Vargje biblike të njohura nga मत्ती 3

Ndaje

‘लौ ङी आब्राहाम्‌कोः प्‍लोमःदानेकायःपाय् परमेस्‍वर्‌इ न्‍युम्‍ह्‌ताक्‌तय्‍हीली वाय्‌तय्‍हीली’ ततेः ताःतेःचनै। नीङ्‌खे मीह्‌ती वाय्ओ त खेःया दोङ्‌सीलेः परमेस्‍वर्‌इ अरु अरु आब्राहाम्‌कोः प्‍लोमःदानेखे इ साःहाङः मुओ बाङ्‌लम् थाङ्‌ताक्‌ती जाङ्‌ह्‌सालेः खाय्‌नौ बा। लौ नीङ्‌मा ल्‍हुङ् द्यान्‍ह्‌ती रेव्ओ काम् फेसा खेःतेःनै बा।

एत च्‍यवःतोक्‌हाङः “लौ इपाय् ङाकोः आन राप्ओ ल्‍हुङ्‌गोरे चोःलेःतेः खेःनाः बा। ओउःकः ङा आन म्रोनाङः” त दाय्‍ह्‌ती लाङ्‌कासै यात्‌ज्‍योः हाव्‌नयः दाय्‍ह्ओ वाङ्आ।

ओहाङःसैको बाप्‍तीस्‍मा जाङ्‌ह्आक्‌तीको येसु तीःसै ग्‍ल्‍युङ्‌ह्‌तोक्‌हाङः फेल्‌बाङ् वाक्‌ती फोल्आक्‌तीको परमेस्‍वर्‌कोः ग्‍वालामः धुकुर्‌वाःकोः रुप्‌लो थाङ्‌ती लयःकःताङ् ग्‍ल्‍युङ्‌ह्ओ येसुइ च्‍यवःआकान्।

“लौ नीङ्इ रेव्ओ काम् फेतोक्‌हाङः ङाखेइ तीःइ बाप्‍तीस्‍मा बयःनाङ्‌सतो लोन्‍तेसै ङासै आन ताङ्‌ह्ओ मान्‍ता चाक्आः वाङ्‌नाः बा। ओउःकायःपाय् ङाच्‍युक् मीओ मान्‍ता ओउःकोः जुत्ता लात्‌सा स्‍याव्‌ङल। ओउःखेइ नीङ्‌कायः परमेस्‍वर्‌कोः ग्‍वालामःइमा म्‍हेःइमा बाप्‍तीस्‍मा त तोओ बयःतेःनै।

सायः पेतो ग्रान्‍ह्‌ती सायःमालो सीङःकायः मान्‍ताइ खाम्‍ह्‌ती ओल्‌ती तुस्ओ सीङः जाङ्‌ह्‌ती वाय्‌नानी माः र। इलो लेखा नीङ्इ पेओ काम् जाङ्‌ह्‌माःयामा परमेस्‍वर्‌इ नीङ्‌कायःमा ह्र्योङःती वाय्‌तेःताक्‌तेःनै” त दाय्‍ह्‌ती युहनाइपाय् बाप्‍तीस्‍मा त्‍याक्‌लाङ् वाङ्ओलम्‌कायः तोआथास।

“लौ मान्‍ता याक्‌गार्‌सीःमालो बेलाङ्‌हाङः यात्‌चाक्इ कुरा तोती गोःती मुनाः। लौ प्रभुकायः पेतो रोम्‌साकायः ओउः वाङ्‌धाङ्‌माःखाहाङः ओउःकोः वाह्‌सा खेःओ ल्‍याम् ङ्‌हालेः जाङ्‌ह्आक्‌नु दा” त दाय्‍ह्‌ती ओउःपाय् दाय्‍ह्आ। इतलेः ओउः परमेस्‍वर्‌कोः कुरा छ्यानःओ एसाया त तोओइ परमेस्‍वर्‌कोः आखरःहाङः लेखआकान्।