Vargje biblike të njohura nga Иоанн 1

Ndaje

Сетненень, конат кармасть седейсэст вастомонзо, Сонзэ лемс кемицятненень, Сон макссь оля арамс Пазонь эйкакшокс

Васняяк ульнесь Вал, ды Валось ульнесь Пазонть марто, ды Валось ульнесь Паз.

Валдось чоподасонть вандолды, ды чоподась эзизе вельтя сонзэ.

Валось теевсь ломанекс, эрясь ютксонок, чанстте ды видечиде пешксе. Минь неинек Сонзэ инексчинзэ, се инексчинть, кона максозь Тензэ Тетянть пельде, кода вейкине Цёранстэнь.

Весе теевсь Сонзэ вельде, Сонтемензэ эзь тееве мезеяк, мезесь ульнесь теезь. Сонзэ эйсэ ульнесь эрямо, ды эрямось ульнесь ломантненень валдокс.

Омбоце чистэнть неизе Иоанн сонзэ пелев молиця Иисусонь ды мерсь: «Ванодоя, Те Пазонь Вирезэсь, кона допрок сайсы масторлангонь пежетенть!

Сон ульнесь масторлангсо, кона теевськак Сонзэ вельде, ансяк масторлангонь ломантне Сонзэ эзизь сода. Сон сась Эсь ломаненстэнь, ансяк Эсензэтне Сонзэ эзизь васто седейсэст.

Ульнесь алкуксонь Валдо, кона валдомгавты эрьва ломаненть, кона сы масторлангов.

Коесь максозель Моисей вельде, чанстесь ды видечись састь Иисус Христос вельде.