Vargje biblike të njohura nga यूहन्ना 15

Ndaje

मय अंगुर डीरा आय: तुमी खेंदामन आहास; जोन मोचो ने बनुन रऊ आय आउर मय हुनचो ने, हुन खुबे फल फरू आय, कसनबल्लोने मोचो ले अलग होऊन भाती तुमी काई बले नी करूक सकास।

तुमी मोचो ने बनुन राहा, आउर मय तुमचो ने। जसन खेंदा अगर अंगुर डीरा ने बनुन नी रये तेबे आपन खुद ले नी फरूक सके, असने ची तुमी बले अगर मोचो ने बनुन नी राहा से तो नी फरूक सकास।

अगर तुमी मोचो ने बनुन राहा आउर मोचो बचन तुमचो ने बनुन रओ, तेबे जोन चाहे मांगा आउर हुन तुमचो काजे होऊन जाये दे।

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

ऐचो ले बड़े मया काचीई नुआय कि कोनी आपलो मीतमन चो काजे आपलो जीव देओ।

जोन खेंदा मोचो थाने आसे आउर नी फरे, हुनके हुन गोंदुन देऊ आय; आउर जोन फरू आय, हुनके हुन छाटू आय बल्ले आउर फरो।

“मोचो हुकुम ऐ आय, कि जसन मय तुमचो ले मया संगाले, असने ची तुमी बले गोटक दुसर ले मया संगाहा।”

मोचो बुआ चो महिमा ऐचीई ले होऊ आय कि तुमी खुबे असन फल आना, तेबे ची तुमी मोचो चेला ठेबा से।

“सते अंगुर डीरा मय आय, आउर मोचो बुआ किसान आय।”

अगर कोनी मोचो ने बनुन नी रये, तेबे हुन खेंदा चो असन पकान दिया जाऊ आय, आउर सुकुन जाऊ आय; आउर लोग हुनके सकलुन भाती आईग ने मेंडाऊन देऊ आत, आउर हुनमन जरून जाऊ आत।

मय ऐ गोठमन तुमचो ले ऐईकाजे बल्ले से, कि मोचो हरिक तुमचो थाने बनुन रओ, आउर तुमचो हरिक पुरा होऊन जाओ।

अगर तुमी मोचो हुकुममन के माना से, तेबे मोचो मया ने बनुन राहा से; जसन कि मय आपलो बुआ चो हुकुममन के मानले से, आउर हुनचो मया ने बनुन रऊँ आंय।

ऐ गोठमन चो हुकुम मय तुमके ऐईकाजे देंयें से कि तुमी गोटक दुसर ले मया संगाहा।

अगर तुमी संवसार चो होतास, तेबे जगत आपनमन ले मया संगाती; मान्तर ऐई लागुन कि तुमी संवसार चो नुआस, मान्तर मय तुमनमन के संवसार थानले चुनले से, ऐईकाजे संवसार तुमचो ले बईर संगाऊ आय।