə Zhə̀fè əshi. Kwâʼtè tepite fɨə ə ghò ətəm chiynə ghò nə, ò zhwi, nyîŋə̀ è zhwîə wùə è kɨ̂sè ndom ə wùə, è chûmtè ə zəynze, è chɔŋe, è kaŋa kə ò wam ə̂ wùə tu, fɨnə pîə ə̀ghɛ piə yîghe kûmə̀ wùə.

Ə̀ va chi àfɨa kɛ ə wùə zhiə ə ke nə̂ nə è və zo va ə Zhə̀fè əshi, pîza ə̀ pɨl nyi èghɛ zɛ ə ze fɨə ə wùə echo ə ze nə̂ nə è və zo va.”

‹Ghɨ ghɨnə kɔʼsə̂ mi è choze, pîza təm ə ghənə̂ghè e nyi sə tyà sê Mi. Ghənə fe kə ngəʼ səndô, pîə nə ə ngɨmnə̂ mi, kûmə̀ nə ghənə zaʼlə̂ ə̀ghɨ nə chûmtə̀ èlwɔ̂ŋ ə wùə m̀sɔ̀ŋve tsɛ̂ kə kɔʼsə lwɔ̂ŋ ə Fezhə̀vè əghɛ mə ə̀ fɛte əghɨ.›”

Njisə̀s ə ke pə̀ynsə̀ vəyn nə, “Ò nyi wùzhɔyn èpomə èghaʼê! Ghɛ zɛ ə ò kɔ̀ŋə̀, ə nə̀ nə̂ zəynze sê gho.” Kè sə ashìŋə̀ vayn èzhɔyn ə̀ vəyn ə tɛ.

Pîza wùzhɔyn ə̀təyn ə pə̀ tɨmə ə̀ndzɨs ə̂ vəyn əshi, pîə nə, “Pɛ̂pɛ, tsàmte mi.” Njisə̀s ə pə̀ynsə̀ nə, “E tsɔ̂fə̀ va nə ə nji fɨazhiə m mɨ̂ətə̀vè ə maʼa sê puse.” Wùzhɔyn ə̀təyn ə pə̀ynsə̀ nə, e nyi zamə “Pîza kè nâʼà sèpu zhiə ndò pɨaʼle vɛ ə ve tâyntə̀ ə pɛ̀ ndɛ etùə àlaŋ ashìŋə̀ kɛ è zhiə.”