Vargje biblike të njohura nga Lucas 22

Ndaje

“Epã, ẽ ubiskuiyabanu mi duikĩ ea axuwe ẽ ubiskuiyabanu. Ẽ ubiskuipaiyabawiyaitu na ẽ duiyai keskara iyabanu. Na mi duiyai keskanu”, wadi.

Naskaweke ẽ bia kiwĩxua iki mi chipu dia kanu. Awiana ewe rawexikĩ mi iki uxũ na ẽ nichibis wetsawu yuixiwe: ‘Jesúski chipu dia wukawe’, atu waxiwe”, wadi.

Naskawata Jesúspa pan tsubata Dios yuidi: “Epa Dios, ẽ biki idibai. Mia duku pan ina”, wadi. Naskata kaxkepakexu atutii inadi. Naskata atu yuidi: “Da pan ewẽ kaya itiru. Batu uduax ẽ dawaidaka. Naskake na nu akai keskara weyakawe ‘Jesús ẽ uduax dadi’, naduri shinaxikakĩ”, atu wadi.

Pikĩ adaitita na pan aka keskawaxikĩ kechu vinoya tsubata atu yuidi: “Dios maawuwe yuinanawaidaka naduri apaxakĩ. Naduri apaxanu batu uduax ewẽ ibi xawapakewaidaka. Da kechuki vino ewẽ ibi itiru.

Naskadu shinabetsakui awẽ yura chakakui beeyana ubiskuikuikĩ dukuxu raba kiwĩa keskawadiba. Na kiwĩa winubainiwuwã wasĩ kiwĩdi. Awẽ niska na ibi keskara nama tusupakekawakakaĩdi.

Atu keskara iyabakawe. Watura wetsa iyua chipuke keskara iwe. Watura wetsa diaiwu uibati keskara iwe.

Naskawaitu Jesúspa kebadi: “Pedro, datiãruku takara wede kewuabadu tres veces mia wumaikaiki: ‘Ẽ Jesús tapiaba’, mi iki”, Jesúspa wadi.