Vargje biblike të njohura nga Yohanes 10

Ndaje

Haoghaba toro yingkirop nimina, ‘Haoghaba tomneri, ya'ag opsineri, loba nembahinun,’ seneropne mo sembe yingkirop. Aghana na yahingena, ‘Nimi kamag wamikti, sinag teko wamna koma wamukang,’ aro yahi.

Na pham domba paia uhinne walinge wamna. Pham domba paia uhiropne walingeri ulamnep nena, ‘Tebahanea babe pham domba taulbahinun,’ aro ulamla.

Pham domba naringe tanekori nari yubu lilim ka'elamneang. Nari sin ililamsindi, el wamsinba, sindi nanag neleplamneang.

Nari sinag ya'ag kamag uro unne tareamsinba, sin ya'ag uro wamikti, ka'eseptaukang kom. Nimi nhondi babe pham domba naringe taneko na saeag agha pelepto topsilul kom.

Na wali wamnebag ina siram wamna. Nimi etne na pere agha wa'ile tanena, nimi eneko wali talul. Wali urobag anekoa yang pang ulamleri, wali tero wamnebag iplul.

Na pham domba paia uhinne walinge wamna. Naniri na el wamnelba, wamna saog uro nari babe Nani el wamna. Ane saog uro nari pham domba taneko el wamsinba, sindi babe na el wamneang. Nari sin sembe ulamnangena, ‘Tebahanea babe pham domba naringe taulbahinun,’ aro ulamna.

Pham domba taneko Naniri na saeag pibog. Nia mangkina wamlangeag agha el mikip sirik saogne nhon babe wamla kom. Nimi nhondi babe Naniri saeag agha sin pelepto topsinep kom. Nanap na Naniap ot nhonog wamnam,” seog.

Na pham domba paia uhinne walinge wamna. Naniri na el wamnelba, wamna saog uro nari babe Nani el wamna. Ane saog uro nari pham domba taneko el wamsinba, sindi babe na el wamneang. Nari sin sembe ulamnangena, ‘Tebahanea babe pham domba naringe taulbahinun,’ aro ulamna.

Nimi nhondi babe na kamag wamnange nanag agha taluro tomnep kom. ‘Na tebanun,’ aro nari wanaag agha palil dalamna. Na Naniri arukto mikiba nanag tatneogpa, nari saeag wamla. Mikiba nanag pibogne agha, ‘Na tebanun,’ aro palil dalamneri, mikiba nanag pibogne agha na nen kamag nenep tanun,” aro ambatsiog.

Seneraghek komne sembe Yesusti nen tipto yubu lelamogti, “Nari yubu sikne agha ambatnuahin. Nana pham domba sembe na ina siram wamna.

Nen nimiri, ‘Pham domba yae wamsinenge sembe kamna tatneheng,’ aro yae wamsinep. Aghana pham domba eldamneringe kom tanena, ngainge eldamneri pham domba paia uhiropne saog wamnep kom. ‘Kamna tatneheng,’ aro yae wamsinep nimi enekori kemelamleba, pai kam yonge yalogleba, iple tanena, pham domba taneko laplobi agha merero pinep. Laplobi agha pihileba, pai kam yongeri pham domba oro pabileba, nenne talup tangto anden-anden tanep.

Yesusti sunumna ambarelamsiogti, “Nari yubu sikne agha ambatnuahin. Pham domba leka toro paia uhirobag nimiri ina siram toman wa'in koma leka toman walero wa'irop tanena, nimi eneko haoghaba tohiro nimiringe saeagha pelepsirop nimi wamla.