Vargje biblike të njohura nga यूहन्ना 10

Ndaje

चोर कोनी दुसर काम चो काजे नाई मान्तर मात्र चोरी करूक आउर घात करूक आउर नष्ट करूक ऐऊ आय; मय ऐईकाजे ईले कि हुनमन जीवना पाओत, आउर खुबे ले खुबे पाओत।

अच्छा चरेया मय आय; अच्छा चरेया मेंडामन चो काजे आपलो जीव देऊ आय।

मोचो मेंडामन मोचो शब्द सुनु आत; मय हुनमन के जाने, आउर हुन मोचो पाट-पाट रेंगु आत

आउर मय हुनमन के अमर जीवना देऊ आंय। हुन केबे नष्ट नी होये, आउर कोनी हुनमन के मोचो हाथ ले झिकुन नी धर दे।

बाट मय आंय; अगर कोनी मोचो बाटले भीतरे ओलदे, तो मुक्ति पाये दे, आउर भीतरे बाहरे ईआर जाआर करे दे आउर चारा पाये दे।

अच्छा चरेया मय आंय; मय आपलो मेंडामन के जाने, आउर मोचो मेंडामन मोके जानोत।

मोचो बुआ जोन हुनमन के मोके दिलो से, सपाय ले बड़े आय आउर कोनी हुनमन के बुआ चो हाथ ले झिकुक नी सकोत। मय आउर बुआ गोटक आंव।”

जसन बुआ मोके जानु आय आउर मय बुआ के जानु आय--आउर मय मेंडामन चो काजे आपलो जीव के देऊ आय।

कोनी हुनके मोचो ले झिकु नुआत, मान्तर मय हुनके खुद ची देऊ आंय। मोके हुनके देतोर बले अधिकार आसे। आउर हुनके फेर ले धरतोर बले अधिकार आसे। ऐ हुकुम मोचो बुआ ले मोके मिरली से।”

तेबे ईशु हुनमन ले फेर बल्लो, “मय तुमचो ले सत-सत बलें सें, मेंडामन चो बाट मय आंय।

भुतीयार जोन ना चरेया आय आउर ना मेंडामन चो मालिक आय, बिगवामन के ऐतोर दकुन मेंडामन के छांडुन भाती पराऊ आय; आउर बिगवा हुनमन के धरू आय आउर जत-खत करून देऊ आय।

“मय तुमचो ले सत-सत बलें सें कि जोन कोनी बाट ले मेंडा कोठरली ने नी ओले, मान्तर कोनी दुसर बाट ले चेगुन जाऊ आय, हुन चोर आउर डाकु आय।