Vargje biblike të njohura nga Jɔn 13

Ndaje

Mə ya anìŋ nàʼà ikə feg inən gha, “Mbə̀ kɔŋɔ wə̀d imɔʼ imɔʼ. Icheg ne mə̀ kɔ̀ŋ awən, mbə̀ bə̀ kɔ̀ŋ mə̀mbin. Mbə̀ mə̀ ya kɔ̀ŋɔ̀ mə̀mbin, wə̀d ijìm biri kyeri gha, mbə̰ ya ìmbum mə̀mə̀nənùg.”

Amad anìŋ ne mə yaʼ ìwən Àchwitìnùg, bə̀ yaʼ ìwən Anɔŋisəg, mbə̀ ghò bə̀ sò ighog abə ìmbən məfi icheg ne mə̀ sò ìmbən. Mə fə chwi ikuchèg inən gha mbə̀ bə se ghìyə̀ ane abə bəd ndəŋ.

Yeso ya ywìtì ibo gha, “Chəyi àze atog kiri zḛ imbə̀ʼ anug azo̰ ne mə ghìyə̀ amad anìŋ. Si ya gha, àze atog biri ghi zen ane amad sa.”

Mə gha tesiʼ inən gha, chəyi ŋwan àfàʼì we kweʼè chè mbaʼ àfàʼì məd. Chəyi wə̀d ne mbi tɔmi aməd we bə̀ kweʼè chè wə̀d ne tɔmi aməd.

Amad anìŋ ne mbə̀ kyeri inug mbo̰, mbə̀ fàʼa mbiwən, Ŋwiye biri zì àbɔrɔ̀bɔd igun inən.”

Wì ya si nɔʼ sàŋì tijəg te ne wì yaya jə̀ghə, təm titighe, chì ìzi ndwigun, si niŋ tawè kɔd ane ìwi ìkyèri. Wì ya ghì ane, si niŋ mənib inga akaŋ ne mbe so nyɔd, se sò ighog ìmbi mə̀mə̀nənùg. Wì yaya sò fùghə ane tawè we ne wì ya kɔri ane ìkyèri.