Vargje biblike të njohura nga Génesis 6

Ndaje

Li Muc'ul Diose toj vocol laj ya'ay, yu'un altic no'ox la spas cristianoetic ta sba banamil.

Li Muc'ul Diose laj yil ti i'epaj smulic li cristianoetic ta banamile, xchi'uc ti ja' no'ox batem ta yo'ntonic o snopel li c'usitic chopole.

Ac'o me jech laj yal li Muc'ul Diose, pero li Noee lec laj yil.

Li'i ja' sc'oplal Noé. Li Noee ja' jun lequil vinic. Scotol c'ac'al lec yich'oj ta muc' li Diose. Ja' no'ox stuc oy ta yo'nton tspas c'usi tsc'an Dios ta scotol cristianoetic ti c'alal cuxul li Noee. Jech lec laj yil sbaic xchi'uc li Diose.

Jech laj yal: “Ta jtu'pbe o sts'unubal ta banamil li cristianoetic la jpase, xchi'uc scotol chonbolometic, xchi'uc li chonetic ti xquilet ta banamil chanove, xchi'uc li mutetique. Xco'laj xchi'uc ti manchuc la jpase”, xi.

C'alal ibolic xa'ox li cristianoetic li' ta banamile, ich'ian tsebetic yu'unic noxtoc. Li xnich'nabtac Diose laj yilic ti toj c'upilic sba li tsebetique. Jech te lic st'ujic ti bu junucal tsc'an chiq'uique, jech te inupin xchi'uquic. Li Muc'ul Diose jech laj yal: “Mu xcac' ti toj jal chcuxiic li cristianoetique yu'un oy sbec'talic, jech ja' xa no'ox ta xcac' cuxiicuc vacvinic (120) jabil”, xi. Ja'o te ilic sts'unubal muc'tic cristianoetic ta banamil ti c'alal laj yic' sbaic xchi'uc xnich'nabtac Dios li stsebetic cristianoetique, yu'un i'ayin yalab xnich'nabic xchi'uquic. Ja' ti ven tsatsal cristianoetic ibatic ta ts'acale, ti puquem sc'oplalic ta buyuc no'ox ta vo'onee.

Li Noee la spas scotol jech c'u cha'al i'albat yu'un li Diose.

Ja' yu'un jech laj yalbe li Noee: “Laj xa jnop ti ta jlajes scotol li cristianoetique, yu'un ja' ta scojic ti toj ep c'usitic chopol li' ta banamile. Ja' yu'un ta xcules scotol xchi'uc li c'usitic oy ta sbejel banamile.

Meltsano jun barco ta te' ti ep xuch'ale. Ep ta c'ol yut xapas. Pac'o lec ta xuch' ta yute xchi'uc li spate, yu'un jech mu x'och vo' ta yut.

Scotol cristianoetic ibolibic, jech i'epaj mulil ta banamil laj yil li Diose.

Jech noxtoc ic'o ochel ta barco jcot stot jcot sme' ta scotol li jaychop chonbolometic oy ta banamile, yu'un jech mu x'ul o sts'unubal jech chac c'u cha'al li vo'ote.