Vargje biblike të njohura nga Mateus 28

Ndaje

Awylygue idâwâtaungâ awârâem kurâdope ato ara enomedâzemo, yeinwântomoem. Yeinwâmpygueduomo, batiza ietaungâmo, ynynonroem, Pabai Deus eynynonroem, Deus Ispiritury eynynonroem warâ awylymo xutuhomoem. Amitomoem inomedâdomobyry ara lâpylâ enomedâdaungâmo. Enanâguewâdaungâ, agâmolâ wawyly, koendâ nhetomoem xypyry etaji kehoem — kely Jesus. Alâ kulâ. Mateus

Aituo Jesus xinaram saindyly, aguely: — Deus kaynâ, onwâgâ alelâ pymâem witoem anygue.

Anju kaynâpa âetyby pekodo modoram aguely myani: — Tâseanezeba itaungâ. Tutuze urâ, Jesus mâwinlymo awyly, kruz onwa sakâjiby. Tarâpa olâ mâkâ. Ipa, kurâem nitondai, aguehobyry aralâ! Etaungârâ etadâdobyryam. Ânguy lâpeba tarâ.

Aituo myani Jesus eyanmo aguely: — Tâseanezeba itaungâ. Idâwâtaungâ. Ynynonro modoram aguewâtaunda. “Âwaynâmolâ ise Jesus idâly Galileiaram. Târâ ise âwânwândylymo. Ese âmaemo” warâ kewâtaunda — kely Jesus.

Kurâdo eynynâ Deus aguewâni modo iwymârydo myani kurâdo nhutudyzeba akaemo tyam nhegatuyby. Aituo myani kywymârydo agâ âtunâgueze idâlymo. Koendâ âtunâguedybyem myani toenzepa kehoem guarda domodoram dinheru nhudulymo. Warâ myani eyanmo aguelymo: — Jesus eguepybyry wâgâ amyguehonly-ro watay, “Kopae xina xykyly ume Jesus eynynonro modo nâtâ, eguepybyry emagazeze” kewâtaungâ lelâne. Pilatos âykyhomobyry wâgâ agâmo iewiâpadyly-ro watay, xina ise eagâ aguenri, inagazebyramo itoem — kelymo. Aituo myani guarda domodo dinheru nhemakely. Kurâdo eynynâ Deus agâ aguewâni modo iwymârydo aguehobyry ara lelâ aguelymo. Arâ lelâ myani judeu domodoram nhegatulymo, kypemugudoram. Xirâ tonokudobyry tâinwânselâ akaemo judeu domodo ewy iwerâ.