Vargje biblike të njohura nga اِنجیلِ مَتّی 5

Ndaje

هیچکی لَمپا رِه روشَن نُکانه که اونِه کاسه جیر بَنه، بلکه اونِه لَمپا پایه یه سَر نَنِه تا تمام اَهلِ سِرِه رِه روشِنایی هَدِه. هَمینجور، بَنین شِیمی نور مَردُمِ رو بِتابِه تا شِیمی خُجیرِ کارانِ بَینِن و شِیمی پیَرِ که آسِمانِ دِلِه دَرِه رِه پَرَسِّش هَکُنَن.

«شُما دُنیایِ نور هیسین. نَشَئنِه شَهری که کوهِ سَر بِساته هَبا رِه، قایِم هَکُردَن.

«خوش بِحالِ اوشانیکه اوشانِه دِل پاکِ، چون اوشان خُدا رِه دینَن.

«خوش بِحالِ اوشانیکه وَشنا و تَشنایِ عِدالَتِن، چون اوشان سیر بونَن.

وَلی مَن شِمِره گونَم شیمی دُشمَنانِ دوس بِدارین و اوشانیکه شِمِره ظُلم رِساندِنَن، اوشانه وَسین دُعای خِیر هَکُنید.

«خوش بِحالِ اوشانیکه روح دِلِه فَقیرَن، چون آسِمانِ پادشاهی که خُدا اونه حاکِمِ اوشانه شی هیسه.

«خوش بِحالِ اوشانیکه آشتی هَدَنِ دُمّال دَرِن، چون اوشان خُدایِ ریکا دُخوانده بونَن.

«خوش بِحالِ ماتَم بَزِه شان، چون اوشان تَسَلی گیرنَن.

«خوش بِحالِ اوشانیکه صالِحی یه راه دِلِه ظُلم دینَن، چون آسِمانِ پادشاهی که خُدا اونه حاکِمِ اوشانه شی هیسه.

«خوش بِحالِ رَحمینِشون چون براوشان رَحم بونه،

«خوش بِحال شما، وقتیکه می خاطِری شِمِره فاش دَنِن و ظُلم رِساندِنن و شیمی عَلیه دِرویِ هَمرَه هَمه جور بَدِ گِب زَنِن. خوشحال هَبین و شادی هَکُنید چون آسِمانِ دِلِه شِیمی اَجر زیادِ. چون پِیغَمبَرِانی که پیش از شما دَبان ره هَم هَمینجور ظُلم بَرِساندَن.

«خوش بِحالِ فروتَنان، چون اوشان دُنیا رِه به اِرث بَرنِن.

«شُما دُنیایِ نَمَک هیسین. وَلی اگه نَمَک خودشه مَزِه رِه از دَست هَدِه، چِطور بونه اونِهِ یِدَفِه دیگه شور هَکنیم؟ دِ فایدِه ایی نِداره، بِجُز اینکه دِرگا بَریزی و مَردُمِ اونه لَگَدِ دَموجَ هَکونَن.

پَس شُما بایسّی كامِل هَبین هَمونجور که شِیمی آسِمانی پیَر كامِل هیسه.

شِیمی گَب فَقط آرِه یا نه هَبو. اینه جی بیشتر، شَریرِجییِه.

«بِشنَوِسّین که باگوتَن: ”چِش، چشِ عَوَض و دندان، دندانِ عَوَض.“ وَلی مَن شِمِره گونَم، بَدِ آدَمِ روبِرو نِیَسین و هر کی تی راسِ جولِ چَک بَزَه، تیِ اون طرفِ جول رِه هَم اونه سَمت وَگِردان.

پَس اَگِه تی راسِ چِش باعِث بونه گُناه دِلِه دَکی، اونِه دَر بیار و تُوواد، چون تِرِه بِهتَرِ ایتا تیکه تیِ تَنِ از دَست هَدی تا اینکه تمام تیِ تَنِ هَمرَه جَهَنَمِ دِلِه تُووادِه هَبی. اَگِه تی راسِ دَس باعث بونه گناه دِلِه دَکی، اونِه بَبین و تُوواد، چون تِرِه بِهتَرِ ایتا تیکه تیِ تَنِ از دَست هَدی تا اینکه تمام تی تَنِ هَمرَه جَهَنَمِ دِلِه تُووادِه هَبی.