Vargje biblike të njohura nga Mateo 19

Ndaje

Sini-neng iren Jesus et kigwan to i “No too, eg cha mebedin a a-magen iwan, nem no si Afo Chiyos, mebedin tep kaya thon a-magen a emiin.”

Nat chegwa wa ira, no diket iyansa-ki ira. Isonga, sema inpansa-kin Afo Chiyos, nat pansi-jan koma na too.”

Inbaga ngon Jesus i “Eg jo aya bisay iyaysolat cha esel Afo Chiyos a kigwan to i ‘Nonta kapkapoanan a piyarsowaen Afo Chiyos i too, imag toy dahi tan bii’? Et kigwan to wa i ‘Isonga, say dahi, bebtihan toy aweto tan ineton maytipon cha imbaliy to, et manbalin iwa chegwa na sa-ki.’

isonga kigwan Jesus i “Itolok joy aanak a onkowan ali ched si-kak. Enog i inparit tep sema iren toon inges to ira ja aanak a iyangkebaba, si-kariy mayka-chom cha pantorayan Afo Chiyos.”

Nem chakel a iyangkekayang niman, maybaba, tan chakel ngon iyangkebaba niman, maykayang.”

Tan angken siyen toon mengipejas na baliy to, aahi to, aweto tan ineto, aanak to, tan payo-payow to tep ekika-chom cha si-kak, may-i-kanan na menandasos a banol na inpayas to. Tan may-i-kanan ngo na biyag a nagwariy pengingkaan to.

Et kigwan Jesus i “No piyan mon nagwariy kolang mo, mo idahoy kameng mon i-kan mo ma pilak cha iyangkebitheg, et gwara wiy kinabaknang mod dangit a ikamid Afo Chiyos. Et kowan ka di et kay-olop ka wed si-kak.”

Et kigwan Jesus i “Niyana mowan ibagaiak no ngoy maronong? Si Afo Chiyos bengat i maronong. No piyan mon mayka-chom cha biyag a nagwariy pengingkaan to, mesepol a patien moy bili-bilin Afo Chiyos.”

Konen ko ngod si-kayo i mas inam-ay i idesot na camel cha ebot na chakom iy say kayka-chom na baknang a tood pantorayan Afo Chiyos.”

Isonga, konen kod si-kayo i angken siyen dahin mengisi-jan na imbaliy to ampet ekidahiy bii, ekibii no mengimbaliy na afil a bii.”

Et kigwan men Jesus cha disipolos to i “Sejay a konen kod si-kayo, podnon edigat ngarod a mayka-chom i baknang a tood pantorayan Afo Chiyos.